باسىلىمنىڭ جازۋىنشا, بەيجىڭ بۇرىننان قارا تۇتىنىمەن الەمگە تانىمال. دەگەنمەن, جاڭا رەيتينگ كورسەتكەندەي, اۋاسى لاستانعان مەملەكەتتەر ۇشتىگىندە ءۇندىستان, پاكىستان مەن بانگلادەش تۇر.
«شۆەيتساريانىڭ IQ AirVisual كومپانياسىنىڭ ماماندارى زەرتتەۋ جۇرگىزىپ, بۇكىل الەم بويىنشا اۋانىڭ ساپاسى تۋرالى مالىمەتتەردى جيناعان. ولاردىڭ ايتۋىنشا, الەمدەگى ەڭ اۋاسى لاستانعان 30 قالانىڭ 22-ءسى - ءۇندىستاندا ورنالاسقان, ال قالعان سەگىزى - پاكىستان, بانگلادەش پەن قىتايدا. ءبىر قىزىعى, بۇل تىزىمدە 122-ورىن الاتىن بەيجىڭ جوق» دەپ جازادى باسىلىم.
اۆتوردىڭ ايتۋىنشا, رەيتينگتە ازيا قالالارى كوش باستاپ تۇر.
«مەملەكەتتەر بويىنشا رەيتينگتە بانگلادەش, ودان كەيىن پاكىستان مەن ءۇندىستان تۇر» دەپ جازادى اۆتور.
