قاسىم-جومارت توقاەۆ تانزيلا نارباەۆانىڭ ساپارى ەكى ەلدىڭ پارلامەنتارالىق بايلانىستارىن دامىتىپ, مەملەكەتتەر اراسىنداعى قارىم-قاتىناسقا تىڭ سەرپىن بەرەتىنىن اتاپ ءوتتى.
–2018 جىلى ساۋدا اينالىمى 2,5 ميلليارد دوللاردى قۇرادى. ال بيىلعى 9 ايدىڭ وزىندە وتكەن جىلعى ناتيجەدەن ارتىق جەتىستىككە جەتىپ وتىرمىز. سوعان سايكەس, جىل سوڭىندا قازاقستان مەن وزبەكستان اراسىنداعى ساۋدا اينالىمىنىڭ كولەمى دە ارتا تۇسەدى, – دەدى قاسىم-جومارت توقاەۆ.
پرەزيدەنت ءساۋىر ايىنداعى وزبەكستانعا جاساعان مەملەكەتتىك ساپارىنىڭ ناتيجەسىندە ساۋدا-ەكونوميكالىق بايلانىستاردى نىعايتىپ, ءوزارا ساۋدا اينالىمىن بىرتىندەپ 5 ميلليارد دوللارعا دەيىن ارتتىرۋ تۋرالى كەلىسىمگە قول جەتكىزىلگەنىن ايتتى.
مەملەكەت باسشىسى ەكى ەل اراسىنداعى كولىك-ترانسپورت بايلانىستارىنىڭ, سونداي-اق مادەني-گۋمانيتارلىق قارىم-قاتىناستاردىڭ دامۋ بارىسى جوعارى دەڭگەيدە ەكەنىن اتاپ ءوتتى.
–قازاقستان مەن وزبەكستان ءوزارا ىنتىماقتاستىقتى دامىتۋعا قىزىعۋشىلىق تانىتىپ قانا قويماي, سونىمەن قاتار بىرقاتار ماسەلەلەر بويىنشا ءبىرىن-ءبىرى تولىقتىرىپ وتىرادى. سوندىقتان ءبىزدىڭ ءوزارا ىقپالداستىعىمىز تابىستى بولاتىنى ءسوزسىز. ونىڭ ۇستىنە, ارىپتەسىم, وزبەكستان پرەزيدەنتى شاۆكات ميرزيوەۆپەن ەكى ەل اراسىنداعى ىنتىماقتاستىقتى جان-جاقتى دامىتۋ ءۇشىن بەلسەندى جۇمىس جۇرگىزۋگە كەلىستىك, – دەدى قاسىم-جومارت توقاەۆ.
تانزيلا نارباەۆا قاسىم-جومارت توقاەۆقا قوناقجايلىق تانىتقانى ءۇشىن العىس ايتىپ, شاۆكات ميرزيوەۆتىڭ سالەمىن جەتكىزدى.
ء–سىزدىڭ قازاقستان پرەزيدەنتى لاۋازىمىنا سايلانۋىڭىز – بۇعان دەيىنگى ابىرويلى قىزمەتىڭىزدىڭ ناتيجەسى. ءسىز تاجىريبەلى ديپلومات, ىقپالدى باسشى رەتىندە تۇڭعىش پرەزيدەنت نۇرسۇلتان نازارباەۆتىڭ قازاقستاننىڭ مەملەكەتتىك قاۋىپسىزدىگىن نىعايتۋ جانە ەكونوميكاسىن دامىتۋعا باعىتتالعان باستامالارىن جالعاستىرىپ كەلەسىز, – دەدى وزبەك ساياساتكەرى.
كەزدەسۋ سوڭىندا مەملەكەت باسشىسى وزبەكستان پرەزيدەنتىنە ىزگى تىلەگىن جولدادى.
