اندرە اگاسسيدىڭ توبىندا گرەكيالىق ستەفانوس تسيتسيپاس ءبىرىنشى ورىندى يەلەندى. العاشقى قوس كەزدەسۋدە جەڭىسكە جەتكەن ول ءۇشىنشى باسەكەسىن گەرمانيالىق الەكساندر زۆەرەۆكە قارسى وتكىزدى. بۇل ويىندا ەجەلگى ەللادا ەلىنىڭ وكىلى نەمىس تەننيسشىسىنە ەسە جىبەردى – 7:6. 4:6, 5:7. سوعان قاراماستان تسيتسيپاس توپ جارسا, زۆەرەۆ ەكىنشى ساتىعا جايعاستى. ال يسپانيالىق رافاەل نادال مەن رەسەيلىك دانيل مەدۆەدەۆ اراسىنداعى ايقاستا العاشقىسىنىڭ اسىعى الشىسىنان ءتۇستى – 6:7, 6:3, 7:6. ناتيجەسىندە نادال ءۇشىنشى جانە مەدۆەدەۆ ءتورتىنشى ورىنعا تۇراقتادى.
بورن بورگ توبىنداعى باسەكەلەر اۆستريالىق دومينيك ءتيمنىڭ جەڭىسىمەن اياقتالعانى جايىندا ءبىز بۇعان دەيىن حابارلاعانبىز. شۆەيتساريالىق رودجەر فەدەرەر ەكىنشى ورىن السا, سەربيالىق نوۆاك دجوكوۆيچ پەن يتاليالىق ماتتەو بەررەتتيني ءۇشىنشى جانە ءتورتىنشى ورىنداردى ەنشىلەدى.
