ەكونوميكا • 15 قاراشا، 2019

قازاقستانعا شەتەلدىك بانكتەر كەلەدى

1321 رەتكورسەتىلدى

2020 جىلدىڭ 16 جەلتوقسانىنان باستاپ شەتەلدىك بانكتەر قازاقستاندا ءوز فيليالدارىن اشا الادى، ال بۇل نەسيەنىڭ پايىزدىق مولشەرلەمەسىن تومەندەتۋگە ىقپال ەتپەك. بۇل تۋرالى ۇلتتىق بانك توراعاسى ەربولات دوساەۆ ايتتى.

«2020 جىلدىڭ جەلتوقسانىنان شەتەلدىك بانكتەرگە تىكەلەي فيليالدارىن اشۋعا رۇقسات ەتىلەدى. قۇندى قاعازدار نارىعى بويىنشا تىكەلەي فيليال اشۋعا تىيىم سالىنعان. ولار ەنشىلەس ۇيىم قۇرۋ ارقىلى جۇمىس ىستەۋى ءتيىس. نارىققا قاتىسۋشىلار الاڭىنىڭ كەڭەيۋى تاريف پەن كوميسسيالاردىڭ ازايۋىن، شارتتاردىڭ جاقسارۋىن، بولاشاقتا پايىزدىق مولشەرلەمەنىڭ تومەندەۋىن بىلدىرەدى»، دەدى ە.دوساەۆ.

ۇب توراعاسىنىڭ ايتۋىنشا، قازاقستاندىق بانكتەر شەتەلدىك قارجى ۇيىمدارىمەن باسەكەگە دايىن.

دوساەۆ كورشى رەسەي مەن قىتايدىڭ، پاكىستاننىڭ ء ىرى بانكتەرىنىڭ فيليالدارى ەلىمىزدە بۇرىننان جۇمىس ىستەيتىنىن اتاپ ءوتتى. مۇنداي شارتتار ەلىمىزدىڭ دۇنيەجۇزىلىك ساۋدا ۇيىمىنا (دسۇ) كىرۋى تۋرالى كەلىسىم-شارتىندا قاراستىرىلعان. فيليالدىڭ ەنشىلەس بانكتەن ايىرماشىلىعى، ول باس ءوفيستىڭ بارلىق رەسۋرستارىنا قولجەتىمدىلىك بەرەدى، ياعني شەتەلدىك قارىز بەرۋشىلەر شىعىنى كوپ جوبالاردى قارجىلاندىرۋدى قامتاماسىز ەتە الادى. 

وتكەن جىلى رەتتەۋشى بانك ەكىنشى دەڭگەيدەگى شەتەلدىك بانكتەرگە بارلىعى بەس تالاپ قوياتىنىن ايتقان. قازاقستاندا فيليال اشۋعا نيەت بىلدىرگەن يەگەر بانك ءوزىنىڭ قاداعالاۋشى ورگانىنىڭ ليتسەنزياسىنا جانە $20 ملرد-تان كەم ەمەس سوماداعى اكتيۆتەرگە يە بولۋعا مىندەتتى. سونىمەن بىرگە شەتەلدىك بانكتەردىڭ فيليالدارى وزدەرى ورنالاسقان ەلدەردەگى قارجى سەكتورىنىڭ تيىمدىلىگىن ارتتىرادى، شەتەلدىك تىكەلەي ينۆەستيتسيالاردىڭ تارتىلۋىنا، جاڭا تەحنولوگيالاردىڭ ەنگىزىلۋىنە سەپتىگىن تيگىزەدى.

ماماندار  قارجى سالاسىنداعى شەتەلدىك ءىرى ويىنشىلاردىڭ كەلۋى ەكىتالاي ەكەنىن ايتادى.  بانكتەردىڭ ستراتەگياسى جاعرافيالىق ەكسپانسياعا ەمەس، اۋىسپالى نارىق جاعدايىنداعى دامۋعا باعىتتالعان. قازىرگى تاڭدا ولاردىڭ كوپشىلىگىنىڭ نەگىزگى ماقسات – تۇڭعيىققا باتىپ كەتپەي، تەز وزگەرىپ جاتقان احۋالدار جاعدايىندا ومىرشەڭدىكتى ساقتاپ، تەحنولوگيالار مەن يننوۆاتسيالاردى دامىتۋدا قارجىلاي تەحنيكالىق كومپانيالاردان قالىپ قويماۋ. مىسالى، قارجىگەر  بەيسەنبەك زيابەكوۆ  شەتەلدىك بانكتەر باسقا ەلگە كوپتەن بەرى جۇمىس ىستەپ كەلە جاتقان كورپوراتيۆتىك كليەنتتىڭ سوڭىنان ەرىپ كەلەتىنىن ايتادى. بۇل بانككە دە، كليەنتكە دە ىڭعايلى. وسىنىڭ ارتىنان بانكتەر بولشەك بيزنەستى دە دامىتا باستايدى. 

«قازىرگى تاڭدا نارىقتا جۇمىس ىستەپ جاتقان شەتەلدىك بانكتەردىڭ جەتكىلىكتى دەڭگەيدە تابىستى دامىپ جاتقانىن كورىپ وتىرمىز، دەسەك تە ولار قازاقستاندىق ۇيىمدارعا قاراعاندا، نەعۇرلىم جوعارى ناتيجە كورسەتىپ وتىرعان جوق. شەتەلدىك فيليالداردىڭ اشىلۋىنان باسەكەلەستىككە ءتونىپ تۇرعان قاۋىپ-قاتەردى كورىپ وتىرعان جوقپىز»، دەيدى بەيسەنبەك زيابەكوۆ.

قارجىگەر ەرلان يبراگيم شەتەلدىك بانكتەر قازاقستانعا الدەقاشان كىرىپ العانىن  جانە ولار ليتسەنزيالارىنا سايكەس جۇمىس ىستەي الاتىنىن ايتادى. ولار 2019 جىلدان باستاپ  دسۇ-مەن اراداعى كەلىسىمدەر كۇشىنە ەنگەننەن كەيىن بانك فيليالدارى رەسۋرستاردى تەڭگەمەن بەرەتىن مۇمكىندىككە يە بولادى.

«ازىرگە  تىكەلەي قاۋىپتى  كورىپ وتىرعان جوقپىن. ءبىزدىڭ Halyk Bank جانە Kaspi سياقتى ءىرى ويىنشىلارىمىزدىڭ وزدەرى حالىقارالىق نارىققا شىعىپ جاتىر.  شەتەلدىك بانكتەر الدەقاشان كەلگەن. شىنىن ايتسام، دسۇ ءبىز ءۇشىن ۇلكەن سىن ەمەس.  بانك قىزمەتتەرىن ءوسىرۋ مەن ولاردى دارىپتەۋدە ەلەۋلى الەۋەتتىڭ بولۋىنا بايلانىستى قازاقستان نارىعى شەتەلدىك بانكتەرگە ۇلكەن قىزىعۋشىلىق تۋدىرۋدا. قازاقستان رەسپۋبليكاسىنىڭ دسۇ-عا ينتەگراتسيالانۋىنىڭ جالعاسۋى مۇندا شەتەلدىك بانكتەرگە ءوز فيليالدارىنىڭ جەلىسى ارقىلى تىكەلەي جۇمىس ىستەۋگە مۇمكىندىكتەر اشادى، بۇل ولاردىڭ قىزىعۋشىلىعىن تۋدىرىپ وتىر»، دەيدى ەرلان يبراگيم.   

ساراپشىلار  بانك سەكتورى العاشقى ساتتەن باستاپ وزگەرەدى دەپ ۇمىتتەنۋگە بولمايتىنىن ايتىپ وتىر.  جانە شەتەلدىك بانكتەرگە قانداي دا ءبىر ارتىقشىلىقتار بەرىلمەيدى. مۇنى ۇلتتىق بانك انىق ايتىپ وتىر. «شەتەلدىك بانككە تەڭگە تۇرىندەگى دەپوزيتتىك بازا قاجەت بولادى. ول ءۇشىن الدىمەن نارىقتان تەڭگە جيناۋ قاجەت، تەك سودان كەيىن، نەسيە بەرۋگە بولادى. دوللار زايمدارىن بەرۋ ماسەلەسى ءالى شەشىمىن تاپقان جوق. بۇل ماسەلە ۇلتتىق بانكتى شىنداپ ويلاندىرۋ ءتيىس»، دەيدى ەرلان يبراگيم.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار