قازاقستان • 23 قازان، 2019

التاي كولگىنوۆ ۇكىمەتتىك ەمەس ۇيىمدارمەن كەزدەستى

19 رەتكورسەتىلدى

ەلوردادا قيىن ومىرلىك جاعدايعا تاپ بولعان ادامدار مەن ەرەكشە قاجەتتىلىكتەرى بار ادامدارعا قانداي كومەك كورسەتىلىپ جاتقانىن، الەۋمەتتىك كاسىپكەرلىك پەن ەرىكتىلىك دامۋى جونىندە ۇكىمەتتىك ەمەس ۇيىمداردىڭ وكىلدەرى ايتىپ بەردى. ەلوردا اكىمى التاي كولگىنوۆ كەزدەسۋگە قاتىسقان بارلىق ۇكىمەتتىك ەمەس ۇيىمداردىڭ وكىلدەرىنىڭ ۇسىنىستارىن تىڭدادى. كەزدەسۋ «جانۇيا» وتباسى ينستيتۋتىن قولداۋ ورتالىعىندا ءوتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«قورعاۋ استانا» جەكە قورىنىڭ باسشىسى اننا رىل ۇيدە زورلىق-زومبىلىقتى باستان كەشكەن جانە ومىرلىك قيىن جاعدايعا تاپ بولعان ادامدار ءۇشىن پانانى كەڭەيتۋگە كومەك قاجەت ەكەنىن اتاپ ءوتتى. ءبىز تۇرعىندار تاپ بولعان ءاربىر وقيعاعا بار جاۋاپكەرشىلىكپەن قاراپ، اياعىنا دەيىن جۇمىستاناتىن كەيس رەتىندە قابىلدايمىز. ورتالىقتا ادامدار 6 ايعا دەيىن تۇرا الادى. ورتالىققا كەلۋشىلەرمەن پسيحولوگتار جۇمىستانادى.

«دوس» مۇگەدەكتەر قوعامدىق بىرلەستىگىنىڭ وكىلى ارداق وتارباەۆ جول-كولىك وقيعاسىنان كەيىن مۇگەدەكتەر ارباسىنا وتىرعان. الايدا بي جارىستارىندا ونەر كورسەتىپ، قوعامدا بەلسەندىلىك تانىتىپ جۇرگەن جانداردىڭ ءبىرى. قالا اكىمى التاي كولگىنوۆ بارلىق مۇگەدەك جانداردىڭ ءجۇرىپ-تۇرۋىنا كەدەرگىلەردى الىپ تاستاۋ قاجەتتىگىن، «قالا تۇرۋ ءۇشىن قولايلى بولۋى ءتيىس» دەپ اتاپ ءوتتى.

حالىقتىڭ الەۋمەتتىك ءالسىز توپتارى مەن ەرەكشە قاجەتتىلىكتەرى بار ادامداردى جۇمىسقا ورنالاستىرۋ شارالارى تۋرالى GreenTAL جەتەكشىسى ەمين اسكەروۆ ايتىپ بەردى. سونداي-اق كەڭەستە «28 پەتەل» كلۋبىنىڭ جۇمىسى تالقىلاندى. اتالمىش كلۋب شالا تۋعان بالالارعا كيىم-كەشەك تىگۋمەن اينالىسادى.

ەلوردا اكىمى التاي كولگىنوۆ قاتىسۋشىلارعا العىسىن ءبىلدىرىپ، بىرلەسە جۇمىستانۋعا شاقىردى. ءوز ۇسىنىستارىن ايتىپ جەتكىزدى. «مەن ءاربىر ءسوز سويلەۋشىدەن ناقتى ۇسىنىستار مەن جوبالاردى ەستىگەنىمە وتە قۋانىشتىمىن. ءبىز بىرگە جۇمىستانىپ، كوپتەگەن يگى ىستەردى بىرلەسە اتقارا الامىز. بيىل بەلسەندى ۇەۇ سانى وتكەن جىلمەن سالىستىرعاندا 2 ەسەگە ارتتى - 273-تەن 471-گە دەيىن. قوعام ءۇشىن پايدالى جوبالاردى ىلگەرىلەتەتىن ۇەۇ بار ەكەنى قۋانتادى. پرەزيدەنت 2020 جىلدى ەرىكتىلەر جىلى دەپ جاريالادى. پيك جۇمىستارىن جاقسارتۋ ءۇشىن بىرلەسىپ جۇمىس جاساۋدى ۇسىنامىن. ويتكەنى پيك-جەرگىلىكتى ءوزىن-ءوزى باسقارۋدى ۇيىمداستىرۋ. ماڭىزدى ناتيجەلەرگە قول جەتكىزە الامىز. سونداي - اق قالالىق قوعامدىق كەڭىستىكتى دامىتۋمەن بىرلەسە اينالىسا الامىز»، - دەدى قالا اكىمى ا. كولگىنوۆ.

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار