• 25 ءساۋىر, 2013

قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ بۇيرىعى № 497

292 رەت

كورسەتىلدى

9 مين

وقۋ ءۇشىن

Egemen Qazaqstan

قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ بۇيرىعى № 497

بەيسەنبى, 25 ءساۋىر 2013 0:42

2012 جىلعى 28 جەلتوقسان استانا قالاسى

تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتتەرىن جۇزەگە اسىرۋ قاعيدالارىن بەكىتۋ تۋرالى

«تەحنيكالىق رەتتەۋ تۋرالى» قازاقستان رەسپۋبليكاسىنىڭ 2004 جىلعى 9 قاراشاداعى زاڭىنىڭ 16-1 بابى 7-تارماعىنا سايكەس, بۇيىرامىن:

1. قوسا بەرىلىپ وتىرعان تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن انىقتاۋ جونىندەگى ساراپشى-اۋديتورلار قىزمەتتەرىن جۇزەگە اسىرۋ قاعيدالارى بەكىتىلسىن.

بەيسەنبى, 25 ءساۋىر 2013 0:42

2012 جىلعى 28 جەلتوقسان استانا قالاسى

2. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى تەحنيكالىق رەتتەۋ جانە مەترولوگيا كوميتەتى (ر.ا. ساتباەۆ) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە بۇقارالىق اقپارات قۇرالدارىندا رەسمي جاريالانۋىن زاڭنامادا بەلگىلەنگەن تارتىپتە قامتاماسىز ەتسىن.

3. «تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتتەرىن جۇزەگە اسىرۋ ەرەجەسىن بەكىتۋ تۋرالى» قازاقستان رەسپۋبليكاسى يندۋستريا جانە ساۋدا مينيسترلىگىنىڭ 2009 جىلعى 29 قازانداعى № 291 بۇيرىعىنىڭ كۇشى جويىلدى دەپ تانىلسىن (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە 2009 جىلعى 10 قاراشادا № 5849 بولىپ تىركەلگەن جانە 2010 جىلعى 18 اقپاندا № 25 «زاڭ گازەتىندە» جاريالانعان).

4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى يندۋستريا جانە جاڭا تەحنولوگيالار ۆيتسە-ءمينيسترى ق.ا. تۋلەۋشينگە جۇكتەلسىن.

5. وسى بۇيرىق ونىڭ العاش رەسمي جاريالانعان كۇنىنەن كۇنتىزبەلىك ون كۇننەن كەيىن قولدانىسقا ەنگىزىلەدى.

قازاقستان رەسپۋبليكاسى يندۋستريا جانە جاڭا تەحنولوگيالار

ءمينيسترىنىڭ مىندەتىن اتقارۋشى ا. راۋ.

قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ مىندەتىن اتقارۋشىسىنىڭ 2012 جىلعى 28 جەلتوقسانداعى №497 بۇيرىعىمەن بەكىتىلگەن

تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتتەرىن جۇزەگە اسىرۋ قاعيدالارى

1. جالپى ەرەجەلەر

1. وسى تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتتەرىن جۇزەگە اسىرۋ قاعيدالارى (بۇدان ءارى – قاعيدالار) «تەحنيكالىق رەتتەۋ تۋرالى» قازاقستان رەسپۋبليكاسىنىڭ 2004 جىلعى 9 قاراشاداعى زاڭىنا سايكەس ازىرلەندى.

2. قاعيدالار تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتتەرىنىڭ جانە ساراپتاما اكتiسiن جاساۋ جانە بەرۋ ءتارتىبىن ايقىندايدى.

3.وسى قاعيدالاردا مىناداي ۇعىمدار قولدانىلادى:

ءوتىنىش بەرۋشى – تاۋاردىڭ شىعۋ تەگى تۋرالى سەرتيفيكاتتى الۋعا مۇددەلى جەكە نەمەسە زاڭدى تۇلعا;

ساراپتاما ۇيىمى – شتاتىندا تاۋاردىڭ شىعۋ تەگىن ساراپتاۋ, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى جۇمىستاردى جۇزەگە اسىراتىن تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورى بار زاڭدى تۇلعا.

4. تاۋاردىڭ شىعۋ تەگىن ساراپتاۋعا, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋعا (بۇدان ءارi – ساراپتاۋ) مىنالار كiرەدi:

1) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7372 بولىپ تىركەلگەن قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترى مىندەتىن اتقارۋشىسىنىڭ 2011 جىلعى 2 جەلتوقسانداعى № 441 بۇيرىعىمەن بەكىتىلگەن تاۋاردىڭ شىعى تەگىن راستايتىن قۇجاتتار تىزبەسىندە (بۇدان ءارى – تىزبە) كورسەتىلگەن قۇجاتتار جانە قازاقستان رەسپۋبليكاسى ۇكىمەتىنىڭ 2009 جىلعى 22 قازانداعى № 1647 قاۋلىسىمەن بەكىتىلگەن تاۋار شىعارىلعان ەلدى انىقتاۋ, تاۋاردىڭ شىعۋ تەگى تۋرالى ساراپتاما اكتىسىن جاساۋ جانە بەرۋ ءارى تاۋاردىڭ شىعۋ تەگى تۋرالى سەرتيفيكاتتى راسىمدەۋ, كۋالاندىرۋ جانە بەرۋ جونىندەگى ەرەجەنىڭ (بۇدان ءارى – تاۋار شىعارىلعان ەلدى انىقتاۋ ەرەجەسى) 45-تارماعىندا كورسەتىلگەن قۇجاتتار ساراپتاماسى;

2) سىرتقى بەلگiلەر, تاڭبالاۋ بويىنشا تاۋاردى سايكەستەندiرۋ (اتاۋى, تۇرپاتى, ءتۇرi, وراماسى, كلاسى, دايىنداۋشى كاسiپورىن);

3) جەتكiلiكتi قايتا وڭدەۋ ولشەمiنiڭ سايكەستiگiن ايقىنداۋ جانە تاۋاردىڭ قوسىمشا قۇنىن ايقىنداۋ ماقساتىندا تاۋار شىعارۋدىڭ تەحنولوگيالىق پروتسەسiنiڭ ساراپتاماسى.

5. بiلiكتiلiك اتتەستاتىن العان جانە تاۋار شىعارىلعان ەلدi ايقىنداۋ جونiندەگi ساراپشى-اۋديتورلاردىڭ تiزiلiمiنە ەنگiزiلگەن ساراپشى-اۋديتور كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىنە ساراپتاما جۇرگىزەدى جانە ساراپتامالىق قورىتىندىعا قول قويادى.

6. ساراپشى-اۋديتور تاۋاردىڭ شىعۋ تەگىن راستايتىن قۇجاتتاردىڭ تولىق پاكەتىمەن ءوتىنىمدى ۇسىنۋ جانە تىركەۋ ساتىنەن باستاپ ەكى جۇمىس كۇنى ىشىندە تاۋاردىڭ ساراپتامانى جۇزەگە اسىرادى.

2. تاۋار شىعارىلعان ەلدى, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ جونىندەگى ساراپشى-اۋديتورلار قىزمەتىنىڭ ءتارتىبى

7. تاۋار شىعارىلعان ەلدى ايقىنداۋ, ساراپتاما اكتىسىن قۇراستىرۋ جانە بەرۋ قازاقستان رەسپۋبليكاسىنان ەكسپورتتالاتىن, كەرi ەكسپورتتالاتىن تاۋارلارعا جانە ىشكi اينالىمعا ارنالعان تاۋارلارعا جاسالادى.

8. قازاقستان رەسپۋبليكاسىنان ەكسپورتتالاتىن, كەرى ەكسپورتتالاتىن تاۋاردىڭ شىعارىلعان ەلىن ايقىنداۋ, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ ءۇشiن ساراپشى-اۋديتور, تاۋار:

1) تولىعىمەن قازاقستاندا شىعارىلعاندىعىن;

2) قازاقستان رەسپۋبليكاسى ۇكىمەتىنىڭ 2010 جىلعى 30 جەلتوقسانداڭى № 1478 قاۋلىسىمەن بەكىتىلگەن تاۋەلسىز مەملەكەتتەر دوستاستىعىندا تاۋارلاردىڭ شىعارىلعان ەلىن ايقىنداۋ ەرەجەسى تۋرالى كەلىسىمدە جانە ەۋروپالىق ەكونوميكالىق قوعامداستىقتىڭ № 2454/93 رەگلامەنتىندە كەلتىرىلگەن تاۋاردى جەتكىلىكتى دارەجەدە قايتا وڭدەۋ ولشەمدەرىن ەسكەرە وتىرىپ (بۇدان ءارى – تاۋارلاردى جەتكىلىكتى دارەجەدە قايتا وڭدەۋ ولشەمدەرىن ەسكەرە وتىرىپ, قازاقستاندا شىعارىلعان) قازاقستاندا شىعارىلعانى;

3) كەدەن وداعى;

4) شەتەلدە شىعارىلعاندىعىن بەلگiلەۋi تيiس.

9. قازاقستان رەسپۋبليكاسىنان ەكسپورتتالاتىن, كەرi ەكسپورتتالاتىن تاۋاردىڭ ساراپتاماسىمەن بايلانىستى جۇمىستاردى ساراپشى-اۋديتور تاۋاردىڭ شىعارىلعان ەلىن ايقىنداۋ ەرەجەسىنىڭ 2-قوسىمشاسىنا سايكەس نىسان بويىنشا ءوتىنىم نەگىزىندە شارتتىق جانە ءوتىنىش بەرۋشى تىزبەگە سايكەس ۇسىنعان قۇجاتتار پاكەتى نەگىزىندە جۇرگىزەدى.

10. ساراپتاما ناتيجەسi بويىنشا ساراپشى ۇيىم تاۋاردىڭ شىعارىلعان ەلىن ايقىنداۋ ەرەجەسىنىڭ 3-قوسىمشاسىنا سايكەس نىسان بويىنشا قازاقستان رەسپۋبليكاسىنان ەكسپورتتالاتىن, كەرi ەكسپورتتالاتىن تاۋاردىڭ شىعۋ تەگi تۋرالى ساراپتاما اكتiسiن ءوتiنiش بەرۋشiگە بەرەدi, وندا تاۋار:

1) تولىعىمەن قازاقستاندا شىعارىلعان;

2) جەتكىلىكتى قايتا وڭدەۋ ولشەمىن ەسكەرە وتىرىپ, قازاقستاندا شىعارىلعانى;

3) كەدەن وداعى;

4) شەتەلدە شىعارىلعانى كورسەتiلەدi.

11. ىشكى اينالىمعا ارنالعان تاۋاردىڭ شىعارىلعان ەلىن, كەدەن وداعى تاۋارىنىڭ نەمەسە شەتەل تاۋارىنىڭ مارتەبەسىن ايقىنداۋ ءۇشىن, تاۋار:

1) تولىعىمەن قازاقستاندا شىعارىلعان;

2) تاۋار شىعارىلعان ەلدى ايقىنداۋ ەرەجەسىندە بەلگىلەنگەن تاۋاردى جەتكiلiكتi قايتا وڭدەۋ ولشەمiن ەسكەرە وتىرىپ, قازاقستاندا شىعارىلعانى بەلگىلەنەدى.

12. ىشكى اينالىمعا ارنالعان تاۋار شىعارىلعان ەلدى ايقىنداۋ جونىندەگى ساراپتامامەن بايلانىستى جۇمىستاردى ساراپشى-اۋديتور تاۋار شىعارىلعان ەلدى ايقىنداۋ ەرەجەسىنىڭ 5-قوسىمشاسىنا سايكەس نىسان بويىنشا ءوتىنىم نەگىزىندە شارتتىق جانە 45-تارماقتا كورسەتىلگەن قۇجاتتار پاكەتى نەگiزىندە جۇرگىزەدى.

13. ساراپتاما ناتيجەسi بويىنشا ساراپشى ۇيىم تاۋار شىعارىلعان ەلدى ايقىنداۋ ەرەجەسىنىڭ 6-قوسىمشاسىنا سايكەس نىسان بويىنشا ىشكى اينالىمعا ارنالعان تاۋاردىڭ شىعۋ تەگى تۋرالى ساراپتاما اكتiسiن ءوتiنiش بەرۋشiگە بەرەدi, وندا تاۋار:

1) تولىعىمەن قازاقستاندا شىعارىلعانى;

2) تاۋار شىعارىلعان ەلدى ايقىنداۋ ەرەجەسىندە بەلگىلەنگەن تاۋاردى جەتكiلiكتi قايتا وڭدەۋ ولشەمدەرiن ەسكەرە وتىرىپ, قازاقستاندا شىعارىلعانى كورسەتiلەدi.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 28 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8311 بولىپ ەنگىزىلدى.