قازاقستان رەسپۋبليكاسى پرەزيدەنتىنىڭ جارلىعى № 555
سەنبى, 27 ءساۋىر 2013 1:53
قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى
قازاقستان رەسپۋبليكاسى كونستيتۋتسياسىنىڭ 87-بابى 4-تارماعىنا, «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قازاقستان رەسپۋبليكاسى زاڭىنىڭ 32 جانە 36-باپتارىنا, «قازاقستان رەسپۋبليكاسىنداعى جەرگىلىكتى ءوزىن-ءوزى باسقارۋدى دامىتۋ تۇجىرىمداماسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2012 جىلعى 28 قاراشاداعى № 438 جارلىعىنا سايكەس قاۋلى ەتەمىن:
1. قوسا بەرىلىپ وتىرعان قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن قىزمەتكە سايلاۋ, وكىلەتتىگىن توقتاتۋ جانە قىزمەتتەن بوساتۋ قاعيدالارى بەكىتىلسىن.
سەنبى, 27 ءساۋىر 2013 1:53
قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋدىڭ كەيبىر ماسەلەلەرى تۋرالى
قازاقستان رەسپۋبليكاسى كونستيتۋتسياسىنىڭ 87-بابى 4-تارماعىنا, «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قازاقستان رەسپۋبليكاسى زاڭىنىڭ 32 جانە 36-باپتارىنا, «قازاقستان رەسپۋبليكاسىنداعى جەرگىلىكتى ءوزىن-ءوزى باسقارۋدى دامىتۋ تۇجىرىمداماسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2012 جىلعى 28 قاراشاداعى № 438 جارلىعىنا سايكەس قاۋلى ەتەمىن:
1. قوسا بەرىلىپ وتىرعان قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن قىزمەتكە سايلاۋ, وكىلەتتىگىن توقتاتۋ جانە قىزمەتتەن بوساتۋ قاعيدالارى بەكىتىلسىن.
2. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرى قوسا بەرىلىپ وتىرعان قاعيدالاردا بەلگىلەنگەن تارتىپپەن قىزمەتكە سايلانادى, وكىلەتتىگىن توقتاتادى جانە قىزمەتىنەن بوساتىلادى دەپ بەلگىلەنسىن.
3. قازاقستان رەسپۋبليكاسى ورتالىق سايلاۋ كوميسسياسى:
1) وبلىس اكىمدەرىمەن بىرلەسىپ, وسى جارلىقتا كوزدەلگەن قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋى وتكىزىلەتىن اكىمشىلىك-اۋماقتىق بىرلىكتەردىڭ سانى مەن تىزبەسىن ايقىنداسىن;
2) قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن ۇيىمداستىرۋ مەن وتكىزۋدى قامتاماسىز ەتسىن.
4. قازاقستان رەسپۋبليكاسىنىڭ ۇكىمەتى, وبلىس اكىمدەرى اتالعان سايلاۋدى ۇيىمداستىرۋشىلىق, ماتەريالدىق-تەحنيكالىق جانە قارجىلىق قامتاماسىز ەتۋ بويىنشا قاجەتتى شارالاردى قابىلداسىن.
5. «وبلىستىق, اۋداندىق ماڭىزى بار قالالار مەن وبلىستار اۋداندارىنىڭ, وبلىستىق ماڭىزى بار قالالارداعى اۋدانداردىڭ, رەسپۋبليكالىق ماڭىزى بار قالا مەن استاناداعى اۋدانداردىڭ, كەنتتەردىڭ, اۋىلداردىڭ (سەلولاردىڭ), اۋىلدىق (سەلولىق) وكرۋگتەردىڭ اكىمدەرىن قىزمەتكە تاعايىنداۋ, ولاردىڭ وكىلەتتىگىن توقتاتۋ جانە قىزمەتتەن بوساتۋ ءتارتىبى تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 19 مامىرداعى № 86 جارلىعىنا (قازاقستان رەسپۋبليكاسىنىڭ ءپۇاج-ى, 2011 ج., № 39, 472-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«وبلىستىق ماڭىزى بار قالالار مەن وبلىستار اۋداندارىنىڭ, وبلىستىق ماڭىزى بار قالالارداعى اۋدانداردىڭ, رەسپۋبليكالىق ماڭىزى بار قالا مەن استاناداعى اۋدانداردىڭ اكىمدەرىن قىزمەتكە تاعايىنداۋ, وكىلەتتىگىن توقتاتۋ جانە قىزمەتتەن بوساتۋ ءتارتىبى تۋرالى»;
1-تارماقتىڭ 4) تارماقشاسى الىپ تاستالسىن;
2-تارماق مىناداي رەداكتسيادا جازىلسىن:
«2. وسى جارلىقتىڭ 1-تارماعىندا كوزدەلگەن وكىلەتتىگىن توقتاتۋ جانە قىزمەتتەن بوساتۋ تارتىبىنەن باسقا, وبلىستىق ماڭىزى بار قالالار مەن وبلىستار اۋداندارىنىڭ, وبلىستىق ماڭىزى بار قالالارداعى اۋدانداردىڭ, رەسپۋبليكالىق ماڭىزى بار قالا مەن استاناداعى اۋدانداردىڭ اكىمدەرىن قازاقستان رەسپۋبليكاسىنىڭ پرەزيدەنتى ءوز ۇيعارۋى بويىنشا قىزمەتىنەن بوساتۋى مۇمكىن.».
6. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن. نازارباەۆ.
استانا, اقوردا, 2013 جىلعى 24 ءساۋىر
№ 555
قازاقستان رەسپۋبليكاسى پرەزيدەنتiنiڭ 2013 جىلعى 24 ساۋىردەگى № 555 جارلىعىمەن
بەكىتىلگەن
قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن قىزمەتكە سايلاۋ, وكىلەتتىگىن توقتاتۋ جانە قىزمەتتەن بوساتۋ
قاعيدالارى
1. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن قىزمەتكە سايلاۋ, وكىلەتتىگىن توقتاتۋ جانە قىزمەتتەن بوساتۋدىڭ وسى قاعيدالارىقازاقستان رەسپۋبليكاسىنىڭ كونستيتۋتسياسىنا جانە «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ ءجانە ءوزىن-ءوزى باسقارۋ تۋرالى» 2001 جىلعى 23 قاڭتارداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن ۇيىمداستىرۋ جانە وتكىزۋ, ولاردىڭ وكىلەتتىگىن توقتاتۋ جانە قىزمەتتەن بوساتۋ ءتارتىبىن ايقىندايدى.
1. جالپى ەرەجەلەر
2. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋى ءتيىستى اكىمشىلىك-اۋماقتىق بىرلىكتەردە جاناما سايلاۋ قۇقىعى نەگiزiندە جاسىرىن داۋىس بەرۋ ارقىلى وتكiزiلەدi.
3. جاناما سايلاۋ قۇقىعى اتالعان اكىمدەردى ءتيىستى اۋدان (قالا) ءماسليحاتتارىنىڭ دەپۋتاتتارى بولىپ تابىلاتىن قازاقستان رەسپۋبليكاسىنىڭ ازاماتتارى-تاڭداۋشىلار سايلايتىنىن بىلدىرەدى.
4. سايلاۋدى وتكىزۋ كەزىندە داۋىس بەرۋ تاڭداۋشىلاردىڭ ەرىك ءبىلدىرۋىن قانداي دا بولماسىن باقىلاۋ مۇمكىندىگىن بولدىرمايتىن, جاسىرىن بولىپ تابىلادى.
5. كانديداتتاردىڭ وسى قاعيدالاردا بەلگىلەنگەن شەكتە سايلاۋعا قاتىسۋعا تەڭ قۇقىقتارى بار.
6. قازاقستان رەسپۋبليكاسىنىڭ اۋداندىق ماڭىزى بار قالالارىنىڭ, اۋىلدىق وكرۋگتەرىنىڭ, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارىنىڭ اكىمدەرى ءتورت جىل مەرزىمگە سايلانادى.
2. سايلاۋ جۇيەسى
7. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن وتكىزۋ كەزىندە داۋىس بەرۋگە قاتىسقان تاڭداۋشىلار داۋىستارىنىڭ كوپشىلىك سانىن العان كانديدات سايلانعان بولىپ ەسەپتەلەدى.
8. اكىمدەردىڭ سايلاۋىنا ازىرلىكتى جانە ونى وتكىزۋدى ۇيىمداستىراتىن سايلاۋ ورگاندارى اۋداندىق (قالالىق) سايلاۋ كوميسسيالارى بولىپ تابىلادى.
9. اۋداندىق (قالالىق) سايلاۋ كوميسسياسى:
1) اكىمدەردىڭ سايلاۋىن وتكىزۋدى قامتاماسىز ەتەدى;
2) اكىمدىككە ۇسىنىلعان كانديداتتاردى, ولاردىڭ سەنىم بىلدىرگەن ادامدارىن تىركەيدى, ولارعا ءتيىستى كۋالىكتەر بەرەدى, وسى قاعيدالاردا كوزدەلگەن جاعدايلاردا ولاردى تىركەۋ تۋرالى شەشىمنىڭ كۇشىن جويادى;
3) داۋىس بەرۋگە ارنالعان بيۋللەتەندەردىڭ ماتىندەرىن بەكىتەدى جانە ولاردىڭ دايىندالۋىن ۇيىمداستىرادى;
4) داۋىس بەرۋ پۋنكتىن دايىندايدى, داۋىس بەرۋگە ارنالعان كابينالار مەن جاشىكتەردىڭ جاسالۋىن قامتاماسىز ەتەدى;
5) اكىمنىڭ سايلاۋىنداعى داۋىس بەرۋ ناتيجەلەرىن انىقتايدى, سايلانعان اكىمدى تىركەيدى, سايلاۋ ناتيجەلەرى تۋرالى حاتتامانى اۋدان (قالا) اكىمىنە جىبەرەدى;
6) قايتا سايلاۋ وتكىزەدى;
7) «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنا جانە وسى قاعيدالارعا سايكەس باسقا دا وكىلەتتىكتەردى جۇزەگە اسىرادى.
10. اۋداندىق (قالالىق) سايلاۋ كوميسسياسىنىڭ شەشىمدەرى مەن ءىس-ارەكەتتەرىنە (ارەكەتسىزدىگىنە) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جوعارى تۇرعان سايلاۋ كوميسسياسىنا نەمەسە سوتقا شاعىم جاسالادى.
3. اكىمدىككە كانديداتتاردى ۇسىنۋ جانە تىركەۋ
11. سايلاۋ كۇنى تۋرالى حاباردى اۋداندىق (قالالىق) سايلاۋ كوميسسياسى جەرگىلىكتى بۇقارالىق اقپارات قۇرالدارى ارقىلى ءتيىستى اكىمشىلىك-اۋماقتىق بىرلىك تۇرعىندارىنىڭ نازارىنا جەتكىزەدى.
12. 25 جاسقا تولعان, قازاقستان رەسپۋبليكاسى كونستيتۋتسياسىنىڭ 33-بابىنا سايكەس بەلسەندى سايلاۋ قۇقىعىنا يە, «مەملەكەتتىك قىزمەت تۋرالى» قازاقستان رەسپۋبليكاسىنىڭ زاڭىندا قويىلاتىن تالاپتارعا سايكەس كەلەتىن, جوعارى ءبىلىمى بار جانە ءتيىستى وبلىستىڭ اۋماعىندا تۇراتىن قازاقستان رەسپۋبليكاسىنىڭ ازاماتتارى اكىمدىككە كانديداتتار بولا الادى.
13. اكىمدىككە كانديداتتار ۇسىنۋدى اۋدان (قالا) اكىمى جەرگىلىكتى قوعامداستىقپەن كونسۋلتاتسيالاردان كەيىن بالاما نەگىزدە (ياعني اكىم لاۋازىمىنا كەمىندە ەكى كانديدات) جۇزەگە اسىرادى.
14. اكىمدىككە كانديداتتاردى ۇسىنۋ اۋداندىق (قالالىق) سايلاۋ كوميسسياسىنا اۋدان (قالا) اكىمىنىڭ ۇسىنىمىن جانە كانديداتتاردىڭ ءتيىستى اكىمشىلىك-اۋماقتىق بىرلىكتىڭ اۋماعىندا اكىمدىككە كانديدات رەتىندە داۋىسقا تۇسۋگە كەلىسىمى تۋرالى وتىنىشتەرىن بەرۋ ارقىلى جۇرگىزىلەدى.
15. كانديداتتاردى ۇسىنۋ سايلاۋ كۇنىنە وتىز كۇن قالعاندا باستالادى جانە جيىرما بەس كۇن قالعاندا اياقتالادى.
16. ەگەر كانديداتتاردىڭ بارلىعى تىركەلگەنگە دەيىن ءوز كانديداتۋرالارىن الىپ تاستاعان نەمەسە كانديداتتاردى تىركەۋ مەرزىمى اياقتالاتىن كۇنگە اكىمدىككە ەكى كانديداتتان كەم تىركەلگەن جاعدايدا, اۋداندىق (قالالىق) سايلاۋ كوميسسياسى كانديداتتاردى ۇسىنۋ مەن تىركەۋ مەرزىمىن ۇزارتادى, بىراق ول ون كۇننەن اسپاۋعا ءتيىس.
17. اۋداندىق (قالالىق) سايلاۋ كوميسسياسى كانديداتتىڭ قويىلاتىن تالاپتارعا سايكەستىگىن انىقتايدى, ول تۋرالى ءتيىستى حاتتاما جاسايدى.
18. كانديدات پەن ونىڭ زايىبى (جۇبايى) تىركەۋگە دەيىن, تۇرعىلىقتى جەرi بويىنشا سالىق ورگاندارىنا ۇسىنۋ مەرزىمى باستالاتىن ايدىڭ ءبiرiنشى كۇنىنە تابىسى مەن مۇلكى تۋرالى دەكلاراتسيالاردى تاپسىرادى.
19. كانديدات پەن ونىڭ زايىبى (جۇبايى) جاريالاعان تابىسى مەن مۇلكى تۋرالى مالىمەتتەردىڭ دۇرىستىعىن سالىق قىزمەتى ورگاندارى دەكلاراتسيالاردى العان كۇننەن باستاپ جەتى كۇننىڭ ىشىندە تەكسەرەدى.
بۇل رەتتە كانديدات پەن ونىڭ زايىبىنىڭ (جۇبايىنىڭ) تابىسى مەن مۇلكى تۋرالى مالىمەتتەردى ۇسىنۋ تۋرالى سالىق قىزمەتى ورگاندارىنىڭ تالابىن العان ۇيىمدار ونى العان كۇننەن باستاپ ءتورت كۇننىڭ ىشىندە سۇراتىلىپ وتىرعان اقپاراتتى ۇسىنادى.
اۋداندىق (قالالىق) سايلاۋ كوميسسياسىنىڭ كانديداتتار تۋرالى مالىمەتتەردى ۇسىنۋ تۋرالى تالابىن العان وزگە مەملەكەتتىك ورگاندار ونى العان كۇننەن باستاپ ەكى كۇننىڭ ىشىندە سۇراتىلىپ وتىرعان اقپاراتتى ۇسىنادى.
20. كانديداتتاردى تىركەۋ مىناداي قۇجاتتار بولعان كەزدە جۇزەگە اسىرىلادى:
1) اۋدان (قالا) اكىمىنىڭ قازاقستان رەسپۋبليكاسىنىڭ اۋداندىق ماڭىزى بار قالاسى, اۋىلدىق وكرۋگى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمى لاۋازىمىنا ءتيىستى كانديداتتاردى ۇسىنۋ تۋرالى ۇسىنىمى;
2) اكىمدىككە كانديدات رەتىندە داۋىسقا تۇسۋگە كەلىسەتىنى تۋرالى ءوتىنىشى;
3) اكىمدىككە كانديدات تۋرالى ومىرباياندىق دەرەكتەر;
4) كانديداتتىڭ جەكە باسىن كۋالاندىراتىن قۇجاتتىڭ كوشىرمەسى;
5) كانديدات پەن ونىڭ زايىبىنىڭ (جۇبايىنىڭ) تابىسى مەن مۇلكى تۋرالى دەكلاراتسيالاردى تاپسىرعانى تۋرالى سالىق ورگانىنىڭ انىقتاماسى.
21. كانديداتتاردى تىركەۋ تۋرالى اۋداندىق (قالالىق) سايلاۋ كوميسسياسى حاتتاما جاسايدى.
22. اۋداندىق (قالالىق) سايلاۋ كوميسسياسى:
1) كانديداتتاردى تiركەۋ اياقتالعاننان كەيiن جەتىنشى كۇننەن كەشiكتiرمەي, جەرگىلىكتى بۇقارالىق اقپارات قۇرالدارى ارقىلى نەمەسە ءوزگە تاسىلمەن, ءاربiر كانديداتتىڭ تەگiن, اتىن, اكەسiنiڭ اتىن, تۋعان جىلىن, اتقاراتىن لاۋازىمىن, جۇمىس (كاسىبىنىڭ) ورنى مەن تۇرعىلىقتى جەرiن, كانديداتتىڭ قالاۋىنا قاراي ونىڭ ساياسي پارتياعا قاتىستىلىعى مەن قاي ۇلتقا جاتاتىنى تۋرالى ءمالiمەتتەردi كورسەتە وتىرىپ, ولاردىڭ تىركەلگەنى تۋرالى حابارلايدى;
2) تiركەۋ كەزىندە كانديداتتارعا تيiستi كۋالiك بەرەدi;
3) مىناداي جاعدايلاردا:
كانديداتتى ۇسىنۋ قاعيدالارى بۇزىلعان;
كانديدات لاۋازىمدىق نەمەسە قىزمەت جاعدايىنىڭ ارتىقشىلىقتارىن پايدالانعان;
كانديداتتىڭ سايلاۋ الدىنداعى ۇگىت جۇرگىزۋ باستالعانعا دەيىن سايلاۋ الدىنداعى ۇگiتتى جۇرگiزۋ فاكتىلەرى انىقتالعان;
سوت تاڭداۋشىلاردى ساتىپ الۋ فاكتiلەرiن انىقتاعان;
قازاقستان رەسپۋبليكاسىنىڭ سىبايلاس جەمقورلىققا قارسى كۇرەس تۋرالى زاڭناماسىنا سايكەس كانديداتتىڭ جانە ونىڭ زايىبىنىڭ (جۇبايىنىڭ) دەكلاراتسيانى تاپسىرۋ كەزىنە دەكلاراتسيادا كورسەتكەن تابىسى مەن مۇلكى تۋرالى مالiمەتتەردiڭ دۇرىس ەمەستiگi انىقتالعان;
وسى قاعيدالاردا كوزدەلگەن وزگە دە تالاپتار ساقتالماعان جاعدايدا, كانديداتتى تiركەۋدەن باس تارتادى نەمەسە تiركەۋ تۋرالى شەشiمنىڭ كۇشiن جويادى.
23. كانديداتتى تىركەۋدەن باس تارتۋعا نەمەسە ونى تiركەۋدiڭ كۇشىن جويۋعا قاتىستى كانديدات ءۇش كۇن مەرزىمدە جوعارى تۇرعان اۋماقتىق سايلاۋ كوميسسياسىنا نەمەسە سوتقا شاعىم جاساي الادى.
24. كانديداتتاردى تىركەۋ داۋىس بەرۋ كۇنىنە ون بەس كۇن قالعاندا اياقتالادى.
25. كانديدات تىركەلگەنگە دەيىنگى كەزەڭدە جانە داۋىس بەرۋگە ەكى كۇن قالعاندا اۋداندىق (قالالىق) سايلاۋ كوميسسياسىنا بۇل تۋرالى جازباشا ءوتiنiش بەرە وتىرىپ, ءوز كانديداتۋراسىن الىپ تاستاي الادى.
بۇل جاعدايلاردا ءتيىستى اۋداندىق (قالالىق) سايلاۋ كوميسسياسى كانديداتتى تiركەمەيدi نە كانديداتتى تiركەۋ تۋرالى شەشiمنiڭ كۇشiن جويادى جانە قابىلدانعان شەشىم تۋرالى اۋدان (قالا) اكىمىنە حابارلايدى.
26. تىركەۋ مەرزىمى اياقتالعاننان كەيىن كانديداتتاردىڭ بارلىعى شىعىپ قالعان جاعدايدا, سايلاۋ مەرزىمىن ۇزارتۋ تۋرالى ماسەلەنى اۋداندىق (قالالىق) سايلاۋ كوميسسياسى شەشەدى.
27. داۋىس بەرەتiن كۇنگە ەكى كۇن قالعاندا كانديداتتى تiركەۋ تۋرالى شەشiمنiڭ كۇشىن جويۋعا نەمەسە بۇعان دەيiن تiركەۋدەن شىعارىلعان كانديداتتى قالپىنا كەلتىرۋگە جول بەرىلمەيدi.
4. سايلاۋ الدىنداعى ۇگىت جانە سايلاۋدى قارجىلاندىرۋ
28. سايلاۋ الدىنداعى ۇگiت وسى قاعيدالاردىڭ 24-تارماعىنا سايكەس تiركەۋ اياقتالعان كۇننەن باستالادى جانە سايلاۋ بولاتىن كۇننىڭ الدىنداعى كۇنگi جەرگىلiكتi ۋاقىت بويىنشا ءنول ساعاتتا اياقتالادى.
29. سايلاۋ الدىنداعى ۇگiت:
1) قازاقستان رەسپۋبليكاسىنىڭ زاڭناماسىنا سايكەس سايلاۋ الدىنداعى جاريا iس-شارالاردى (سايلاۋ الدىنداعى جينالىستاردى جانە تاڭداۋشىلارمەن كەزدەسۋلەردi) وتكiزۋ جولىمەن;
2) باسپا جانە وزگە دە ۇگiت ماتەريالدارىن شىعارۋ جانە (نەمەسە) تاراتۋ جولىمەن جۇزەگە اسىرىلادى.
30. مەملەكەتتiك ورگاندارعا, سونداي-اق قىزمەتتىك مiندەتتەرiن ورىنداۋ كەزىندە ولاردىڭ لاۋازىمدى ادامدارىنا, سايلاۋ كوميسسيالارىنىڭ مۇشەلەرىنە, ءدىني بىرلەستىكتەرگە سايلاۋ الدىنداعى ۇگىتتى جۇرگىزۋگە, كەز كەلگەن سايلاۋ الدىنداعى ۇگiت ماتەريالدارىن تاراتۋعا تىيىم سالىنادى.
سايلاۋ ناۋقانى ءۇشiن ارنايى ازiرلەنگەن باسپا ماتەريالدارىن, ونىڭ iشiندە بەزەندiرiلگەن ماتەريالداردى, سونداي-اق ومىراۋعا تاعاتىن بەلگiلەردi, جالاۋلار مەن جالاۋشالاردى تەگiن تاراتۋدى قوسپاعاندا, تاڭداۋشىلارعا تەگiن تاۋارلار, باعالى قاعازدار بەرىپ, قىزمەتتەر كورسەتۋ, سونداي-اق اقشا تولەۋ ارقىلى سايلاۋ الدىنداعى ۇگiتتi جۇرگiزۋگە تىيىم سالىنادى.
31. كانديداتتار ۇگىت جۇرگىزۋگە جانە ءوزىنىڭ سايلاۋ الدىنداعى باعدارلاماسىن ناسيحاتتاۋعا قۇقىلى.
32. كانديداتتاردىڭ وزدەرiنە سايلاۋ ناۋقانىن جۇرگiزۋگە كومەكتەسەتiن, سايلاۋ الدىنداعى ۇگiتتi جۇرگىزەتىن, مەملەكەتتىك ورگاندارمەن جانە باسقا دا ۇيىمدارمەن, قوعامدىق بىرلەستىكتەرمەن, سايلاۋ كوميسسيالارىمەن قارىم-قاتىناستا كانديداتتاردىڭ مۇددەلەرiن بىلدىرەتىن, سانى بەسەۋدەن اسپايتىن سەنiم بiلدiرگەن ادامدارى بولۋىنا قۇقىلى.
33. كانديداتتار سەنiم بiلدiرگەن ادامدارىن ءوز قالاۋى بويىنشا ايقىندايدى جانە تiركەۋ ءۇشiن اۋداندىق (قالالىق) سايلاۋ كوميسسياسىنا ولار تۋرالى حابارلايدى.
34. اۋداندىق (قالالىق) سايلاۋ كوميسسياسى سەنىم بىلدىرگەن ادامداردى تىركەگەننەن كەيىن ولارعا ءتيىستى كۋالىكتەر بەرەدى.
35. سەنiم بىلدiرگەن ادام قازاقستان رەسپۋبليكاسىنىڭ ازاماتى بولۋعا تيiس, ول ءماسليحات دەپۋتاتى, قانداي دا بiر سايلاۋ كوميسسياسىنىڭ مۇشەسi, مەملەكەتتiك ساياسي قىزمەتشi لاۋازىمىنداعى ادام بولماۋعا تيiس.
36. سەنiم بىلدiرگەن ادامدار وزدەرىنە كانديدات بەرگەن وكىلەتتىكتەر شەگىندە ارەكەت ەتەدى.
37. سەنىم بىلدiرگەن ادامدار سايلاۋ ناۋقانى اياقتالعاننان كەيiن نەمەسە ءوز ۇيعارىمىمەن نە كانديداتتىڭ شەشiمiمەن ءوز مارتەبەسiنەن ايىرىلادى.
38. سايلاۋ بولاتىن كۇنi جانە ونىڭ قارساڭىنداعى كۇنi كەز كەلگەن سايلاۋ الدىنداعى ۇگiتكە تىيىم سالىنادى.
39. داۋىس بەرۋ پۋنكتتەرىنەن تىس جەرلەردە بۇرىننان ءىلۋلi تۇرعان باسپا ۇگiت ماتەريالدارىن سول ورىندارىندا قالدىرۋعا بولادى.
40. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋى قازاقستان رەسپۋبليكاسىنىڭ زاڭناماسىنا ءسايكەس قارجىلاندىرىلادى. بيۋدجەت قاراجاتىن جۇمساۋدى اۋماقتىق سايلاۋ كوميسسيالارى جۇزەگە اسىرادى.
مەملەكەتتىك بيۋدجەت قاراجاتىنان قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) سايلاۋ كوميسسيالارىن ۇيىمداستىرۋعا جانە قىزمەتىنە:
سايلاۋ كوميسسيالارىنىڭ بوساتىلعان مۇشەلەرىنىڭ جالاقىسى;
جالاقىعا ۇستەمەاقى;
تەحنيكالىق قامتاماسىز ەتۋ (كومپيۋتەرلەر, ۇيىمداستىرۋ تەحنيكاسىن ساتىپ الۋعا, جابدىقتاردى جالعا الۋ جانە جابدىقتارعا تەحنيكالىق قىزمەت كورسەتۋ, سونداي-اق داۋىس بەرۋگە ارنالعان قۇرال-جابدىقتاردى ساتىپ الۋ جانە جاساۋ);
كولىك شىعىستارى;
بۇقارالىق اقپارات قۇرالدارىندا جاريالاۋ;
بايلانىس قىزمەتتەرىنە, پوچتا-تەلەگراف شىعىستارى;
پوليگرافيالىق شىعىستار;
كەڭسە جانە شارۋاشىلىق تاۋارلارىن, ۇراندار, پلاكاتتار, مەملەكەتتىك رامىزدەر ءۇشىن ماتەريالدار ساتىپ الۋ;
2) ءۇي-جايلاردى جالعا الۋعا;
3) iسساپار شىعىستارىنا;
4) كانديداتتاردىڭ سايلاۋ الدىنداعى جاريا ءىس-شارالارىن وتكiزۋگە جانە كانديداتتاردىڭ ۇگiت باسپا ماتەريالدارىن شىعارۋعا;
5) كانديداتتاردىڭ كولىك شىعىستارىنا;
6) سايلاۋ كوميسسياسىنىڭ ءۇي-جايى مەن داۋىس بەرۋ پۋنكتىندە ورنالاستىرىلاتىن اكىمدىككە كانديداتتار تۋرالى اقپاراتتىق پلاكاتتاردى دايىنداۋعا ارنالعان شىعىستارى جابىلادى.
قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدىگىنە كانديداتتارعا سايلاۋدى ۇيىمداستىرۋ مەن وتكىزۋگە بولىنەتىن قاراجات مولشەرىن ءتيىستى وبلىستىق سايلاۋ كوميسسياسى ايقىندايدى.
41. اكىمدەردىڭ سايلاۋىندا كانديداتتاردىڭ سايلاۋ الدىنداعى ۇگىتى وسى قاعيدالاردا بەلگىلەنگەن تارتىپپەن قۇرىلاتىن سايلاۋ قورلارىنىڭ قاراجاتىنان قارجىلاندىرىلۋى مۇمكىن.
42. اكىمدىككە كانديداتتىڭ سايلاۋ قورى:
1) جالپى سوماسى زاڭنامامەن بەلگىلەنگەن ەڭ تومەنگi جالاقىنىڭ جيىرما بەس ەسە مولشەرiنەن اسپاۋعا تيiس كانديداتتىڭ جەكە قاراجاتىنان;
2) جالپى سوماسى زاڭنامامەن بەلگىلەنگەن ەڭ تومەنگى جالاقىنىڭ ەلۋ ەسە مولشەرiنەن اسپاۋعا تيiس قازاقستان رەسپۋبليكاسى ازاماتتارى مەن ۇيىمدارىنىڭ ەرiكتi قايىرمالدىقتارىنان قۇرالادى.
43. سايلاۋ قورىن قۇرايتىن اقشا قاراجاتى ءتيىستى اۋداندىق (قالالىق) سايلاۋ كوميسسياسى بانك مەكەمەلەرiندە اشاتىن ارناۋلى ۋاقىتشا شوتقا تۇسiرiلەدi. اتالعان شوت بويىنشا كiرiس ەسەپتەلمەيدi جانە تولەنبەيدi. سايلاۋ قورىنىڭ قاراجاتىنا يەلiك ەتۋ قۇقىعى تەك كانديداتقا عانا تيەسىلى.
44. سايلاۋ قورىتىندىلارى انىقتالعاننان كەيىن بەس كۇننەن كەشىكتىرمەي, كانديدات ءوزىنىڭ سايلاۋ قورىنىڭ قاراجاتىن پايدالانعانى تۋرالى اۋداندىق (قالالىق) سايلاۋ كوميسسياسىنا ەسەپ ۇسىنۋعا مىندەتتى.
5. اكىمدەردى سايلاۋ
45. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ سايلاۋىن قازاقستان رەسپۋبليكاسىنىڭ ءتيىستى اۋداندىق (قالالىق) سايلاۋ كوميسسياسى اكىمنىڭ وكىلەتتىك مەرزىمىنىڭ اياقتالۋىنا كەمىندە قىرىق بەس كۇن قالعاندا تاعايىندايدى. اكىمنىڭ وكىلەتتىگى مەرزىمىنەن بۇرىن توقتاتىلعان جاعدايدا, وكىلەتتىگى مەرزىمىنەن بۇرىن توقتاتىلعان كۇننەن باستاپ ەكى اي ىشىندە سايلاۋ وتكىزىلەدى.
46. اكىمدەردىڭ سايلاۋىندا داۋىس بەرۋ جانە سايلاۋ قورىتىندىلارىن انىقتاۋ «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىندا بەلگىلەنگەن سايلاۋ راسىمدەرىنە سايكەس جۇزەگە اسىرىلادى.
47. اكىمدى سايلاۋ ءتيىستى اۋدان (قالا) ءماسليحاتى دەپۋتاتتارى-تاڭداۋشىلار وتىرىسىندا وتكىزىلەدى.
48. تاڭداۋشىلاردىڭ تىزىمدەرىن اۋداندىق (قالالىق) سايلاۋ كوميسسيالارى ءتيىستى ءماسليحات حاتشىسىنىڭ ۇسىنۋى بويىنشا جاسايدى جانە داۋىس بەرۋ پۋنكتىندە ىلەدى.
49. ەگەر تاڭداۋشىلاردىڭ وتىرىسىنا ءتيiستى اۋدان (قالا) ءماسليحاتى دەپۋتاتتارىنىڭ كەمىندە ۇشتەن ەكىسى قاتىسسا, ول زاڭدى بولادى.
50. تاڭداۋشىلاردىڭ وتىرىسىندا اۋداندىق (قالالىق) ءماسليحاتتىڭ حاتشىسى توراعالىق ەتۋشi بولىپ تابىلادى.
تاڭداۋشىلار وتىرىسىنىڭ وتكىزىلۋ فاكتىسىن كۋالاندىراتىن قۇجات ءماسليحات حاتشىسىنىڭ اۋداندىق (قالالىق) سايلاۋ كوميسسياسىنا ۇسىناتىن وتىرىس حاتتاماسى بولىپ تابىلادى.
51. تاڭداۋشىلاردىڭ وتىرىسىنا ءتيىستى اۋداندىق (قالالىق) سايلاۋ كوميسسياسىنىڭ توراعاسى مەن مۇشەلەرى قاتىسادى.
52. تاڭداۋشىلاردىڭ وتىرىسى وتكىزىلەتىن ءۇي-جايدا اۋداندىق (قالالىق) سايلاۋ كوميسسياسى اكىمدەردى سايلاۋ بويىنشا داۋىس بەرۋ پۋنكتىن ۇيىمداستىرادى.
53. اۋداندىق (قالالىق) سايلاۋ كوميسسياسى داۋىس بەرۋ ناتيجەلەرى بويىنشا سايلاۋ ناتيجەلەرى تۋرالى حاتتاما جاسايدى.
54. وتىرىس اۋداندىق (قالالىق) سايلاۋ كوميسسياسىنىڭ توراعاسى اكىمدەردى سايلاۋ بويىنشا داۋىس بەرۋ ناتيجەلەرىن جاريا ەتكەننەن كەيىن جابىلادى.
55. ەگەر سايلاۋ جارامسىز دەپ تانىلسا نە ەكى كانديدات داۋىسقا تۇسكەن كەزدە ولار سايلانباسا, اۋداندىق (قالالىق) سايلاۋ كوميسسياسى قايتا سايلاۋ وتكىزۋ تۋرالى شەشىم قابىلدايدى.
56. قايتا سايلاۋ باستاپقى سايلاۋدان كەيىن ەكى اي مەرزىمنەن كەشىكتىرىلمەي وتكىزىلەدى. قايتا سايلاۋ وتكىزۋ كەزىندە جۇزەگە اسىرىلۋى كوزدەلگەن سايلاۋ ءىس-شارالارى «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنا جانە وسى قاعيدالارعا سايكەس وتكىزىلەدى.
قايتا سايلاۋ وتكىزۋ تۋرالى جەرگىلىكتى بۇقارالىق اقپارات قۇرالدارىندا حابارلانادى.
6. اكىمدەردى تىركەۋ جانە
ولاردىڭ قىزمەتكە كىرىسۋى
57. اۋداندىق (قالالىق) سايلاۋ كوميسسياسى سايلاۋ وتكىزىلگەن كۇننەن باستاپ بەس كۇن مەرزىمدە سايلانعان اكىمدى تىركەيدى. اۋداندىق (قالالىق) سايلاۋ كوميسسياسىنىڭ سايلانعان اكىمدى تىركەۋ تۋرالى شەشىمى اۋدان (قالا) اكىمىنە جانە ءتيىستى ماسليحاتقا ۇسىنىلادى.
58. اكىم لاۋازىمىنا ورنالاسۋ ارنايى تەكسەرىستىڭ وڭ ناتيجەلەرىن العاننان كەيىن جۇزەگە اسىرىلادى. ارنايى تەكسەرىستىڭ ناتيجەلەرىن العانعا دەيىن تۇلعا اكىمنىڭ مىندەتتەرىن ۋاقىتشا اتقارادى.
59. اۋداندىق (قالالىق) سايلاۋ كوميسسياسى سايلاۋ قورىتىندىلارىن جانە سايلانعان اكىمنىڭ تىركەلگەنى تۋرالى حاباردى, ونىڭ تەگىن, اتىن, اكەسىنىڭ اتىن, تۋعان جىلىن, اتقاراتىن لاۋازىمىن, جۇمىس (كاسىبىنىڭ) ورنىن جانە تۇرعىلىقتى جەرىن, اكىمنىڭ قالاۋىنا قاراي ونىڭ ساياسي پارتياعا قاتىستىلىعى مەن قاي ۇلتقا جاتاتىنى تۋرالى مالiمەتتەردى كورسەتە وتىرىپ, جەرگىلىكتى بۇقارالىق اقپارات قۇرالدارىندا جاريالايدى.
60. اۋداندىق (قالالىق) سايلاۋ كوميسسياسى تاڭداۋشىلاردىڭ تىزىمدەرىن جاساۋ قاعيدالارى, داۋىس بەرۋ جانە داۋىستاردى ساناۋ, سايلاۋ قورىتىندىلارىن انىقتاۋ ءتارتىبى بۇزىلعان, وسى قاعيدالاردى باسقا دا بۇزۋشىلىقتار ورىن العان جاعدايدا, ەگەر بۇل ءىس-ارەكەتتەر تاڭداۋشىلاردىڭ ەرىك ءبىلدىرۋ ناتيجەلەرىن دۇرىس انىقتاۋعا مۇمكىندىك بەرمەيتىن بولسا, اكىمدەر سايلاۋىن جارامسىز دەپ تانۋى مۇمكىن.
7. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىنىڭ وكىلەتتىگىن توقتاتۋ جانە قىزمەتتەن بوساتۋ ءتارتىبى
61. قازاقستان رەسپۋبليكاسىنىڭ اۋداندىق ماڭىزى بار قالالارى, اۋىلدىق وكرۋگتەرى, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارى اكىمدەرىن اۋدانداردىڭ (قالالاردىڭ) اكىمدەرى وبلىس اكىمدەرىنىڭ كەلىسىمىمەن قىزمەتىنەن بوساتادى.
62. اۋدان (قالا) اكىمى قازاقستان رەسپۋبليكاسى اۋداندىق ماڭىزى بار قالاسىنىڭ, اۋىلدىق وكرۋگىنىڭ, اۋىلدىق وكرۋگتىڭ قۇرامىنا كىرمەيتىن كەنتى مەن اۋىلىنىڭ اكىمى وكىلەتتىگىنىڭ مەرزىمىنەن بۇرىن توقتاتىلعانى تۋرالى ونىڭ وكىلەتتىگى توقتاتىلعان كۇننەن باستاپ ءۇش كۇن مەرزىمدە ءتيىستى اۋداندىق (قالالىق) سايلاۋ كوميسسياسىنا حابارلايدى.
8. قورىتىندى ەرەجەلەر
63. وسى قاعيدالارمەن رەتتەلمەگەن ماسەلەلەر «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنا سايكەس جانە قازاقستان رەسپۋبليكاسى ورتالىق سايلاۋ كوميسسياسىنىڭ اكتىلەرىمەن شەشىلەدى.
64. قازاقستان رەسپۋبليكاسى اۋداندىق ماڭىزى بار قالالارىنىڭ, اۋىلدىق وكرۋگتەرىنىڭ, اۋىلدىق وكرۋگتىڭ قۇرامىنا كىرمەيتىن كەنتتەرى مەن اۋىلدارىنىڭ بۇرىن تاعايىندالعان اكىمدەرى جاڭادان سايلانعان اكىم تىركەلگەن كۇننەن باستاپ ءوز وكىلەتتىكتەرىن توقتاتادى.
