قوعام • 08 قاراشا، 2019

قىمباتشىلىقتان سىلتاۋ قۇتقارمايدى

86 رەتكورسەتىلدى

داۋلەتى مەن ساۋلەتى جاراسقانداردى قايدام، قاراشا حالىقتى قىمباتشىلىق ەكى بۇيىردەن قىسىپ بارادى. باعا شارىقتاماعان سالا كەمدە-كەم شىعار. اس اتاسى نان باعاسى دا كوتەرىلدى. الەۋمەتتىك دەلىنەتىن ناننىڭ ءوزى 75-80 تەڭگە بولسا، كەي جەرلەردە ودان دا جوعارى.

نارىق زامانى، نارىق زاڭى سولاي دەپ اركىم بىلگەن باعاسىن قويادى. تاياۋدا دۇكەننەن قولتوقپاقتاي ءبالىش نان الدىم. ءبىر كەزدەرى 15-20 تەڭگە ەدى. بۇل جولى ساتۋشى «؛160 تەڭگە»؛ دەدى. «؛بۇل قالاي؟»؛ دەسەم ول: ء«؛سىز كوپتەن بەرى نان الۋعا كەلمەگەنسىز بە؟»؛ دەپ قارسى سۇراق قويدى. ءبىراز دۇنيەنىڭ 10-15 پايىز وسكەنىن، وزدەرى ەكى وتتىڭ ورتاسىندا قالعانىن، بۇل قىجالاتتان قۇتىلۋدىڭ جولى قولدارىندا جوعىن ايتتى.

يا، نان پىسىرەتىندەردىڭ دە ايتار ۋاجدەرى دايىن. وعان كوز جۇمىپ قاراۋعا بولمايدى. وزدەرى كوكتەمدە جەرگە ءدان ەگىپ، كۇزدە ورماعان سوڭ، وندىرۋشىگە تاۋەلدى. ونىڭ ۇستىنە باسەكەلەستىكتىڭ ءباسى قىزباي، اركىم وزىنشە تىرلىك جاساعان جەردە الا-قۇلا جۇمىس اياقتان شالماي تۇرمايدى. ايتالىق، بىلتىر 1 توننا بيداي 43 مىڭ تەڭگە بولسا، بيىل 64 مىڭ تەڭگەگە وسكەن. مۇنداي جاعدايدا ۇن باعاسى دا كوتەرىلەدى. مىسالى، 4 مىڭ تەڭگە تۇراتىن ءبىر قاپ ۇن ءقازىر 5 مىڭ تەڭگەدەن اسىپ كەتكەن. وسى ارادا ەلىمىز جان باسىنا ەسەپتەگەندە ۇن ءوندىرۋ مەن ونى ساتۋ بويىنشا الەمدە العاشقى ورىندا ەكەنىمىزدى ايتا كەتەيىك. تابان اقى، ماڭداي تەرىمەن ءونىم وندىرگەندەر باعانى قالاي وسىرسە دە جاراسادى. مۇنىڭ قالاي دەۋگە حاقىمىز بولماسا كەرەك. اپتاپ ىستىقتا ەگىن ەگىپ، ونى ءوسىرۋ، توكپەي-شاشپاي ورىپ، قامباعا قۇيۋ، اق بوران بۋعان قىستا مال باعىپ، امان ساقتاۋ اۋىزعا وڭاي بولعانمەن، قيامەتتىڭ قيامەتى ەكەنى انىق. جەڭىلدىڭ استىمەن، اۋىردىڭ ۇستىمەن جۇرگەندەر ونداي اۋىر شارۋاعا شىداۋ بىلاي تۇرسىن، شەت-جاعاسىن كورگەندە «؛بۇل سۇمدىق قوي!»؛ دەرى ءسوزسىز. مۇنى ايتۋداعى سەبەپ، ءونىم وندىرۋدەگى ازاپتان جالت بەرگەندەردىڭ كەيدە ەكى ارادان «؛مال»؛ تاۋىپ، باعانىڭ وسۋىنە «؛ۇلەس»؛ قوساتىنى.

جاسىراتىنى جوق، اقشا العا تۇسكەن كەزەڭدە ار مەن ادالدىق سونىڭ كولەڭكەسىندە قالىپ قويادى. وندايدا وبال، ساۋاپ تا كوپ ەسكەرىلە بەرمەيتىنى وكىنىشتى. ەلىمىزدەگى 43 ءتۇرلى ونىمنەن تۇراتىن ازىق-تۇلىك سەبەتى بار دەسەك، وعان ءار ادام 17 مىڭ تەڭگە جۇمساۋى ءتيىس.

بايتاق دالامىز بار، اگرارلى ەل ەكەنىمىز بەلگىلى. ەسەمىزدى جىبەرمەي ەبىن تاپساق، مال ءوسىرىپ، استىقتان مول ءونىم الىپ، قىمباتشىلىقتى بولدىرماۋعا مۇمكىندىك جەتكىلىكتى. تەك ۇيىمداستىرۋدان ۇتىلىپ وتىرعاندايمىز. عالىمداردىڭ زەرتتەۋىنە قاراعاندا، قازاق جەرى 1 ملرد ادامدى ازىق-تۇلىكپەن قامتاماسىز ەتۋگە جەتەدى.

كۇز بولسا ەرىك بەرمەي كەتەتىن قىمبات­؛شىلىق نانمەن شەكتەلىپ تۇرعان جوق. ءبارى دە بىر-بىرىنە ۇشتاسىپ كەتىپ جاتىر. الداعى ايلاردا اراگىدىك سوزگە جەلى تارتىپ جۇرگەن بەنزينگە ونداعان تەڭگە قوسىلسا، باعا وسپەي تۇرمايتىنى تاعى انىق.

جىل سايىن جۇرتتى ءتۇرلى سىلتاۋلارمەن ەسەڭگىرەتىپ تاستايتىن قىمباتشىلىقتىڭ سەبەبى قايدا جاتىر دەگەن سۇراق كوكەيدەن كەتەر ەمەس. بيىلعى ءۋاجدىڭ ءبىرى جازدىڭ اپتاپ ىستىق بولعانى، كۇزدە جاۋىن-شاشىن كوپ تۇسكەنى، ءسويتىپ استىقتىڭ وتكەن جىلعىدان 2 ميلليون تونناعا كەم جينالعانى. ارينە ايتا بەرسە، ودان وزگە دە سىلتاۋ تابىلادى. باستى نيەت وسىلاي دۇرىلدەتە كەلىپ، ءبىر جىل ىشىندە قوساتىن باعا مولشەرىن تۇراقتاندىرىپ الۋ بولسا كەرەك. بۇل حالىقتىڭ قامىنان بۇرىن ءار سالاداعى ۇيىمداستىرۋدىڭ ناشارلىعى بولسا كەرەك.

بۇعان ەسەپ-قيساپ جۇرگىزۋشىلەردىڭ ايتقانى مەن بازارداعى باعانىڭ سايكەس كەلمەۋىن قوسىڭىز. ماسەلەن، اۋىلدا سيىر ەتىنىڭ 1 كيلوسى 1700 تەڭگە بولسا، بازاردا &ndash؛ 2-2،5 مىڭ تەڭگە. «؛بۇل قالاي؟»؛ دەسەڭ، ء«؛بارىن نارىق ءوزى رەتتەيدى»؛، دەپ جالت بەرەدى. ءسويتىپ بيلىكتەگىلەردىڭ ءسوزى قۇبىلىپ شىعا كەلەدى.

قالاي ايتساق تا، بۇل قىمباتشىلىقتان سىلتاۋ قۇتقارمايدى. قۇتقاراتىن ايقىن جۇمىس، ناقتى ءىس، كوكەيگە قونىمدى شىنايى كورسەتكىش قانا.

باستى تۇيتكىل نان باعاسىندا. جەرى دارقان ەلدە ناننىڭ قىمباتتىعى كوڭىلگە قونا قويمايدى. وسى جەردە وزبەك ەلىندە ءبىر بولكە نان 45 تەڭگە تۇراتىنىن ەسكە سالا كەتەلىك.

پرەزيدەنت ق.توقاەۆتىڭ: «؛ناننىڭ قىمباتتاۋىنا جول بەرىلمەيدى»؛ دەگەن ءسوزىن ەڭ الدىمەن ءتيىستى مەكەمەلەر، الىپساتارلار ەسكەرسە قانە.

 ؛

سوڭعى جاڭالىقتار

حازىرەتتەر قازىناسى

رۋحانيات • بۇگىن، 07:43

«سپەسحراندا» ساقتالعان...

رۋحانيات • بۇگىن، 07:26

«تاكاپپار ەكەن قۇلجا الما»

قوعام • بۇگىن، 07:23

زاڭ كەرەك!

ەكولوگيا • بۇگىن، 07:20

ەل قۇرمەتى ەرەكشە

100 • بۇگىن، 07:14

يت جۇگىرتىپ، قۇس سالدى

ايماقتار • بۇگىن، 07:12

سەنىم ءھام سەرپىن

رۋحانيات • بۇگىن، 07:09

پاراساتتىلىق – باستى نازاردا

ايماقتار • بۇگىن، 06:30

حات قورجىن (14.11.2019)

ادەبيەت • بۇگىن، 06:28

كۇرىش سۇرىپتارى سۇيىلىپ بارادى

ەكونوميكا • بۇگىن، 06:24

سيپاتى بولەك كۋالىك

قوعام • بۇگىن، 06:14

التىن ادام افينادا

قازاقستان • كەشە

ۇقساس جاڭالىقتار