العاشقى ەكى كەزەڭ 20:19 جانە 27:23 ەسەبىمەن الاڭ يەلەرىنىڭ پايداسىنا شەشىلدى. ەسەسىنە ءۇشىنشى كەزەڭدە جەرلەستەرىمىز قارقىنىن كۇرت كۇشەيتىپ, 23:15 ەسەبىمەن جەڭىسكە جەتتى. وسىلايشا, «استانا» ءۇش ۇپايمەن ايىرماشىلىعىمەن العا شىققان ەدى. الايدا سوڭعى كەزەڭدە «اۆتودور» الىمدى كورىندى – 28:20. ناتيجەسىندە بۇل كەزدەسۋ 90:85 ەسەبىمەن ساراتوۆ باسكەتبولشىلارىنىڭ جەڭىسىمەن اياقتالدى.
ۆتب ليگاسىنىڭ بيىلعى ماۋسىمىندا التى كەزدەسۋ وتكىزىپ ۇلگەرگەن «استانا» سول باسەكەلەردىڭ تەڭ جارتىسىن ۇتىپ, تەڭ جارتىسىندا ۇتىلدى. قازىر ولار جارىس كەستەسىندە سەگىزىنشى ورىندا كەلەدى. ءوزىنىڭ كەلەسى كەزدەسۋىن جەرلەستەرىمىز 25 قاراشادا نۇر-سۇلتاندا ءتالليننىڭ «كالەۆ» كلۋبىنا قارسى وتكىزەدى.
