100 • 19 قاراشا، 2019

«ەڭبەكشى قازاق» گازەتى: «ەڭبەكشى قازاق ەستەرىڭدە بولسىن»

22 رەتكورسەتىلدى

«ەڭبەكشى قازاق ەستەرىڭدە بولسىن» ماقالاسى 1926 جىلى «ەڭبەكشى قازاق» گازەتىنىڭ №112 سانىنا شىققان.

گازەتتىڭ جاندانۋى، گازەتتىڭ كورىكتى بولۋى ءۇشىن بارلىق ۇكىمەت مەكەمەلەرىنىڭ، ۇيىمدارىنىڭ كۇندەلىك ىستەپ جاتقان ىستەرى، بولاتىن جيىلىستارى، الىپ بەرەتىن ءتۇرلى نارسەلەرىنىڭ ءبارى كۇنبە-كۇن ­جاريالانىپ وتىرۋ كەرەك بولسا، گازەتتىڭ قارجى جاعى نىعايۋ ءۇشىن بارلىق ساۋدا ورىندارىنىڭ، ۇيىمدارىنىڭ حالىققا تاراتاتىن جارنامالارىن، ءتۇرلى جوندەگى قۇلاقتاندىرۋلارىن گازەتكە ۇزبەي بەرىپ تۇرۋى كەرەك. مۇنسىز گازەتتىڭ كۇشى كىرمەكشى ەمەس.

«ەڭبەكشى قازاقتىڭ» قازاقستان استاناسىندا كۇندەلىك بولىپ شىعا باستاعانىنا 6-7 ايدىڭ ءجۇزى بولدى. سودان بەرى «ەڭبەكشى قازاق» جارناما، قۇلاقتاندىرۋ جاعىنان تازانىڭ ماڭىندا. وقتا-ساندا بىرەر جارناما جىل قۇسىنداي كورىنىپ قويادى. قاتار شىعىپ وتىرعان ورىس تىلىندەگى «سوۆەتسكايا ستەپ» گازەتىن الساق، ءنومىر سايىن جارناماسىز شىققان ەمەس. ەڭ ارعىسى، سەرىك تە جارناماسىن بەرەدى. ىشكى ساۋدا كوميسسارياتىنىڭ گۇبىرنەدەگى بولىمدەرىنىڭ دە ءوز گۇبىرنەسىندە بولاتىن ماڭىزدى جارمەنكەلەر تۋرالى «سوۆەتسكايا ستەپكە» كەيدە جارناما بەرە سالاتىن ادەتتەرى بولادى. سولارعا «سوۆەتسكايا ستەپتە» باسىلعان جارناماسىن سۇراپ، «ەڭبەكشى قازاق» باسقارماسى تەلەگرامم سوقسا، الاتىن جاۋابى قىسقا كەلەدى: «ەكى گازەتكە بىردەي باستىرۋعا بىزدە كۇش جوق!»

بۇل – كوپ مىسالدىڭ ءبىرى. تەرە بەرسەڭ، مۇندايلار ۇشان تەڭىز.

قىزىلوردا سوتتىڭ ۇكىمىن ورنىنا كەلتىرۋشى بار. سوت ۇكىمى ­بويىنشا تورگكە سالىپ ساتاتىن مالى، بۇيىمى بولادى. مۇنى الۋشى، كوبىنەسە، ساۋداگەرلەر، قىزىلوردا كوشەسىندە ساۋدامەن جۇرگەننىڭ دەنى كىم؟ قازاق.

سوت ۇكىمىن ورىنداۋشى وسى تورگ تۋرالى جارناماسىن «سوۆەتسكايا ستەپكە» باستىرىپ شىعارىپ، قارايدى دا وتىرادى.

بۇلار جارناما جونىندەگى مىسالدار. ال، گازەتكە ماقالا بەرۋ رەتىنە كەلسەك، بۇل جاعى دا وڭىپ وتىرعان جوق. كەڭسە باسىندا وتىرعاننىڭ تەزيس جازا المايتىنى بار ما! وتىرعان كەڭسەسىنىڭ جۇمىسى تۋرالى بىرەر ماقالا جازسا، باس سالىپ «سوۆەتسكايا ستەپكە» جىبەرەدى.

– «ەڭبەكشى قازاققا» نەگە بەرمەدىڭ؟

– كوشىرىپ باسارسىڭدار.

مىنە، بۇل «ەڭبەكشى قازاققا» «ەكىنشى گازەتتىڭ كوشىرىندىسى» دەگەن اتتى تاعادى.

قىسقاسى، ورىس پەن قازاق گازەتىن تەڭ ۇستاۋ جونىندە ۇكىمەت مەكەمەلەرىنىڭ، وندا وتىرعان جاۋاپتى ازاماتتاردىڭ بۇل ۋاقىتقا شەيىن شالالىعى از ەمەس. بۇل شالالىق بۇدان بىلاي دا سوزىلا بەرسە، قازاق تىلىندەگى گازەتتىڭ وركەندەۋىنە كەسەل بولا بەرمەكشى. وسىنى ەسكەرىپ،  قازاقستاندىق پارتيا كوميتەتى «قازاق تىلىندەگى ءباسپاسوزدى وركەندەتۋ كەرەك. ءاربىر پارتيا، كومسومول مۇشەسى، قوسشى-باتىراقتار، بەلسەندى ازاماتتار «ەڭبەكشى قازاقتى» كوتەرۋگە اتسالىسسىن» دەپ وتىر. مۇنداي قاۋلىعا، ناۋقانعا ء«يا، دۇرىس قوي» دەپ يەك كوتەرە سالاتىن ادەت تە بىزدە بار. بىراق بۇل ادەتپەن ءبىز پارتيا ءتىلى بولعان ءباسپاسوزدى كوتەرە المايمىز.

بارلىق ۇكىمەت ورىندارى، ۇيىمدار، وندا وتىرعان جاۋاپتى قىزمەتكەرلەر «ەڭبەكشى قازاقتى» ەسىنەن شىعارماسىن. گازەتكە بەرەتىن جارنامالارى، قۇلاقتاندىرۋ، ماقالا-حابارلارى بولسا، ەكى گازەتكە بىردەي جىبەرۋدى ۇمىتپاسىن.

باسقارما.

 

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار