سپورت • 18 قاراشا، 2019

لوندونداعى تۋرنير گرەكيا تەننيسشىسىنىڭ جەڭىسىمەن اياقتالدى

80 رەتكورسەتىلدى

ۇلىبريتانيانىڭ استاناسى – لوندوندا وتكەن اتر-ءدىڭ قورىتىندى تۋرنيرىندە گرەكيالىق تەننيسشى ستەفانوس تسيتسيپاس جەڭىسكە جەتتى.

21 جاستاعى ەجەلگى ەللادا ەلىنىڭ وكىلى سوڭعى كەزدەرى وتە تاماشا ونەر كورسەتۋدە. بيىل ول اۆستراليانىڭ اشىق بىرىنشىلىگىندە جارتىلاي فينالىندا كۇش سىناسسا، رولان گارروس دوداسىنىڭ ءتورتىنشى كەزەڭىنە دەيىن جەتتى. سونىمەن قاتار، بىرقاتار حالىقارالىق تۋرنيرلەردە توپ جاردى. 

تۇماندى البيون ەلىندە وتكەن جارىستىڭ توپتىق باسەكەسىندە ستەفانوس تسيتسيپاس رەسەيلىك دانيل مەدۆەدەۆ پەن گەرمانيالىق الەكساندر زۆەرەۆتىڭ وسال تۇسىن تاۋىپ، يسپانيالىق رافاەل نادالدان ۇتىلدى. جيعان ۇپاي سانى بويىنشا ءبىرىنشى ورىن العان ول جارتىلاي فينالدا رودجەر فەدەرەردى 6:4، 6:3 ەسەبىمەن ءسۇرىندىردى.

ەكىنشى جارتىلاي فينالدا اۆستريالىق دومينيك تيم مەن گەرمانيالىق الەكساندر زۆەرەۆ كۇش سىناستى. بۇل باسەكەدە 7:5، 6:3 ەسەبىمەن العاشقىسى جەڭىسكە جەتتى.

اقتىق سىندا تسيتسيپاس پەن تيم شەبەرلىك بايقاستى. ءۇش سەتتىك سايىس گرەكيا تەننيسشىسىنىڭ پايداسىنا شەشىلدى – 6:7، 6:2، 7:6. وسىلايشا، ول جۇلدە قورى 9 ميلليون اقش دوللارىن قۇراعان اتر-ءدىڭ قورىتىندى ءتۋرنيرىنىڭ جەڭىمپازى اتاندى.    

 

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ۇقساس جاڭالىقتار