وتكەننەن ساباق العان ابزال

پارلامەنت • 08 قاراشا، 2019

وتكەننەن ساباق العان ابزال

35 رەت كورسەتىلدى

ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى ماڭعىستاۋ وبلىسى اقتاۋ قالاسىندا كوشپەلى وتىرىس وتكىزدى.

Egemen Qazaqstan

تاقىرىبى – «قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ ارسەنالدارىندا، بازالارىندا جانە قويمالارىندا ساقتاۋداعى قارۋ-جاراق پەن وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ جانە قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ مەن جايلاستىرۋ باعدارلاماسىن ىسكە اسىرۋ ماسەلەلەرى تۋرالى».

وتىرىستى اشقان بەيىندى كوميتەت توراعاسى مۇحتار ەرمان اتالعان تاقىرىپتا ءىس-شارانى وتكىزۋ ارىستاعى قايعىلى وقيعانى ەسەپكە الا وتىرىپ، قوعامعا دەگەن ماڭىزدىلىعىن اتاپ ءوتتى.

ءىسساپار بارىسىندا دەپۋتاتتار قورعانىس مينيسترلىگىنىڭ، ۇلتتىق ۇلاننىڭ، ۇقك شەكارا قىزمەتىنىڭ بازالارى مەن قويمالارىندا قارۋ-جاراق، وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ ماسەلەلەرىن زەرتتەدى.

اتاپ ايتقاندا، دەپۋتاتتار اقتاۋ گارنيزونى اسكەري بولىمدەرىندە قارۋ-جاراقتار، اسكەري تەحنيكالاردىڭ جانە م ۇلىكتەردىڭ ساقتالۋىمەن جانە جۇمىلدىرۋ قورىنىڭ نىسانى بولىپ تابىلاتىن ارنايى مەديتسينالىق قامتاماسىز ەتۋ بازاسىمەن تانىستى. سونىمەن قاتار قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ مەن جايلاستىرۋ باعدارلاماسىنىڭ ارالىق قورىتىندىلارى بەلگىلەندى.

ءىس-شارا اياسىندا ءماجىلىس دەپۋتاتتارى يرينا ارونوۆا مەن قۇدايبەرگەن ەرجان Nur Otan پارتياسى ماڭعىستاۋ وبلىستىق فيليالىندا ازاماتتاردى قابىلدادى.

كوشپەلى وتىرىستى قورىتىندىلاي كەلە، ماجىلىسمەندەر كوتەرىلگەن وزەكتى ماسەلەلەرگە قاتىستى ۇسىنىستار مەن پىكىرلەر ءتيىستى زاڭنامالاردى جەتىلدىرۋدە ەسكەرىلەتىنىن ايتتى.

وتىرىس جۇمىسىنا ءماجىلىس دەپۋتاتتارى مەن قورعانىس مينيسترلىگى، ۇلتتىق ۇلان، ۇقك شەكارا قىزمەتى، ىشكى ىستەر مينيسترلىگى توتەنشە جاعدايلار كوميتەتى، باس اسكەري پروكۋراتۋراسىنىڭ جانە وبلىستىق اكىمشىلىكتىڭ وكىلدەرى قاتىستى، دەپ حابارلادى وسى پالاتانىڭ ءباسپاسوز قىزمەتى.