قازاقستان • 08 قاراشا، 2019

قازاقستاننىڭ پايداسىنا شەشىلدى

94 رەتكورسەتىلدى

جاقىندا حالىقارالىق تورە­لىك تريبۋنال «World Wide Minerals Inc.» كانادالىق كومپانياسى جانە پول كەرولل باس­تا­ما جاساعان تورەلىك قاراۋ بو­يىن­شا شەشىم شىعاردى.

باستاپقىدا قازاقستانعا قارسى تالاپ-ارىزدىڭ سوماسى 1،9 ملرد اقش دوللارىن قۇرادى. تريبۋنال تالاپكەرلەرگە باستاپقى تالاپ ەتىلگەن سومانىڭ 0،725 %-دان كەم بولىگىن تابىس ەتتى.

تسەلينالىق تاۋ-حيميالىق كومبي­نات­تاعى (تستحك) سەنىمدى باسقارۋ كەلى­سىمىنە سايكەس كاسىپورىن 1996-1997 جىلدار­دا تالاپ­كەرلەردىڭ سەنىمدى باسقارۋىندا بول­عان. سونىمەن قاتار تالاپكەرلەر وزدەرىنە تستحك-عا قولداۋ كور­سەت­كەن ستەپنوگورسك قالاسى جۇ­مىس­شى­لا­رى­نىڭ الدىندا مىندەتتەمەلەر العان.

1997 جىلدىڭ ءساۋىر ايىنان باس­تاپ تالاپكەرلەر قىزمەتكەرلەردىڭ جالاقىسىن تولەمەي كەلىسىمشارت تالاپتارىن قايتا-قايتا بۇزا باستاعان. تستحك-ءنىڭ كوپتەگەن تسەحىنىڭ جۇ­مىسى ۋاقىتشا توقتاتىلىپ، كومىر قور­لا­رى تاۋسىلعان. بۇل حالىقتىڭ الەۋمەتتىك جاعدايىنىڭ ناشارلاۋىنا الىپ كەلدى. ستەپنوگور قالاسىنداعى جىلى­تۋ ماۋ­سىمىنا دايىندىق جۇ­مىس­­تارى توقتاپ، قالا اپات شە­گىن­دەگى جاعدايدا بولعان. وسىن­­داي جاع­دايلاردا قازاقستان تارا­پى سەنىمدى باس­قارۋ تۋرالى كەلىسىمدى بۇزۋ جونىندە شە­شىم قابىلدادى.

تالاپكەرلەر تورەلىك ارىزدى 2013 جىل­­عى جەلتوقساندا بەردى، ول بو­يىن­شا تىڭداۋلار 2017 جىلعى جەل­توق­ساندا لوندون قالاسىندا ءوتتى. رەس­­پۋب­ليكا تالاپكەرلەردىڭ بارىن­شا ەلەۋ­­لى دەگەن تالاپتارىن قاناعات­تان­دى­رۋ­دان باس تارتۋعا تريبۋنالدىڭ كو­­زىن جەتكىز­گەندىكتەن، تريبۋنال تالاپ ەتىلىپ جاتقان سومانىڭ تەك تستحك-ءنىڭ وپە­راتسيا­­لىق قىزمەتىنە ينۆەستيتسيا رەتىندە سا­­لىنعان بولىگىن عانا تابىس ەتتى.

بۇل تورەلىك پروتسەسى تالاپكەرلەردىڭ مەملەكەتىمىز ەسەبىنەن ءوز شىعىندارىن قالپىنا كەلتىرۋدىڭ ءۇشىنشى تالپىنىسى بولىپ تابىلادى. تالاپكەرلەر 2000 جىلى اقش سوتتارىنا وزدەرىنە كەلتىرىلگەن 1،2 ملرد اقش دوللارى كولەمىندەگى زالالداردىڭ ورنىن تولتىرۋ تۋرالى ارىزداندى. ول كەزدە سوت ولاردىڭ تالاپتارىن قاناعات­تان­دى­رۋ­دان باس تارتتى.

2007-2010 جىلدار ارالىعىندا تالاپكەرلەر قازاقستان رەس­پۋب­لي­كا­سىنا قارسى 3،7 ملرد اقش دوللارى كولەمىندەگى تالاپ سوماسىمەن تورەلىككە ارىز بەرگەن. بۇل كەزدە دە تالاپكەرلەردىڭ تالاپتارىن قانا­عات­تان­دىرۋدان باس تارتىلعان ەدى.

بۇل قازاقستان ءۇشىن ايتارلىقتاي تابىس بولىپ تابىلادى. ۇكىمەتتىڭ كونسۋلتانتى رەتىندە «ReedSmith» حالىقارالىق زاڭ فيرماسى قاتىسۋدا.

 

 

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار