پارلامەنت • 23 قازان، 2019

داريعا نازارباەۆا ۆالەنتينا ماتۆيەنكومەن كەزدەستى

34 رەتكورسەتىلدى

پارلامەنت سەناتىنىڭ توراعاسى داريعا نازارباەۆا رەسەيگە جاساعان رەسمي ساپارىنىڭ اياسىندا رەسەي فەدەراتسياسى فەدەرالدىق جينالىسىنىڭ فەدەراتسيا كەڭەسىنىڭ توراعاسى ۆالەنتينا ماتۆيەنكومەن كەزدەستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

تاراپتار ەكىجاقتى ىنتىماقتاستىقتىڭ اۋقىمدى ماسەلەلەرىن، ونىڭ ىشىندە ەكى ەل پارلامەنتتەرىنىڭ بايلانىستارىن تالقىلادى.

سەنات باسشىسى قازاقستان مەن رەسەيدىڭ بۇرىننان كەلە جاتقان كوپقىرلى ءارى ەڭ جاقىن قارىم-قاتىناستارى وزگەرىسسىز قالا بەرەتىنىن اتاپ ءوتتى. وعان قازاقستاننىڭ تۇڭعىش پرەزيدەنتى – ەلباسى ن.نازارباەۆ پەن رەسەي پرەزيدەنتى ۆ. ءپۋتيننىڭ ءوزارا قارىم-قاتىناستارى ايتارلىقتاي ىقپال ەتتى.

داريعا نازارباەۆا اڭگىمە بارىسىندا شەكارا ماڭىنداعى ىنتىماقتاستىق ماسەلەلەرىنە ەرەكشە توقتالىپ، قازاقستان مەن رەسەي اراسىنداعى شەكاراداعى وتكىزۋ بەكەتتەرىنىڭ مارتەبەسىن ارتتىرۋ تۋرالى ماسەلەنى قاراستىرۋ جونىندە ۇسىنىس ايتتى. «شەكارا ايماقتارىندا تۇراتىن ادامداردىڭ مۇددەسىنە وراي شەكارادان ءوتۋ راسىمدەرىن بارىنشا وڭايلاتۋ كەرەك. بۇل الەۋمەتتىك-ەكونوميكالىق جانە مادەني الماسۋدىڭ دامۋىنا وڭ اسەر ەتەدى، ايماقتاعى شاعىن جانە ورتا بيزنەستىڭ وسۋىنە، ىقپالداستىق ۇدەرىستەردىڭ قارقىن الۋىنا سەرپىن بەرەدى»، - دەدى ول.

جوعارعى پالاتا باسشىسى قازاقستان مەن رەسەي ازاماتتارىنىڭ ەكى ەل اۋماعىندا ءجۇرىپ-تۇرۋ جانە بولۋ جاعدايلارى ماسەلەلەرىندە تەپە-تەڭدىكتىڭ جوقتىعىنا رەسەي تاراپىنىڭ نازارىن اۋداردى.

قازاقستان مەن رەسەي پارلامەنتتەرىنىڭ جوعارعى پالاتالارى باسشىلارى ەكولوگياداعى وزەكتى ماسەلەلەردى، سۋ پايدالانۋدى ءتيىمدى رەتتەۋ جانە ترانسشەكارالىق وزەندەر رەسۋرستارىن پايدالانۋدى دا تالقىلادى. «ترانسشەكارالىق جايىق وزەنىنىڭ پروبلەمالارى ءارتۇرلى دەڭگەيدە بىرنەشە رەت قارالدى، بىراق شارۋا ءبىر ورىننان ىلگەرىلەمەدى. مەملەكەتتىك ورگانداردىڭ وكىلدەرى، الپاۋىت تۇتىنۋشىلار، ۇكىمەتتىك ەمەس ۇيىمدار، سونداي-اق سۋ ۇنەمدەۋ جانە ترانسشەكارالىق وزەندەردىڭ پروبلەمالارىن زەرتتەۋمەن اينالىساتىن عىلىمي-زەرتتەۋ ينستيتۋتتارى قۇرامىنا كىرەتىن ءارى ءبىزدىڭ ەلدەرىمىزدىڭ بيۋدجەتىنەن قارجىلاندىرىلاتىن بىرلەسكەن كوميسسيا قۇرۋ زور پايدا اكەلەر ەدى. بۇل ماسەلەدە قولداۋ كورسەتۋدە فەدەراتسيا كەڭەسىنە ريزاشىلىعىمدى بىلدىرەمىن»، - دەدى داريعا نازارباەۆا.

ۆالەنتينا ماتۆيەنكو ءوز تاراپىنان رەسەي مەن قازاقستاننىڭ دوستىق جانە وداقتاستىق قاتىناستارى ەكى مەملەكەتتىڭ دامۋىندا ماڭىزدى ەكەنىن اتاپ ءوتتى.

«مۇنداي كەزدەسۋلەردە ءبىز پارلامەنتتىك باقىلاۋدى تالاپ ەتەتىن جانە جوعارى دەڭگەيدە قول جەتكەن ۋاعدالاستىقتاردىڭ رەسەي مەن قازاقستان ازاماتتارىنىڭ مۇددەسىنە وراي جۇزەگە اسۋىن قامتاماسىز ەتۋ ماسەلەلەرىن كوتەرەمىز»، - دەدى ۆالەنتينا ماتۆيەنكو.

فەدەراتسيا كەڭەسىنىڭ توراعاسى ەكىجاقتى قاتىناستاردىڭ ەكونوميكالىق جانە مادەني قۇرامداس بولىكتەرىن نىعايتۋدا، وڭىرارالىق بايلانىستاردى كەڭەيتۋدە ماڭىزدى ءرول اتقاراتىن قازاقستان مەن رەسەيدىڭ پارلامەنتارالىق بايلانىستارىن دامىتۋدىڭ ماڭىزدىلىعىن ەرەكشە اتاپ ءوتتى.

ۆالەنتينا ماتۆيەنكو 2022 جىلى رەسەيدە وتەتىن دىنارالىق جانە ەتنوسارالىق ديالوگ جونىندەگى دۇنيەجۇزىلىك كونفەرەنتسيانى دايىنداۋ جونىندە بىرلەسكەن جۇمىستاردى باستاۋدى ۇسىندى، سونداي-اق داريعا نازارباەۆانى 2021 جىلى وتەتىن ءۇشىنشى ەۋرازيالىق ايەلدەر فورۋمىنىڭ تەڭ توراعاسى بولۋعا شاقىردى.

كەزدەسۋ بارىسىندا رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ توراعاسى ۆالەنتينا ماتۆيەنكوعا I دارەجەلى «دوستىق» وردەنى تابىس ەتىلدى. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قازاقستان رەسپۋبليكاسى مەن رەسەي فەدەراتسياسى اراسىنداعى ەكى جاقتى قارىم-قاتىناستاردى نىعايتۋعا جانە دامىتۋعا قوسقان ۇلەسى ءۇشىن ماراپاتتاۋ تۋرالى جارلىققا قول قويعان بولاتىن.

سوڭعى جاڭالىقتار

ءباسپاسوز ءرولى – باستى ماسەلە

ادەبيەت • بۇگىن، 15:49

جاڭا ۇلگىدەگى كولىكتەر

قوعام • بۇگىن، 09:08

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار