23 قازان، 2019

تىكۇشاقتى قۇلاتپاي امان الىپ قالعان قوس ايەل دارىگەر

166 رەتكورسەتىلدى

وسىلايشا ويلارىندا ەشتەڭە جوق ولار كوكتە قۇلديلاپ ۇشىپ كەلە جاتقاندارىندا...

دارىگەر

دارىگەر 1

كەشە وسكەمەندىك ەكى دارىگەر – وبلىستىق اۋرۋحانانىڭ رەانيماتولوگى گالينا سەمەنوۆا مەن سانيتارلىق اۆياتسيا ءبولىمىنىڭ فەلدشەرى تاتيانا سەرگەەۆا سالتاناتتى جاعدايدا، ارىپتەستەرىنىڭ القاۋىمەن «توتەنشە جاعدايداعى ەرلىگى ءۇشىن» توسبەلگىسىمەن ماراپاتتالدى. بۇل تۋرالى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.  

كەلەڭسىز وقيعا وسىدان ءبىر جىل بۇرىن، ناقتىراق ايتساق، 2018 جىلى 15 قازاندا بولعان ەكەن. وبلىستىڭ سانيتارلىق اۆياتسيا ءبولىمىنىڭ ءموبيلدى بريگاداسى ريددەر قالاسىنان ادەتتەگى جۇمىستارىن اتقارۋ ءۇشىن وسكەمەنگە ۇشادى. باس سۇيەگى زاقىمدانعان ناۋقاستى تەز ارادا وبلىس ورتالىعىنا جەتكىزۋ كەرەك. وسىلايشا ويلارىندا ەشتەڭە جوق ولار كوكتە قۇلديلاپ ۇشىپ كەلە جاتقاندارىندا... ء«بىز تاتيانا ەكەۋمىز پاتسيەنتتىڭ جانىندا وتىرعانبىز. كەنەت تىكۇشاق شايقالىپ، پاتسيەنت جاتقان زەمبىل 45 گرادۋسقا اينالىپ كەتتى. پيلوتتار وتىراتىن جەردە دە جايسىز وقيعا ورىن العانىن سەزدىك. ايتقانىمىزداي، ەكىنشى پيلوتتىڭ قول-اياعى تارتىلىپ، كومانديردىڭ ۇستىنە قۇلاپ، تىكۇشاقتى باسقارۋ تەتىكتەرىن جاۋىپ تاستاپتى» دەپ ەسكە الادى ەسكە العىسى كەلمەيتىن سول ءساتتى وبلىستىق اۋرۋحانانىڭ رەانيماتولوگ-دارىگەرى گالينا سەمەنوۆا.

سودان نە كەرەك، قاراپ تۇراتىن ەمەس، گالينا مەن تاتيانا بار قايراتتارىن بويلارىنا جيىپ، تار كابيناعا كىرىپ، ەسىنەن تانعان ەكىنشى پيلوتتى الىپ شىعادى. نازىك جاندى بولسا دا، ەرگە ءتان ەرلىك كورسەتكەن قوس اق حالاتتىنىڭ باتىلدىعىنىڭ ناتيجەسىندە تىكۇشاق شۇعىل جاعدايدا ۆيننوە اۋىلىنىڭ جانىنا قونادى. ابىروي بولعاندا، ادام شىعىنىنا جول بەرىلمەيدى. ەكىنشى پيلوت وسكەمەندەگى ينسۋلت ورتالىعىنا، ريددەرلىك تۇرعىن وبلىستىق اۋرۋحانانىڭ نەيروحيرۋگيا بولىمىنە جەتكىزىلەدى. «قىزدار سىزدەرگە قالاي العىس ايتساق تا، قانداي قۇرمەت كورسەتسەك تە جاراسادى. بەس ادامدى امان الىپ قالدىڭىزدار. اپاتتىڭ الدىن الدىڭىزدار» دەيدى «قازاۋەقۇتقارۋ» اق وكىلى الەكساندر كۋزوۆنيكوۆ.

گالينا مەن تاتيانا جۇمىس بارىسىنداعى وسى جانقيارلىق ارەكەتتەرى ءۇشىن 2018 جىلى قازان ايىندا دەنساۋلىق ساقتاۋ مينيسترلىگى تاراپىنان ماراپاتتالعان ەكەن. الايدا ولاردىڭ تۋىستارى مەن جاقىن-جۋىقتارىن الاڭداماسىن، ۋايىمداماسىن دەگەن ويمەن سول كەزدە بۇل ءجايت حابارلانباعان ەكەن. «سانيتارلىق اۆياتسيا ەكيپاجى كۇن-ءتۇن دەمەي توقتاۋسىز جۇمىس ىستەيدى. قۇرعاق سانداردىڭ ار جاعىندا قانشاما ادامداردىڭ كوز جاسى، ۋايىم-قايعىسى، قۋانىشى مەن العىسى بار ەكەنىن وسى قىزمەتتەگى ادامدار عانا تۇسىنەتىن شىعار. سول قيىن ساتتە بىزگە قول ۇشىن سوزعان ۇشقىشتار مەن دارىگەرلەرگە مىڭ العىس. مىنە، ءبىزدىڭ جۇمىسىمىز وسىنداي» دەيدى سانيتارلىق اۆياتسيا ءبولىمىنىڭ فەلدشەرى تاتيانا سەرگەەۆا.

سۋرەتتەر وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن الىندى.

وسكەمەن   

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار