قازاقستاندىق دەلەگاتسيانىڭ باعدارلاماسى اياسىندا كەشەندى شارالار ءوتتى. كەزدەسۋدە قوزعالعان ماڭىزدى ماسەلەنىڭ ءبىرى قۇرىلعالى جاتقان اسكەري ستاتۋسقا يە ورگانداردىڭ جانە قۇقىق قورعاۋ ورگاندارى اسكەري ۆەدومستۆولارىنىڭ «ەۋرازيا قۇقىق قورعاۋ ورگاندارىنىڭ قاۋىمداستىعى» ۇيىمى جونىندە بولدى. بۇل ۇيىمعا كىرۋ قازاقستان ءۇشىن جالپىعا بىردەي قىزىعۋشىلىق تۋدىراتىن قاۋىپسىزدىك ماسەلەلەرى بويىنشا اقپارات جانە تاجىريبە الماسۋعا مۇمكىندىك بەرمەك. تۇركيا تاراپى اتالعان قاۋىمداستىقتىڭ قۇرىلۋىنا قازاقستانمەن بىرگە رەسەي فەدەراتسياسى جانە وزبەكستان رەسپۋبليكاسى ۇلتتىق ۇلاندارى دا اتسالىسۋعا نيەتتى ەكەنىن مالىمدەدى.
تۇركياداعى ساپارى بارىسىندا قازاقستاندىق دەلەگاتسيا تۇركيا جاندارمەرياسىنىڭ باس قولباسشىلىعىندا جاندارمەريا باس قولباسشىسى, ارميا گەنەرالى اريف چەتين مىرزامەن كەزدەستى.
كەزدەسۋ اياسىندا قازاقستان قۇقىقتىق ءتارتىپ اسكەرىنىڭ باسشىلىعى تۇركيا جاندارمەرياسىنىڭ بايلانىس, اۆتوماتتاندىرۋ, اۆياتسيا جانە تىل باعىتتارى بويىنشا جاۋىنگەرلىك قىزمەتىمەن ءجىتى تانىستى. دەلەگاتسيا مۇشەلەرى, سونداي-اق جاندارمەريانىڭ لوگيستيكا جانە اۆياتسيا قولباسشىلىقتارى شتابتارىندا بولىپ, مۇمكىندىكتەرى مەن ماتەريالدىق بازاسىن زەردەلەپ قايتتى.
دەلەگاتسيا باسشىسى گەنەرال-لەيتەنانت رۋسلان جاقسىلىقوۆ جاندارمەريا جانە جاعالاۋ كۇزەتى اكادەمياسىندا اسكەري ءبىلىم الىپ جاتقان قازاقستاندىق كۋرسانتتارمەن جولىعىپ, باعىت-باعدار بەرىپ, ولارعا وقۋدا تابىس تىلەدى. سونىمەن قاتار ءبىلىم ورداسىنىڭ باسشىلىعىمەن ۇلتتىق ۇلان اسكەري قىزمەتشىلەرىن ءارى قاراي وقىتۋ ماسەلەلەرىن تالقىلادى.
جاندارمەريانىڭ قوعامدىق قاۋىپسىزدىك ارنايى باسشىلىعىنىڭ قۇراماسىندا (ارنايى ماقساتتاعى بولىمشە) قازاقستاندىق قوناقتارعا بولىمشەنىڭ جاپپاي باسسىزدىقتار مەن زاڭسىز شەرۋلەرگە توسقاۋىل قويۋ جانە تەرروريزمگە قارسى وپەراتسيالار جۇرگىزۋ كەزىندەگى ءىس-قيمىلدارى كورسەتىلدى.
قوس تاراپ بۇدان بولەك «مينالار مەن قولدان جاسالعان جارىلعىش زاتتاردى تابۋ جانە جويۋ» تاقىرىبىنداعى دايىندىق كۋرستارىنا بولىنەتىن كۆوتالار سانىن كوبەيتۋ تۋرالى ورتاق شەشىمگە كەلدى. ارىس قالاسىنداعى سوڭعى جاعدايلاردى ەسكەرەتىن بولساق, اتالعان تاقىرىپتىڭ قازاقستان ءۇشىن وزەكتى ەكەنى تۇسىنىكتى.
