28 جاستاعى فۋتبولشى ۋكراينانىڭ جيتومير قالاسىندا دۇنيەگە كەلگەن. ونىڭ اناسى سول ەلدىڭ تۋماسى, ال اكەسى – نيگەريالىق. ءار جىلدارى ادەرينسولا ەسەولا ۋكراينانىڭ تانىمال كوماندالارى جانە يتاليانىڭ ءۇشىنشى-ءتورتىنشى دەڭگەيلى كلۋبتارىندا ونەر كورسەتتى.
2018 جىلى ورالدىڭ «اقجايىق» كلۋبىنا اۋىسىپ, 13 ماتچتا قارسىلاستار قاقپاسىن سەگىز مارتە ءدال كوزدەدى. سول ماۋسىمدا «قايراتتىڭ» جەيدەسىن كيدى. سول ارالىقتا 54 رەت جاسىل الاڭعا شىعىپ, 33 دوپتى توردا تۋلاتتى.
الماتىلىق كوماندامەن بىرگە ەسەولا قازاقستان كۋبوگىنىڭ يەگەرى جانە ەل بىرىنشىلىگىنىڭ ەكى دۇركىن كۇمىس جۇلدەگەرى اتاندى. بيىل پرەمەر-ليگانىڭ ەڭ مەرگەن ويىنشىسى دەگەن مارتەبەلى اتاققا يە بولدى. سونىمەن قاتار ول 2007 جىلى ۋكراينانىڭ جاسوسپىرىمدەر قۇراماسى (U-17) ساپىندا ءتورت ويىن وتكىزدى.
