كەزدەسۋ بارىسىندا ەلباسى جاپونيا پارلامەنتتىك دوستىق ليگاسىنىڭ ەكى مەملەكەت اراسىنداعى ىنتىماقتاستىقتى نىعايتۋعا باعىتتالعان قىزمەتىنىڭ ناتيجەلەرىن اتاپ ءوتتى.
-پرەمەر-مينيستر سيندزو ابەنىڭ قازاقستانعا سوڭعى ساپارى كەزىندە ءبىز ستراتەگيالىق سەرىكتەستىگىمىزدى ەداۋىر نىعايتتىق. ءبىزدىڭ ەكونوميكالىق ىنتىماقتاستىقتا ءبىراز وزگەرىس بار. بۇل جولى ۇكىمەتتىڭ شاقىرۋىمەن يمپەراتور نارۋحيتونىڭ تاققا وتىرۋ راسىمىنە قاتىسۋ ءۇشىن كەلدىم, - دەدى قازاقستاننىڭ تۇڭعىش پرەزيدەنتى.
نۇرسۇلتان نازارباەۆ قازاقستان مەن جاپونيا حالىقتارىنىڭ وركەندەۋى جولىندا پارلامەنتارالىق بايلانىستاردى ودان ءارى دامىتۋدىڭ ەرەكشە ماڭىزدىلىعىن اتاپ ءوتتى.
ءوز كەزەگىندە تاكەو كاۆامۋرا تاۋەلسىزدىك جىلدارىندا تۇڭعىش پرەزيدەنتتىڭ باسشىلىعىمەن قول جەتكەن قازاقستاننىڭ ءوسۋ قارقىنىن وڭ باعالادى.
سونداي-اق جاپونيا پارلامەنتتىك دوستىق ليگاسىنىڭ توراعاسى قازاقستانعا جاساعان سوڭعى ساپارى جايلى جانە ساپار اياسىندا وتكىزىلگەن كەزدەسۋلەر تۋرالى ەگجەي-تەگجەيلى ايتىپ بەردى.
