ايماقتار • 08 قاراشا، 2019

بالالار تىلەگىنە قۇلاق اسقان اكىم

165 رەتكورسەتىلدى

جامبىل وبلىسىنىڭ اكىمى اسقار مىرزاحمەتوۆكە تاراز قالاسىنداعى نۇرعيسا تىلەنديەۆ اتىنداعى مەكتەپ-ينتەرناتتىڭ ءبىر توپ تاربيەلەنۋشىلەرى بەينەۇندەۋ جولداپ، اكىممەن كەزدەسكىسى كەلەتىنىن ايتقان بولاتىن. بۇلدىرشىندەردىڭ تىلەگىنە قۇلاق اسقان اكىم اتالعان مەكتەپ-ينتەرناتقا ارنايى بارىپ، تاربيەلەنۋشى بالالارمەن كەزدەستى.

اۋەلى اكىم ءبىلىم وشاعىنىڭ عيماراتىن ارالاپ، بۇگىنگى جاي-كۇيىمەن تانىستى. مەكتەپ-ينتەرنات ديرەكتورى ەلميرا جاقسىلىقوۆا مۇندا بۇگىندە 390 بالا تاربيەلەنىپ جاتقانىن جەتكىزىپ، ولاردىڭ قاتارىندا جارتىلاي جەتىم، كوپبالالى جانە از قامتىلعان وتباسىلاردىڭ دا بالالارى بار ەكەنىن ايتتى. بالالارعا بۇگىندە 86 پەداگوگ جانە تاربيەشىلەر ءبىلىم بەرىپ وتىرعانىن مالىمدەدى.

اسقار مىرزاحمەتوۆ مەكەمە اۋلاسىنداعى جاياۋ جۇرگىنشىلەر جولى مەن جاتاقحاناداعى بالالاردىڭ توسەك ورىندارىن جاڭالاۋ ماسەلەسىنە دە نازار اۋداردى. سونىمەن قاتار اۋلانى جارىقتاندىرۋ، اسحانانىڭ تالاپقا ساي بولۋ كەرەكتىگىنە دە كوڭىل ءبولدى. بۇدان كەيىن بالالارمەن كەزدەسكەن اكىم ولاردىڭ ءتۇرلى سۇراقتارىنا جاۋاپ بەردى. ماسەلەن، 8-سىنىپ وقۋشىسى ايانا كيم ءوزىنىڭ ءسۇيىپ وقيتىن ساباعى قازاق ادەبيەتى ءپانى ەكەنىن، بولاشاقتا جۋرناليست بولۋدى ارماندايتىنىن ايتا كەلىپ، اكىمنەن بالا كۇنىندە قانداي ءپان ۇناعانىن سۇرادى. بۇل رەتتە اكىم بالا كۇنىندە بيولوگيا، فيزيكا پاندەرىن جاقسى كورىپ وقىعانىن ايتىپ بەردى. سونىمەن قاتار ايزەرە مۇحانقىزى، ايگەرىم مىرزابەك، ولجاس جۇمابەك سىندى وقۋشىلار دا ءتۇرلى سۇراقتارىن قويىپ، ءتيىستى جاۋاپ الدى. جالپى، كەزدەسۋ ەركىن فورماتتا ءوتتى. كەزدەسۋ بارىسىندا اكىم ءوزىنىڭ وقۋشى كەزدەگى ەستەن كەتپەس قىزىقتى وقيعالارىمەن دە ءبولىستى. ءوز سوزىندە اسقار مىرزاحمەتوۆ جەتكىنشەكتەردى ءبىلىمدى، پاراساتتى بولۋعا شاقىرىپ، ولارعا ءاردايىم تىلەكتەس ەكەنىن جەتكىزدى. بالالارعا قاي سالادا ەڭبەك ەتسە دە ەلگە، ۇرپاققا پايداسى تيەتىن ماماندىقتى يگەرۋ كەرەك ەكەنىن ءتۇسىندىردى. ءوز كەزەگىندە 8-سىنىپ وقۋشىسى اسكەربەك جامانتاي «راحمەت ساعان، تۋعان ەل!» ءانىن ورىنداپ بەردى. سونىمەن قاتار بۇلدىرشىندەر اكىمگە وزدەرىنە ينتەراكتيۆتى تاقتا، مۋزىكالىق اسپاپتار قاجەت ەكەنىن ايتتى. جەتكىنشەكتەردىڭ ارمان-تىلەكتەرىن تىڭداعان اكىم ولاردىڭ قاجەتتىلىكتەرىن الىپ بەرۋگە ۋادە بەردى. بۇدان كەيىن اسقار مىرزاحمەتوۆ مەكتەپ-ينتەرنات مۋزەيىمەن دە تانىسىپ، بالالارمەن ەستەلىك سۋرەتكە ءتۇستى.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار