وسكەمەن قالاسىنىڭ 10 وقۋشىسى برازيليادا وتكەن ءبىلىم سايىسىنان 10 مەدال جەڭىپ الدى. حالىقارالىق «Mostratec» ءبىلىم كورمەسىنىڭ اياسىندا ۇيىمداستىرىلعان عىلىمي جۇمىستار وليمپياداسىندا 40 مەملەكەتتەن بارلىعى 1 مىڭنان استام وقۋشى باق سىنادى.
وسكەمەندەگى «نۇر وردا» مەكتەپ ليتسەيىنىڭ 10 وقۋشىسى ماتەماتيكا, بيولوگيا جانە اعىلشىن ءتىلى ءپانى بويىنشا جوبا قورعاپ, جەڭىمپاز اتاندى. ناقتى ايتقاندا, ەلگە 5 التىن, 2 كۇمىس جانە 3 قولا مەدالمەن ورالدى. التىننان القا تاققان وقۋشىلاردى وسكەمەن اۋەجايىنان مەكتەپتەگى ۇستازدار, اتا-انالار ءسان-سالتاناتپەن كۇتىپ الدى. جالپى, قازاقستاننان برازيلياعا بارلىعى 31 وقۋشى بارعان ەكەن. ەڭ كوپ مەدالدى وسكەمەندەگى جاستار ۇتىپ الدى. ء«بىز التىن مەدال الدىق. ءبىزدىڭ جوبامىز ماتەماتيكا ءپانى بويىنشا بولدى. التىن مەدالدى العاندا قاتتى قوبالجىپ, ساحناعا شىققاندا وتە قۋاندىق. قازاقستانمەن قاتار برازيليا, ارگەنتينا, تۇركيا مەملەكەتتەرى جاقسى ناتيجە كورسەتتى» دەيدى «نۇر وردا» مەكتەپ-ليتسەيىنىڭ 10 سىنىپ وقۋشىسى داريا يسلامبەكوۆا. وسى ءبىلىم ورداسى ديرەكتورىنىڭ ورىنباسارى بەكزات ماجيتوۆ وقۋشىلار وزدەرىنە ۇلكەن تاجىريبە جيناعاندارىن ايتادى. «ول جەردە ورىن الۋ ءبىر ماسەلە, وزدەرى سول جەرگە بارىپ, باسقا ادامدارمەن تانىسىپ, وزدەرىنىڭ پىكىرلەرىن ايتىپ, جوبالارىن قورعادى» دەيدى ول.
وسكەمەن
