ايماقتار • 01 قاراشا، 2019

مۇناي وڭدەۋ زاۋىتىندا بىرەگەي ورتالىق اشىلدى

105 رەتكورسەتىلدى

اتىراۋ مۇناي وڭدەۋ زاۋىتىندا ارنايى كيىممەن جانە جەكە قورعانىس قۇرالدارىمەن قامتاماسىز ەتۋدىڭ بىرەگەي ورتالىعى اشىلدى. «Jeti Qazyna» دەپ اتالعان بۇل جوبا «سامۇرىق قازىنا» ۇاق» اق قولداۋىمەن ەلىمىز بويىنشا العاش رەت اتىراۋدا باستاۋ الدى.

بۇعان دەيىن زاۋىت جۇمىسشىلارى قويمادان كيىم الۋ ءۇشىن تاپسىرىس بەرىپ، ءوز مولشەرىن كۇتۋگە، وزىنە شاقتاپ تىگىپ الۋعا، جۋعا ءتيىس بولسا، ەندى بۇل جۇمىستاردىڭ ءبارىن ورتالىق اتقارادى. قىزمەتكەر ارنايى ورتالىققا كەلىپ، جەكە قورعانىس قۇرالدارى مەن كيىمدەرىن الادى، بەلگىلى ءبىر ۋاقىتتان كەيىن ونى تالاپقا ساي جۋىپ، قۇرعاق تازالاۋدان وتكىزۋگە الىپ قالادى دا، ورنىنا باسقا جيىنتىق بەرەدى. ءار كيىم تاڭبالانادى جانە مالىمەتتەر بازاسىنا ەنگىزىلەدى. دايىن بولعاننان كەيىن قىزمەتكەردىڭ ۇيالى تەلەفونىنا حابارلاما كەلەدى. تاۋلىك بويى جۇمىس ىستەيتىن ورتالىقتان زاۋىتتىڭ باس ديرەكتورى شۋحرات دانباي ءبىرىنشى بولىپ كيىم-كەشەك جيىنتىعىن الدى.

 - ورتالىقتىڭ جۇمىسىن قازاقستان-رەسەي Allies Industrial بىرلەسكەن كاسىپورىنى قامتاماسىز ەتەدى، ونىڭ ەسەبىندە تمد-نىڭ باسقا ەلدەرىندە 150-گە جۋىق وسىنداي جوبا بار. وسى كومپانيانىڭ ارقاسىندا زاۋىت بۇرىنعى تاماق قويمالارىنىڭ بوس تۇرعان عيماراتىنا كۇردەلى جوندەۋ جانە قايتا جوسپارلاۋ جۇرگىزدى. ءاموز-دە اشىلعان ورتالىق – 100% قازاقستاندىق جوبا دەپ سەنىممەن ايتا الامىن. بۇل قازاقستاندا ءتيىستى قىزمەتتەردىڭ تولىق كەشەنى بار العاشقى مامانداندىرىلعان ورتالىق. ءبىز قىزمەتكەرلەر ءۇشىن ولاردىڭ جايلى جانە قاۋىپسىز ەڭبەگى ءۇشىن ەڭ جاقسى جاعداي جاساۋدامىز، - دەپ اتاپ ءوتتى «اتىراۋ مۇناي وڭدەۋ زاۋىتى» جشس باس ديرەكتورى شۋحرات دانباي.

زاۋىتتىڭ قوعاممەن بايلانىس ءبولىمى حابارلاعانداي، «Jeti Qazyna» جوباسى اياسىندا تاعى ءبىر باستاما قولعا الىنادى. ول - تۇراقتى جىلجىمالى ستەللاجدار مەن قورعاۋ جۇيەسى بار قۇجاتتاردى ساقتاۋعا ارنالعان سەنىمدى، ورتكە ءتوزىمدى بولمەلەرى بار ورتالىقتاندىرىلعان مۇراعات. وسىلايشا زاۋىت قازىرگى زامانعى يگىلىكتەردى كۇندەلىكتى جۇمىستارىندا قولدانۋعا مۇددەلى بولىپ وتىر.

 

اتىراۋ

 

        

 

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار