قوعام • 12 قاراشا، 2019

«ءپىشىن مەن بەينە ۇندەستىگى» اتتى كورمە

27 رەت كورسەتىلدى

ەلباسى كىتاپحاناسىنىڭ مۋزەيىندە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كورمەلەر توپتاماسى ء«پىشىن مەن بەينە ۇندەستىگى» اتتى تاقىرىپتىق قور كورمەسىنىڭ اشىلۋىمەن باستالدى.

 

ءىس-شاراعا مەملەكەت جانە قوعام قاي­راتكەرلەرى، ازەربايجان، چەحيا، شۆەتسيا، جا­پونيا ەلشىلىكتەرىنىڭ، سونداي-اق كورەي مادەنيەت ور­تا­لىعىنىڭ وكىلدەرى، ۋنيۆەرسيتەت ستۋ­دەنتتەرى جانە مەكتەپ مۇعالىمدەرى مەن وقۋشىلارى قاتىستى.

كورمەنى ەلباسى كىتاپحاناسىنىڭ ديرەكتورى ءامىرحان راحىمجانوۆ اشىپ، كورمەنىڭ ماڭىزدىلىعىنا توقتالدى.

–  تاۋەلسىزدىك جىلدارى قازاقستان رەسپۋبليكاسى حالىقارالىق-قۇ­قىق­تىق تۇرعىدان مويىندالدى. قازاق ەلى مەملەكەت رەتىندە الەم كارتاسىنا ەندى. اتالعان جەتىستىكتەردىڭ نەگىزى – قازاقستاننىڭ تۇڭعىش پرە­زيدەنتى نۇرسۇلتان نازار­باەۆ­­تىڭ كوپۆەكتورلى سىرتقى ساياساتى، كاسىبي ديپلوماتياداعى شەبەر­لىگى. وسى ارادا ەكىجاقتى جانە كوپ­جاقتى كەزدەسۋلەر مەن كەلىس­سوزدەر اياسىنداعى شەتەل دەلەگاتسيا­لارىنىڭ مەملەكەتىمىزگە، حالقى­مىزعا كورسەتكەن قۇرمەتىن دا­لەل­دەيتىن كادەسىيلاردىڭ دا ماڭىزى زور ەكەنىن اتاپ وتكىم كەلەدى. اتالعان كادەسىيلار – جاس قازاقستاننىڭ سىرتقى ساياساتتا جاساعان العاشقى قادامدارىن، ونىڭ ىشىندە جوعارى دەڭگەيدەگى قازاق­ستاننىڭ تۇڭعىش پرەزيدەنتىنىڭ شەتەلگە جاساعان مەملەكەتتىك، رەسمي ساپارلارى مەن كەزدەسۋلەرىن، بۇگىندە ەلىمىز جۇرگىزىپ وتىرعان كوپۆەكتورلىق سىرتقى ساياساتتىڭ ستراتەگيالىق ماڭىزدىلىعىن تاعى دا راستاي تۇسەدى. وسىنداي نىق ورنىققان باعداردىڭ تۇپكىلىكتى قاعي­دات­تارى مەن قۇندىلىقتارىنا بەكەم بولۋ – ءبىزدىڭ مەملەكەتىمىزدىڭ دامۋ شارت­تارىنا سايكەس كەلەتىن سىرتقى ساياساتتىڭ قايتالانباس ۇلگىسى، – دەدى ءا.راحىمجانوۆ.

ساندىك تاباقتار تاقىرىپتىق توپ­تا­­ما­سىن عىلىمي-زەرتتەۋ ناتي­جەسىندە ۋاقىتشا كورمەلەردىڭ وزىندە سيرەك كورسەتىلەتىن مۋزەيلىك ماڭىزى بار بۇيىم­داردىڭ اۋ­قىم­دى ەكسپوزيتسيالىق توبىن قالىپ­تاستىرۋعا مۇمكىندىك تۋدى. مۋزەي جيناعىنداعى 87 ساق­تاۋ بىرلىك ساندىك تاباقتار تۋرالى اقپا­رات­­تى جۇيەلەۋ جۇمىستارى ەلباسى كى­تاپ­حا­ناسىنىڭ عانا ەمەس، جالپى قازاقستان مۋزەيلەرىنىڭ تاجىريبەسىندەگى العاش رەت سىنالاتىن كوپشىلىك باعدارلاماسىنان تۇراتىن اۋقىمدى كورمە جوباسىنىڭ نەگىزىنە اينالدى.

مادەني شاراعا قاتىسۋشىلار العان اسەرلەرىمەن ءبولىستى.

ماتس فويەر، شۆەتسيانىڭ قازاق­ستان­داعى توتەنشە جانە وكىلەتتى ەلشىسى:

–  كورمەدە وتە ادەمى، وزىندىك ەرەك­شەلىگى بار جادىگەرلەر كوپ بولدى. سىيلانعان ءار جادىگەرگە قاراپ سول ەلدىڭ تاريحىن، ءداستۇرىن، مادەنيەتىن اڭعارۋعا بولادى.

ءلاززات نۇرماعانبەتوۆا، تسەلي­نو­گراد اۋدانى، قاراوتكەل اۋىلى №2 ورتا مەكتەبىنىڭ تاريح ءپانى مۇعالىمى:

– بۇگىنگى كورمەدەن ەرەكشە اسەر الدىم. كورمەنىڭ تاربيەلىك ءمانى وتە زور. تۇڭعىش پرەزيدەنتىمىز ن.ءا.نازار­باەۆ­تىڭ قۇرمەتىنە بەرىلگەن ديپلوماتيالىق سىيلىقتار توپتاماسى قازاقستاننىڭ الەم­دىك دارەجەدەگى ورنىن كورسەتەدى. مۇن­داي ءىس-شارا جاستاردىڭ تاريحقا دەگەن قى­زى­عۋشىلىعىن وياتىپ، ەلىن، جەرىن سۇيۋگە باۋليتىن، پاتريوتتىق سەزىمىن اشاتىن يگى باستاما.

ايدانا سۇلەيمەنوۆا، تسەلينوگراد اۋدانى، قاراوتكەل اۋىلى №2 ورتا مەكتەبىنىڭ 11 سىنىپ وقۋشىسى:

– كورمەدەگى سىي-سىياپاتتار اعا بۋىن وكىلدەرىنە ەستەلىك، جاس ۇرپاققا مۇرا بولىپ قالادى. مۇنداعى ءار سىيلىققا قاراپ شەتەلدىكتەردىڭ ەلباسىنا دەگەن قۇرمەتىن كورۋگە بولادى. بۇگىنگى ءىس-شا­رانى وتكىزىپ وتىرعان ەلباسى كىتاپ­حا­نا­سى ۇجىمىنا العىسىمدى بىلدىرەمىن جانە وسىنداي تاريحي ماڭىزى بار كورمە­لەر ءارى قاراي جالعاسىن تابادى دەپ سەنەمىن.

ء«پىشىن مەن بەينە ۇندەستىگى» كورمەسى بارىسىندا كوپشىلىككە ارنالعان باعدارلاما ۇسىنىلدى: 2019 جىلدىڭ 13 قاراشاسىنان باستاپ ەلوردا قوناقتارى مەن تۇرعىندارى تەگىن سەمينارلارعا، فيلم كورسەتىلىمدەرىنە، ەلباسى كىتاپحاناسىنداعى دارىستەرگە قاتىسا الادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار