كاسىپقوي بوكس • 14 قاراشا، 2019

قانات يسلام حايمە مۋنگيامەن جۇدىرىقتاسۋى مۇمكىن

314 رەتكورسەتىلدى

ايگىلى Boxingnews24.com سايتىندا كەلەسى جىلدىڭ 11 قاڭتارىندا اقش-تىڭ سان-انتونيو قالاسىندا وتەتىن بوكس كەشىندە WBO نۇسقاسى بويىنشا ءبىرىنشى ورتا سالماقتاعى الەم چەمپيونى، مەكسيكالىق حايمە مۋنگيانىڭ كىممەن جۇدىرىقتاسۋى مۇمكىن ەكەنى جايىندا اقپارات جاريالاندى.

ۇمىتكەرلەر قاتارىندا سەگىز بوكسشىنىڭ ەسىمى اتالعان ەكەن. سولاردىڭ قاتارىندا ءبىزدىڭ قانات يسلام دا بار. جۋىردا عانا قانداسىمىز الماتىدا وتكەن جارىستا نيگەريانىڭ مىقتىسى ۋولتەر كاۋتوندوكۆانى 10 راۋندتىق باسەكەدە ۇپاي سانىمەن ۇتقانى ەسىمىزدە. قازاق جىگىتىنەن بولەك، اۆستراليالىق دجەفف حورن، ۋولتەر كاۋتوندوكۆا، ۋەلستىك ليام ۋيليامس، اعىلشىن ەنتوني فاۋلەر، امەريكالىق يممانۋۆەل اليم، ۋگو سەنتەنو جانە برەندون ادامس تا ايتۋلى بوكسشىعا قارسىلاس اتانۋى مۇمكىن.

ال حايمە مۋنگيا جايىندا ايتار بولساق، ول 23 جاستا. مەكسيكانىڭ تۋماسى كەزىندە بىرنەشە بەلدى نۇسقالار بويىنشا الەم چەمپيونى اتانعان ايگىلى انتونيو مارگاريتومەن ءبىر زالدا جاتتىعىپ، ساقا سپورتشىدان كوپ ءتالىم الدى. قازىرگى كەزدە نوە الۆارەس پەن روبەرت الكاسار سىندى بىلىكتى باپكەرلەردىڭ قول استىندا جاتتىعۋدا. سونىمەن قاتار حايمەنىڭ اكەسى دە وسى سپورت ءتۇرىن سەرىك ەتىپ، اسا اۋىر سالماقتا ونەر كورسەتكەنىن دە ايتا كەتكەن ابزال.

كاسىپقويلار اراسىندا ءوزىنىڭ تۇساۋكەسەر كەزدەسۋىن مۋنگيا 2013 جىلدىڭ 13 شىلدەسىندە وتكىزدى. ول كەزدە حايمە نەبارى 16 جاستا ەدى. وسى كۇنگە دەيىن ول بارلىعى 37 مارتە رينگكە كوتەرىلىپ، بارلىق قارسىلاسىنان باسىم ءتۇستى. 27 باسەكەنى مەرزىمىنەن بۇرىن اياقتادى. 2018 جىلدىڭ مامىر ايىندا وتكەن جارىستا اقش-تىڭ وكىلى سادام ءاليدى ءتورتىنشى راۋندا ۇرىپ جىققان مەكسيكانىڭ جاس پەرىسى ءبىرىنشى ورتا سالماقتا WBO نۇسقاسى بويىنشا الەم چەمپيونى اتاندى. سول اتاعىن ول ۇلىبريتانيالىق ليام سميت، كانادالىق برەندون كۋك، جاپونيالىق تاكەشي ينوۋە، يرلانديالىق دەنيس حوگان جانە گانالىق پاتريك اللوتيگە قارسى ايقاستاردا ءساتتى قورعادى. 

بۇل كۇندەرى بارشا قازاقستاندىق جانكۇيەرلەر حايمە مۋنگيانىڭ تاڭداۋى قانات يسلامعا تۇسسە ەكەن دەپ تىلەپ وتىر. سەبەبى، قانداسىمىزدىڭ كاسىپقوي رينگتە كۇش سىناسىپ جۇرگەنىنە جەتى جىلدان استى. سول ارالىقتا 27 جەكپە-جەك وتكىزگەن ول بارلىعىن جەڭىسپەن اياقتادى. 21 قارسىلاسىن ەسىنەن تاندىردى. سوعان قاراماستان 35 جاستاعى قازاق بوكسشىسى ءۇشىن بەلدى نۇسقالاردىڭ التىن بەلبەۋى ءۇشىن تالاسۋدىڭ ورايى ءبىر كەلمەدى. ارينە، بۇل كوڭىل قۇلازىتاتىنداي جاعداي. ال ەگەر جوعارىدا جوسپار جۇزەگە اسسا، كاسىپقويلار اراسىندا ءوزىن تۇبەگەيلى مويىنداتۋعا قانات باۋىرىمىز ءۇشىن تاماشا مۇمكىندىك تۋىندايدى. 

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار