2000 جىلدىڭ 8 ساۋىرىندە تاڭعى ساعات 09.00 شاماسىندا ارقالىق قالاسى پب كەزەكشى بولىمىنە 31 جاستاعى ايەل حابارلاسىپ, 8 ساۋىرگە قاراعان ءتۇنى ءوزىنىڭ پاتەرىندە كامەلەتكە تولماعان 11 جاسار ۇلىنىڭ, 20 جانە 19 جاستاعى ەكى ءسىڭىلىسىنىڭ ءمايىتىن تاپقانىن ايتقان. اتالعان فاكتى بويىنشا قك 99-بابىنىڭ 2-بولىگىمەن قاراستىرىلعان اسا اۋىر قىلمىس بەلگىلەرى بويىنشا قىلمىستىق ءىس تىركەلدى.
سونداي-اق پاتەردەن 1 243 053 تەڭگە جانە 2 500 اقش دوللارى كولەمىندە اقشا ۇرلانعان. دەرەۋ جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ءۇش ادام انىقتالدى. بىرەۋى – 18 جاستاعى قالا تۇرعىنى 2000 جىلدىڭ 19 ساۋىرىندە ۇستالىپ,15 جىلعا باس بوستاندىعىنان ايىرىلعان. ال 20 جانە 21 جاستاعى ەكى كۇدىكتى بوي تاسالاپ ۇلگەرگەن. ەكەۋى دە ارقالىق قالاسىنىڭ تۇرعىنى. بۇرىن سوتتالماعان. ولارعا مەملەكەتارالىق جانە كەيىننەن حالىقارالىق ىزدەۋ جاريالاندى. بۇدان ءارى جەدەل ىزدەستىرۋ ءىس-شارالارىنىڭ ناتيجەسىندە كۇدىكتىلەردىڭ ينگۋشەتيا رەسپۋبليكاسىنا جانە رەسەي فەدەراتسياسىنىڭ شەشەنستان رەسپۋبليكاسىنا وتكەنى بەلگىلى بولدى. ىزدەۋدە جۇرگەن 20 جاستاعى كۇدىكتى رەسەي ازاماتىنىڭ تولقۇجاتىن باسقا اتپەن زاڭسىز ساتىپ الىپ, كەيىن تۆەر وبلىسىندا بولعان, جەكە باسىنىڭ مالىمەتتەرىن وزگەرتكەن. جەدەل ىزدەسمتىرۋ شارالار كەشەنىن وتكىزۋ بارىسىندا قوستاناي وبلىسى پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرى 2016 جىلدىڭ مامىر ايىندا تۆەر وبلىسىنىڭ اۋماعىنا قىزمەتتىك ىسساپارعا بارىپ, زاپادنايا دۆينا قالاسىندا كۇدىكتىنى قولعا ءتۇسىرىپ, 8 جىلعا باس بوستاندىعىنان ايىردى. ال 2001 جىلدان بەرى ىزدەۋدە جۇرگەن 21 جاسىندا قىلمىس ىستەگەن ەكىنشى كۇدىكتى رەسەي ازاماتىنىڭ تولقۇجاتىن شەشەنستان رەسپۋبليكاسىنىڭ اتىنا زاڭسىز ساتىپ العان.
ودان ءارى ول 2005 جىلى 14.05.14 مامىردا سامارا وبلىسىنىڭ اۋماعىندا قاراقشىلىق شابۋىل جاساپ, وعان تاعى دا ىزدەۋ سالىنادى, بۇل جولى فەدەرالدى ىزدەۋ جاريالانعان. قوستاناي وبلىسى پوليتسيا دەپارتامەنتىنىڭ كريمينالدىق پوليتسيا باسقارماسى قىزمەتكەرلەرى جەدەل ىزدەستىرۋ شارالارىن توقتاتپاي, ونىڭ «بوسقىن» مارتەبەسىنىڭ جالعان قۇجاتتارىمەن بەلگيا اۋماعىندا جاسىرىنىپ جۇرگەنىن انىقتايدى. كۇدىكتىنىڭ ول جاقتا تۋىستارى بولعان. ونى 2019 جىلى 15 قازاندا وبلىستىق كريمينالدىق پوليتسيا باسقارماسى قىزمەتكەرلەرى قازاقستان رەسپۋبليكاسىنىڭ ءىىم «ينتەرپول» ۇوب قىزمەتكەرلەرىمەن بىرلەسىپ, داكتيلوسكوپيالىق ەسەپكە الۋ بويىنشا تەكسەرۋ ناتيجەسىندە ۇستادى. قازىرگى ۋاقىتتا ول قاماۋدا, ەكستراديتسيالاۋ ماسەلەسى قارالىپ جاتىر.
