قازاقستان • 15 قاراشا، 2019

«قازمۇنايگاز» تاريحىندا ىلەسپە مۇناي گازىن كادەگە جاراتۋ ەڭ جوعارى دەڭگەيگە جەتتى

29 رەتكورسەتىلدى

«قازمۇنايگاز» ۇك اق كومپانيالار توبى بويىنشا ىلەسپە مۇناي گازىن كادەگە جاراتۋ دەڭگەيى 2018 جىلى 93%-عا جەتتى. بۇل كومپانيا تاريحىنداعى ەڭ جوعارى كورسەتكىش، دەپ حابارلايدى كومپانيانىڭ جۇرتشىلىقپەن بايلانىس دەپارتامەنتى.

مۇنداي دەرەكتەر قمگ-ءنىڭ 2018 جىلعى ورنىقتى دامۋ تۋرالى ەسەبىندە  كەلتىرىلەدى. قۇجاتتا ۇلتتىق كومپانيانىڭ الەۋمەتتىك، ەكونوميكالىق جانە ەكولوگيالىق سالالارداعى قىزمەتى تۋرالى اقپارات بەرىلگەن.

ەسەپكە سايكەس، گازدى جاعۋ كورسەتكىشى وندىرىلگەن كومىرسۋتەك شيكىزاتىنىڭ 1000 تونناسىنا 6 توننا دەڭگەيىنە سايكەس كەلەدى. بۇل مۇناي جانە گاز وندىرۋشىلەرىنىڭ حالىقارالىق قاۋىمداستىعىنىڭ ورتاشا الەمدىك كورسەتكىشىنەن 50%-عا تومەن (ورتاشا كورسەتكىش – 12،1). مۇنداي كورسەتكىشكە قول جەتكىزۋ پرورۆا كەن ورىندارى توبىندا گازدى كەشەندى وڭدەۋ قوندىرعىسىن ورناتۋدىڭ ارقاسىندا مۇمكىن بولدى. ناتيجەسىندە پرورۆا كەن ورىندارىنداعى قوندىرعىنىڭ ىسكە قوسىلۋىنا بايلانىستى الاۋدان شىعاتىن پارنيكتىك گازداردىڭ تىكەلەي كولەمى 80%-عا ازايىپ، 41،5 مىڭ توننانى قۇرادى (2017 جىلى 211،6 مىڭ توننانى قۇراعان). 2030 جىلعا دەيىن قمگ كومپانيالار توبى تۇراقتى ىمگ الاۋلاتىپ جاعۋ پراكتيكاسىن تولىق توقتاتۋدى جوسپارلاپ وتىر.

كومپانيا جىل سايىن كادەگە جاراتۋدىڭ جاڭا نىساندارىن سالادى، وندىرىستەردى قايتا جاڭارتادى، قۇبىرلار مەن ينفراقۇرىلىم قۇرىلىسىنا ينۆەستيتسيالار سالادى. مىسالى، پايدالانۋعا بەرىلگەن اقتوبە وبلىسىنداعى قوجاساي كەن ورنىندا گازدى كەشەندى وڭدەۋ قوندىرعىسى الاۋلاردا گازدى جاعۋ مولشەرىن 173 ملن م3-دەن 50 ملن م3-گە دەيىن قىسقارتۋعا مۇمكىندىك بەرەدى.

بۇدان باسقا، كومپانيا قورشاعان ورتانى قورعاۋعا قاجەتتى رەسۋرستاردى بولەدى، اتاپ ايتقاندا نورماتيۆتىك ەميسسيالار ءۇشىن سالىق تولەۋدى، تابيعاتتى قورعاۋ ءىس-شارالارىنا، ساقتاندىرۋعا، قورشاعان ورتانى قورعاۋ سالاسىنداعى وتەماقى ءىس-شارالارىنا، قورشاعان ورتاعا اسەردى بولدىرماۋعا ارنالعان ينۆەستيتسيالارعا جانە ت.ب. قامتيتىن ەكولوگيالىق شىعىنداردى وتەيدى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار