ايماقتار • 31 قازان، 2019

اتىراۋدىڭ اۋاسى تازارادى

254 رەتكورسەتىلدى

ونسىز دا ەكولوگيالىق احۋالى وڭىپ تۇرماعان اتىراۋدا تاعى ءبىر پروبلەما بار. كارىز سۋى «ساسىقساي» بۋلانۋ الاڭىنا جەتكەنشە تازارتۋدىڭ تولىق ساتىسىنان وتپەيدى. وبلىس ورتالىعىنىڭ سانيتارلىق-ەپيدە­ميولوگيالىق جاعدايىنا كەرى اسەرىن تيگىزەتىن بۇل ماسەلەنى اكادەميك، ەكولوگ مۇفتاح دياروۆ ءباسپاسوز بەتىندە ءجيى كوتەرىپ ءجۇر.

عالىم: «ساسىقساي» و باستا 24 مىڭ تەكشە مەتر سۇيىق جيناۋعا ارنالعان ەدى، قازىر كاسىپورىنداردان تاۋلىگىنە 60 مىڭ تەكشە مەتر سارقىندى قۇيىلادى. ۋلى زاتتاردىڭ قورىمىنا اينالعان پوليگون اۋماعى 8 ەسە ۇلعايدى»، دەيدى.

اتاۋىنىڭ ءوزى كوپ نارسەدەن حابار بەرەتىن بۇل بۋلانۋ الاڭىنىڭ جابىلاتىنى تۋرالى وبلىس اكىمى نۇرلان نوعاەۆ حالىققا ەسەپ بەرۋ جيىنىندا ايتقان ەدى. قالانىڭ سول جاق جاعالاۋىندا سالىنىپ جاتقان كارىز تازارتۋ جۇيەسى قۇرىلىسىنىڭ اياقتالۋىن اتىراۋ­لىقتار اسىعا كۇتىپ ءجۇر. 2017 جىلى باستالعان كەشەن قازىر اياقتالىپ كەلەدى. الداعى جىلى ىسكە قوسىلۋعا ءتيىس.

كەشەن قۇرامىنداعى نەگىزگى كارىز ايداۋ ستانساسىن، تازالانباعان اعىندى سۋلاردىڭ قوندىرعىسىن، بيولوگيالىق كولدەر مەن بۋلانۋ الاڭدارىنىڭ قۇرىلىسىن تەكسەرگەن وبلىس اكىمى نۇرلان نوعاەۆ بۇل جوبانىڭ ءوڭىردىڭ ەكولوگيالىق قاۋىپسىزدىگىندە ماڭىزى زور ەكەنىن اتاپ ءوتتى. جاڭا كەشەننىڭ ەرەك­شەلىگى – اعىندى سۋدى تازارتادى، ال تازا سۋ كوزدەرى جەر قاباتتارى مەن جەراستى سۋلا­رىنىڭ لاستانۋىنا جول بەرمەيدى. تازارعان سۋدى شارۋاشىلىق ماقساتقا قايتادان پايدالانۋعا دا بولادى. وبلىستىق قۇرىلىس باسقارماسىنىڭ باسشىسى مالىك امانوۆتىڭ سوزىنە سۇيەنسەك، جاڭا نىساننىڭ قۋاتىن تاۋلىگىنە 100 مىڭ تەكشە مەترگە دەيىن جەت­كىزۋ جوسپارلانعان.

وبلىستىق ەكولوگيا دەپارتامەنتىنىڭ باس­شىسى اباي ءسافيننىڭ ايتۋىنشا، 2021 جىل­دان باستاپ «ساسىقسايعا» لاس سۋ اعىزۋ توق­تاتىلىپ، اۋماعى قالپىنا كەلتىرىلەدى. بۋ­­لاندىرۋ الاڭىن رەكۋلتيۆاتسيالاۋ جۇمى­سىنىڭ باسىم بولىگىن «اتىراۋ مۇناي وڭدەۋ زاۋىتى» جۇزەگە اسىرادى. جاڭا كەشەن وبلىس ورتالىعىنىڭ سول جاق بولىگىنىڭ كارىز سۋىن تازارتادى. بولاشاقتا وڭ جاعالاۋدان دا وسىنداي كەشەن بوي كوتەرەدى، قازىر وسى ماقساتتا جوبالاۋ جۇمىستارى ءجۇرىپ جاتىر. «بۇل قورشاعان ورتانى قورعاۋعا، اۋا تازا­لىعىن ساقتاۋعا وڭ ىقپال ەتەدى»، دەيدى ءوڭىردىڭ باس ەكولوگى. 1978 جىلى سالىنىپ، سودان بەرى بىردە ءبىر رەت كۇردەلى جوندەۋ جۇرگىزىلمەي، ابدەن توزىعى جەتىپ تۇرعان «ساسىقسايدىڭ» داۋرەنى وسىمەن اياقتالادى.

جىل باسىنان بەرى قالا اۋماعىندا ورنا­لاسقان نكوك كومپانياسىنىڭ ستانسالارىنان جانە اتىراۋ مۇناي وڭدەۋ زاۋىتىنىڭ سا­نيتارلىق-قورعانىس اۋماعىنان اۋانى لاس­تاۋعا قاتىستى 514 دەرەك تىركەلگەن. «اسى­رەسە «ساسىقسايدىڭ» جانىنداعى «ۆەست ويل» ستان­­­ساسىندا اتموسفەرالىق اۋانىڭ وتە كوپ لاس­تانعانى انىقتالدى. ساراپتاما جۇمىس­­تارىنىڭ ناتيجەسىندە لاستانۋ كوزى كارىز سۋلارى قۇيىلاتىن بۋلانۋ الاڭى ەكەنى انىق­تالدى»، دەيدى اباي سافين.

«قازگيدرومەتتىڭ» مونيتورينگتىك باقى­لاۋى ناتيجەسىندە جاسالعان اۋاسى ەڭ لاس قالالار ءتىزىمىن بيىلعى ءبىرىنشى جارتى­جىلدىقتا اقتوبە باستاپ، قاراعاندى، نۇر-سۇلتان قالالارىنان كەيىن اتىراۋ جالعاس­تىرعان. مۇنايلى ايماقتا ءبىرىنشى ساناتتاعى قاۋىپتى كاسىپورىندار سانى 147-گە جەتتى. بۇل قورشاعان ورتانى قورعاۋ شارالارىن ءالى دە جەتىلدىرە ءتۇسۋ كەرەكتىگىن كورسەتەدى. ال كەلەر جىلدان باستاپ ىسكە قوسىلاتىن جاڭا كارىز سۋىن تازارتۋ جۇيەسى اتىراۋدىڭ لاس اۋاسىن تازارتادى دەگەن ءۇمىت بار.

 

اتىراۋ

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار