ەكونوميكا • 19 قاراشا، 2019

عىلىم مەن بيزنەستى ۇشتاستىرعان جيىن

12 رەتكورسەتىلدى

نۇر-سۇلتان قالاسىندا «يننوۆاتسيالاردى ىنتالاندىرۋ: عىلىم مەن بيزنەستىڭ ۇشتاسۋى» اتتى كونفەرەنتسياسى ءوتتى. عىلىمي جەتىستىكتەردى كوممەرتسيالاندىرۋدىڭ تابىستى تاجىريبەلەرىن تانىستىراتىن شاراعا ء«ونىمدى يننوۆاتسيالاردى ىنتالاندىرۋ» جوباسى اياسىندا ءبىلىم جانە عىلىم مينيسترلىگى مەن دۇنيەجۇزىلىك بانك بىرلەسىپ مۇرىندىق بولدى.

كونفەرەنتسيادا قازاقستان ەكونوميكاسىنىڭ ۇدەمەلى دامۋىن جۇزەگە اسىرۋ ءۇشىن بيزنەسپەن جەمىستى ىنتىماقتاستىقتىڭ ناتيجەلەرى تانىستىرىلدى. ولاردىڭ قاتارىندا «Bio Clean» كومپانياسىنىڭ كوممەرتسيالاندىرۋ جونىندەگى مامانى جانە «KazEcoSolutions» جشس باس ديرەكتورى ولجاس دۇيسەنوۆ ۇسىنعان مۇناي لاستاعان توپىراق پەن سۋدى تازارتاتىن Myco-Oil يننوۆاتسيالىق بيوپرەپاراتى جوباسى بار.

– قازاقستاندا مۇناي 100 جىلدان استام ۋاقىتتان بەرى ءوندىرىلىپ كەلە جاتقانىن، ەل اۋماعىنداعى مۇنايمەن جانە مۇناي ءوندىرىسى قالدىقتارىنان لاستانعان جەر كوپ. ءبىزدىڭ مىندەتىمىز – لاستانعان جەر كولەمىن بارىنشا ۇقىپتى ءارى ءتيىمدى تاسىلمەن ازايتۋ. بيولوگيالىق تازارتۋدان كەيىن نەمەسە «بيورەمەدياتسيادان» كەيىن لاستانعان توپىراق اگروبيوتسەنوزدار جۇيەسىنە قايتارىلادى، – دەيدى و.دۇيسەنوۆ.

بيوپرەپارات نەگىزىندەگى تەحنولوگياعا العاش بولىپ «ەمبىمۇنايگاز» اق كومپانياسى تاپسىرىس بەرگەن. ءسويتىپ قىسقا مەرزىم ىشىندە 20 000 توننا مۇناي قالدىقتارى مەن 4،2 گا جەر تازارتىلدى. ال وتكەن جىلى نۇر-سۇلتان قالاسىندا «نۇرلى جول» ۆوكزالى اۋدانىنداعى اپات سالدارىنان اۆياكەروسين توگىلگەن 50 000 تەكشە مەتر توپىراقتى تازالاۋ جۇمىسى تابىستى جۇرگىزىلدى. قازىر «ەمبىمۇنايگاز» اق-نىڭ بالعىمباەۆ اتىنداعى كەن ورنى مەن  زابۋرۋنە كەنىشىنىڭ اۋماعى تازارتىلىپ جاتىر.

«BioMix» كومپانياسى بەلسەندى ميكروورگانيزمدەر نەگىزىندە ورگانيكالىق كولدەردى بيولوگيالىق تازارتۋ ماقساتىندا العاشقى وتاندىق «BioMix7BLB» بيوپرەپاراتىن جۇرت نازارىنا ۇسىندى. «Water Energy» كومپانياسى گيدروستانسا مەن جىلۋ گەنەراتورىنا ارنالعان جاڭا تەحنولوگيالارىن تانىستىردى. «EcoSave» كومپانياسىنىڭ وكىلدەرى اگروونىمدەردى قورعاۋ تەحنولوگياسىن وتاندىق اگروونىمدەردى اۋرۋلاردان ساقتايتىن، كوكونىس قويمالارىندا ۇزاق ساقتاۋ كەزىندە زيانكەستەردەن قورعايتىن ەكولوگيالىق قاۋىپسىز بيوپرەپاراتتارى تۋرالى باياندادى.

كونفەرەنتسياعا ءبىلىم جانە عىلىم مينيسترلىگىنىڭ، تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگىنىڭ وكىلدەرى، پارلامەنت ءماجىلىسىنىڭ دەپۋتاتتارى، قازاقستانداعى دۇنيەجۇزىلىك بانكتىڭ وكىلدەرى، عىلىمدى كوممەرتسيالاندىرۋ جونىندەگى حالىقارالىق كەڭەس جانە كۆازيمەملەكەتتىك سەكتور وكىلدەرى قاتىسقانىن ايتا كەتەيىك. جيىندا عىلىم مەن بيزنەستىڭ تىعىز سەرىكتەستىگىنىڭ وزەكتى ماسەلەلەرى، سونداي-اق قازاقستاندىق عىلىمي جەتىستىكتەردى دامىتۋدىڭ ماڭىزدى فاكتورلارىنىڭ ءبىرى رەتىندە يننوۆاتسيالاردى ىنتالاندىرۋدى قولداۋ ماسەلەلەرى تالقىلاندى.

سوڭعى جاڭالىقتار

كۇلكى كەرۋەنى № 21

رۋحانيات • بۇگىن، 10:41

شاعامان باتىر

تاريح • بۇگىن، 07:28

361 ليفت اۋىستىرىلادى

ايماقتار • بۇگىن، 07:18

وڭىردەگى ونەگەلى ءىس

قوعام • بۇگىن، 07:17

ءىرى ەسەپپەن باسىم ءتۇستى

سپورت • بۇگىن، 07:00

«ءتسۋناميدى» سۇلاتىپ سالدى

كاسىپقوي بوكس • بۇگىن، 06:56

استىڭ ءدامىن كەلتىرگەن

ايماقتار • بۇگىن، 06:53

سايرايدى بۇلبۇل...

رۋحانيات • بۇگىن، 06:51

ءىزى ايقىن، ءىسى مىعىم

قوعام • بۇگىن، 06:49

ۇقساس جاڭالىقتار