قوعام • 08 قاراشا، 2019

بىتىمگەرشىلەرىمىزدىڭ ءباسى بيىك

23 رەتكورسەتىلدى

«تاماشا قىزمەتىڭىز ءۇشىن راحمەت!». وسىنداي سوزدەر­مەن بۇۇ-نىڭ ينسپەكتسيا­لىق توبى قازاقستاندىق جيىنتىق بىتىمگەرشىلىك روتاسىنىڭ بازاسىن تەكسەرۋدى اياقتادى.

ليۆانداعى قازاقستاندىق­تاردىڭ بىتىمگەرشىلىك بازاسىنا «بۇۇ بولىم­شەلەرى دايىندىعىن جالپى تەكسەرۋ» ينسپەكتسيالىق توبى باردى. ينس­پەكتسيانىڭ باس­تى ماقساتى – قارۋ-جاراق پەن اسكەري تەحنيكانى، بايلانىس قۇرالدارىن، وپتيكالىق كوزدەگىشتى، روتانىڭ بارلىق مۇ­لىك­تەرىنىڭ دۇرىستىعىن تەكسەرۋ، سونىمەن قاتار سانيتارلىق-گيگيەنالىق نورمانى ساقتاۋ.

تەكسەرىستىڭ ناتيجەسى بويىن­شا ماماندار بارلىق ۇندىلىك باتالون­نىڭ ىشىنەن ەكىنشى جيىنتىق بىتىم­گەر­شىلىك روتانى جاقسى جاعىنان اتاپ ءوتتى.

ەكىنشى قازاقستاندىق بىتىم­گەر­­­­شى­لىك روتاسى ء«ۇندى باتالو­نى­­­نىڭ قۇرامىندا قازاقستاندىق بىتىم­گەرشىلىك كونتينگەنتىن ورىس­تە­­تۋ ءتارتىبى تۋرالى» قازاق­ستان مەن ءۇن­دىس­تان ۇكىمەتى اراسىن­داعى ءوز­ارا تۇ­سى­نىستىك تۋرالى كەلى­سىمگە ساي­كەس «ليۆان­داعى بۇۇ ۋاقىتشا كۇش­تەرى» ميسسياسىنا قاتىسادى. ميس­سيا­دا بولعان كەزەڭدە «كاسىبي بىتىم­گەرشىلىك» مارتەبەسىن وزىنە بەكىتتى.

«قازاقستاندىق اسكەري قىز­مەت­شىلەر وتە ەرجۇرەك. مەن بۇل ميس­سيا­دا جۇرگەنىمە ءبىر جىل بولدى. ءبى­­رىن­شى جانە ەكىنشى بىتىمگەرشىلىك روتاسىمەن تانىسىپ، بىرگە قىز­مەت ەتكەنىمە قۋا­نىشتىمىن. ولار­دىڭ بويلارىندا قوبالجۋ مەن قور­قىنىشتىڭ جوق ەكەنى مەنى تاڭعال­دىرادى. ءبىرىنشى روتاتسيا ميسسياسى بارلىق مىندەتتەرگە بىردەن كىرىستى. جاز­عى كەزەڭدە قانداي جاع­داي بولاتىنىن بىلمەسە دە، ولاردى ەكىن­شى روتا الماستىردى. ەكىنشى رو­تا­نىڭ قىزمەتى كەزىندە يزرايل اس­كەرى ليۆاننىڭ اۋماعىنا زىمى­ران سوققىسىن جاساعانى جانە لي­ۆان­نىڭ بارلىق اۋماعىن باسىپ ال­عان دەمونسترانتتاردىڭ جاپپاي نارا­زىلىق اكتىلەرى بولعانى بارىنە بەل­گىلى»، – دەپ اتاپ ءوتتى يندونەزيا وكىلى.

«ليۆانداعى بۇۇ ۋاقىتشا كۇش­­تەرى» اسكەرلەر شتابىنان ينس­پەك­تسيالىق توپتى جەكە الىپ جۇرگەن، بۇۇ يندونەزيالىق اسكەري پوليتسيا­سى كونتينگەنتىنىڭ كومانديرى، پول­كوۆنيك سوني قازاقستاندىق بىتىم­گەرلەر قىزمەت ەتىپ جۇرگەن بازانىڭ دەڭگەيىن اتاپ ءوتتى.

«مۇنداي قاۋىپتى ساتتەردە بۇۇ بار­لىق قوزعالىستى شەك­تەيدى، بار­لىق پاترۋلدەر توقتا­تى­لادى. ءتىپ­تى بىتىمگەرشىلىك بازالارى دا سۋمەن دە، تاماقپەن دە، باسقا دا قاجەت­تى­لىكتەرمەن جاب­دىق­تالمايدى. مۇن­داي جاعدايدا قازاقستاندىقتار ينس­پەكتسيالىق توپتى جوعارى دەڭ­گەيدە قارسى ال­دى. وسىنداي جاع­داي­لار­دا ءبارى دە وسىلاي وتكەرە الماي­تىن­دىعىن ەسكەرۋ كەرەك!»، – دەپ اتاپ ءوتتى ول.

 

 

سوڭعى جاڭالىقتار

ۇقساس جاڭالىقتار