وسى كورسەتكىش جاعىنان جەرلەستەرىمىز ازىرگە الدارىنا جان سالماي كەلەدى. ەكىنشى ورىنداعى وزبەكستاننىڭ سەگىز وكىلى ءدال وسى مەجەگە سۇرىنبەي جەتتى. يران مەن تايلاندتان – ءتورت, وڭتۇستىك كورەيا, قىرعىزستان, جاپونيادان – ءۇش, قىتاي مەن موڭعوليادان – ەكى جانە تايپەي مەن يراكتان ءبىر-ءبىر بوكسشىدان جارتىلاي فينالعا جولداما الىپ وتىر.
قىزدار اراسىندا ءۇندىستاننىڭ قارقىنى كۇشتى. ءۇندى ەلىنىڭ سەگىز سۇلۋى جارتىلاي فينالعا شىقتى. ولاردان موڭعوليانىڭ ءبىر سپورتشىسى كەم. قازاقستان مەن وزبەكستاننان – التى, تايلاند پەن قىتايدان – بەس جانە جاپونيا, وڭتۇستىك كورەيا جانە تايپەيدەن – ءبىر-ءبىر بوكسشى جوعارىدا ايتىلعان كورسەتكىشكە قول جەتكىزىپ وتىر.
الداعى كۇندەرى جانكۇيەرلەر جارتىلاي فينالدىق جانە فينالدىق سايىستاردى تاماشالايدى. وسى باسەكەلەردە ءبىز ءوز ورەندەرىمىزگە ساتتىلىك تىلەيمىز.
