اقتاۋدا «قازاقتانۋ» جوباسىن جۇزەگە اسىرۋ ماقساتىندا «Mامىلە» پىكىرسايىس كلۋبى اشىلدى. اتالمىش كلۋبتىڭ «دوستىق» ۇيىندەگى سالتاناتتى اشىلۋىنا تاجىريبەلى قازاق ءتىلى مۇعالىمدەرى, ەتنومادەني بىرلەستىك وكىلدەرى, قازاق ءتىلىن ۇيرەنۋگە نيەت بىلدىرۋشىلەر قاتىستى.
ەكى توپ اراسىندا ديالوگ ورناتىپ, قازاق ءتىلىن دامىتۋ ماقساتىنداعى كلۋب جۇمىسىنا بارلىق نيەت بىلدىرۋشىلەر كەلىپ, وزدەرىنىڭ مەملەكەتتىك ءتىلدى ۇيرەنۋدەگى ماشىقتارىن دامىتا الادى.
كلۋب وتىرىسىنا قاتىسۋشىلار جوبا جەتەكشىسى قانات تاسىبەكوۆتىڭ ء«سيتۋاتيۆتى قازاق ءتىلى» اتتى ادىسىمەن ءتىل ۇيرەنىپ قانا قويماي, قوعامدىق-ساياسي ماسەلەلەردى دە تالقىعا سالادى. سونىمەن قاتار, «مامىلە» كلۋبىندا كىتاپتار, داپتەرلەر مىندەتتى ەمەس جانە گرامماتيكانى جاتتاۋ بولمايدى. ونىڭ ورنىنا قازاق تىلىندە ءتۇرلى قىزىقتى اڭگىمەلەر مەن ويىندار ۇيىمداستىرىلادى. ۇيىمداستىرۋشىلاردىڭ ايتۋىنشا, بۇل بۇرىنعى قالىپتاسقان ادىسكە قاراعاندا اناعۇرلىم ۇتىمدى جانە ءتىلدى يگەرۋگە جەڭىل سوقپاق. ويتكەنى ۇيرەنۋشىلەر ءوزىن ەركىن سەزىنىپ, ساباق تارتىمدى دا قىزىقتى وتەدى.
– ەلباسى – تۇڭعىش پرەزيدەنت نۇرسۇلتان نازارباەۆتىڭ توراعالىعىمەن وتكەن قازاقستان حالقى اسسامبلەياسىنىڭ ءححVى سەسسياسىندا قازاق ءتىلىن, مادەنيەتىن, تاريحىن ناسيحاتتاۋعا باعىتتالعان «قازاقتانۋ» جوباسىن جۇزەگە اسىرۋ باسا ايتىلعان بولاتىن. وسى جوبانىڭ باستى مىندەتى – قازاقستاندىق ەتنوستار اراسىندا قازاق حالقىنىڭ گۋمانيتارلىق جانە ادامگەرشىلىك قاعيداتتارىن قالىپتاستىرۋ, قازاقستان حالقىنىڭ بىرلىگى مەن دوستىق داستۇرلەرىن ۇرپاقتان-ۇرپاققا جالعاستىرۋدىڭ جۇيەسىن قۇرۋ. ءبىزدىڭ «مامىلە» كلۋبىن اشۋداعى ماقساتىمىز – ەلباسى تاپسىرمالارىن جۇزەگە اسىرۋ جانە انا ءتىلىمىز – قازاق ءتىلىنىڭ قولدانىس اياسىن كەڭەيتۋ, – دەدى «مامىلە» قوعامدىق قورىنىڭ ديرەكتورى قانات تاسىبەكوۆ.
شارا سوڭىندا كلۋبتىڭ ساباعى دا باستالىپ, ۇيىمشىلدىق, ىنتىماقتىق سەزىمدەردى وياتۋ ساباقتارىنىڭ العاشقى ساعاتى ويداعىداي ءوتتى.
ماڭعىستاۋ وبلىسى
