قوعام • 04 قاراشا، 2019

جەمقورلىقتى تۋدىراتىن سەبەپتەر كوپ

63 رەت كورسەتىلدى

Nur Otan پارتياسىنىڭ ورتالىق اپپاراتىندا سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ وتىرىسى بولىپ، وندا «تازا سەسسيا» جالپىحالىقتىق اكتسياسىنىڭ ارالىق ناتيجەلەرى تالقىلاندى. Jas Otan جاستار قاناتىنىڭ توراعاسى داۋلەت كارىبەك اكتسيانىڭ قورىتىندىلارى تۋرالى حابارلادى.

Jas Otan بەلسەندىلەرى قازاقستاننىڭ بارلىق ايماقتارىنداعى 15 مىڭعا جۋىق ستۋدەنت اراسىندا ءانونيمدى ساۋالداما جۇرگىزگەن. ستۋدەنتتەردىڭ 12،8% جوعارى وقۋ ورىندارىندا سىبايلاس جەمقورلىق بار دەپ كورسەتكەن. دەمەك، ساۋالداماعا قاتىسقان ءاربىر 8 ستۋدەنت ءبىلىم وردالارىندا سىبايلاس جەمقورلىقتىڭ بار ەكەندىگىن راستايدى جانە ءاربىر 12 ستۋدەنتتىڭ پارا بەرگەنى ايقىندالدى. سونداي-اق ۋنيۆەرسيتەتتەردە ەمتيحان تاپسىرىپ، ديسسەرتاتسيا قورعاعاننان كەيىن داستارحان جايۋ جانە سىيلىقتار بەرۋ جانە تاعى باسقالار «داستۇرگە» اينالعان.

ساۋالناما نەگىزىندە ستۋدەنتتەر جەم­قور­لىق فاكتىلەرى ورىن الادى دەپ كورسەت­كەن بەس جوو-نىڭ رەيتينگى جاسالدى: ح.دوس­مۇ­حامەدوۆ اتىنداعى اتىراۋ مەملەكەتتىك ۋنيۆەرسيتەتى، اتىراۋ مۇناي-گاز ۋنيۆەرسيتەتى، قاراعاندى مەملەكەتتىك مەديتسينالىق ۋنيۆەر­سيتەتى، م. وسپانوۆ اتىنداعى باتىس قازاقستان مەم­لەكەتتىك مەديتسينالىق ۋنيۆەرسيتەتى، ق.جۇ­بانوۆ اتىنداعى اقتوبە وڭىرلىك مەملە­كەت­تىك ۋنيۆەرسيتەتى.

«ساۋالدامانىڭ ناتيجەسىندە ستۋدەنتتەر وقۋ ورىندارىنداعى جەمقورلىقتى تۋدىراتىن سەبەپتەر رەتىندە مىنالاردى اتادى: پروفەسسورلىق-وقىتۋشىلىق قۇرامنىڭ جالاقىسىنىڭ تومەندىگى، ستۋدەنتتەردە ءوز بەتىنشە ءبىلىم الۋعا دەگەن قىزىعۋشىلىقتىڭ بول­ماۋى، مۇعالىمدەردىڭ دە، ستۋدەنتتەردىڭ دە جۇك­تەمەسىنىڭ كوپتىگى، جاتاقحانالاردا ورىن­دار­دىڭ بولماۋى»، دەدى داۋلەت كارىبەك.

رەسپۋبليكالىق قوعامدىق كەڭەس مۇشەلەرى جوعارى ءبىلىم بەرۋ سالاسىنداعى سىبايلاس جەمقورلىققا قارسى شارالاردى ءتيىمدى جۇزەگە اسىرۋ ستۋدەنتتەر مەن وقىتۋشىلاردىڭ بەلسەندى قاتىسۋىنسىز جۇزەگە اسپايتىنىن اتاپ ءوتتى. جەمقورلىققا قارسى ءىس-قيمىلدىڭ تابىستى جۇرگىزىلۋىنە مەملەكەت قانا ەمەس، ءاربىر ازامات، قوعام، سونىمەن قاتار جاستار دا جاۋاپتى. شىنىندا دا، كوپتەگەن سالادا، سو­نىڭ ىشىندە ءبىلىم بەرۋ مەن ەڭبەك نارىعىنىڭ باعىتتارىن بەلگىلەيتىن وسى جاس بۋىن.

ءوز كەزەگىندە قوعامدىق كەڭەس توراعاسى ومارحان وكسىكباەۆ ءبىلىم جانە عىلىم مينيسترلىگىنە، جوعارى وقۋ ورىندارىنىڭ رەكتورلارىنا ۋنيۆەرسيتەتتەردەگى سىبايلاس جەمقورلىقتىڭ الدىن الۋ ءۇشىن كەشەندى شارالار قابىلداپ، جان-جاقتى الەۋمەتتىك زەرتتەۋلەر جاساپ، سول زەرتتەۋلەر نەگىزىندە سىبايلاس جەمقورلىق دەڭگەيى بويىنشا جوعارى وقۋ ورىندارىنىڭ قوعامدىق رەيتينگىن ەنگىزۋ قاجەت ەكەنىن ايتتى.

«پارتيا ساياسي كەڭەسىنىڭ كەڭەيتىلگەن وتىرىسىندا ەلباسى نۇرسۇلتان نازارباەۆ سىبايلاس جەمقورلىقتى تۇبىرىمەن جويۋدىڭ ماڭىزدىلىعىنا ەرەكشە نازار اۋداردى. جوعارى ءبىلىم بەرۋ جۇيەسىنىڭ جەمقورلىق­قا نەعۇرلىم بەيىم ەكەنى بارىڭىزگە بەلگىلى. سوندىقتان جاستاردىڭ بويىنا ادالدىق، سىبايلاس جەمقورلىققا توزبەۋ قاعيداتتارىن سىڭىرە وتىرىپ، حالىق اراسىندا الدىن الۋ جۇمىستارىن جۇرگىزۋگە باسا نازار اۋدارۋ قاجەت»، دەپ اتاپ ءوتتى ومارحان وكسىكباەۆ.

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار