پرەزيدەنت شىعارىلاتىن ونىمدەردىڭ ساپاسى مەن سۇرانىسقا يە بولۋىن وڭ باعالاپ, كومپانيانىڭ ەكسپورتتىق الەۋەتىنە نازار اۋداردى.
قاسىم-جومارت توقاەۆ مەكەمە قىزمەتكەرلەرىمەن اڭگىمەلەسۋ بارىسىندا ولاردىڭ ەڭبەگىنىڭ ەلىمىز ءۇشىن ماڭىزدى ەكەنىن ايتتى. سونداي-اق ول مەملەكەتتىڭ حالىقتىڭ الەۋمەتتىك ءالسىز توپتارىنا قولداۋ كورسەتەتىنىن جانە وسىنداي جاندار ءۇشىن جۇمىس ورىندارىن اشاتىن مەكەمەلەرگە ارقاشان كومەك بەرەتىنىن اتاپ ءوتتى.
–سىزدەردىڭ فابريكالارىڭىزدى ۇلكەن قىزىعۋشىلىقپەن ارالاپ شىقتىم. شىن مانىندە, بۇل قاجەتتى ءارى وزىق ءونىم شىعاراتىن جانە جاقسى جابدىقتالعان الەۋمەتتىك-جاۋاپتى كاسىپورىن. ەڭ باستىسى, مۇندا سىزدەر سياقتى ىسمەر ادامدار جۇمىس ىستەيدى, – دەدى قاسىم-جومارت توقاەۆ.
مەكەمە قىزمەتكەرلەرى فابريكاعا كەلگەنى ءۇشىن مەملەكەت باسشىسىنا العىس ايتىپ, ونىڭ مەملەكەتتىك قىزمەتىنە تابىس تىلەدى. جالپى مەكەمەدە 460 ادام جۇمىس ىستەيدى, سونىڭ ىشىندە 45-ءى حالىقتىڭ الەۋمەتتىك ءالسىز توبىنا جاتادى.
