تاريحي شاھاردىڭ بولمىسىن تانۋ جانە كونە عاسىرلارعا ساياحاتتاۋ ماقساتىندا ۇيىمداستىرىلعان اتالعان شارانى «ەجەلگى تاراز ەسكەرتكىشتەرى» مەملەكەتتىك تاريحي-مادەني قورىق-مۋزەيىنىڭ ديرەكتورى نۇرلان بىقىباەۆ ءسوز سويلەپ اشىپ, «مۋزەي ءتۇنى» كەلۋشىلەرگە تەرەڭ تاريحتان تاعىلىم بەرۋدە ماڭىزى زور ەكەنىن ايتتى. سونىمەن قاتار جامبىل وبلىستىق قازاق دراما تەاترىنىڭ ديرەكتورى بولات بەكجانوۆ, وبلىستىق ارداگەرلەر كەڭەسىنىڭ مۇشەسى سايلاۋحان اشانوۆ, تۇركىستان وبلىسىنىڭ «ورداباسى» مەملەكەتتىك تاريحي-مادەني قورىق-مۋزەيىنىڭ قىزمەتكەرى باقىتبەك قاسىموۆ, الماتى وبلىسىنىڭ «تاڭبالى» مەملەكەتتىك تاريحي-مادەني قورىق-مۋزەيىنىڭ قىزمەتكەرى قۋانىش نۇرماقسۇتوۆتار مۇنداي ءىس-شارالاردىڭ, اسىرەسە جاس ۇرپاقتىڭ ۇلتتىق تاريحىمىزدى تەرەڭ تانىپ, وتانسۇيگىشتىك رۋحىنىڭ اسقاقتاۋىنا وزىندىك ۇلەسىن قوساتىنىن اتاپ ءوتتى. تارازدىڭ تەك قانا ءىرى ساۋدا ورتالىعى عانا ەمەس, كەزىندە سۇلۋلار مەن عاشىقتاردىڭ شاھارى بولعانى دا اڭگىمە ارقاۋىنا اينالدى.
«مۋزەي ءتۇنى» كوپشىلىككە كەرەمەت كوڭىل كۇي سىيلادى دەۋگە بولادى. كەلۋشىلەر ارنايى ۇيىمداستىرىلعان «كوپەستەر مەن قولونەرشىلەر قالاسىنىڭ» تاريحي اتموسفەراسىنا ءۇڭىلىپ, قاراحان مەن ايشا ءبيبى اڭىزىنىڭ تاريحىمەن دە كەڭىنەن تانىستى. سونىمەن قاتار مۋزەي كەڭىستىگىندە تاراز توپىراعىندا وتكەن تاريحي تۇلعالاردىڭ بەينەلەرى قايتا جانداندى. ال عاجايىپ الەمگە ساياحاتتاعىسى كەلگەن جاستار ءتۇرلى-ءتۇستى ينستاللياتسيا اياسىندا ەستەلىك فوتوعا ءتۇسىپ, ءبىر ءسات تاريح قويناۋىنا سۇڭگۋگە مۇمكىندىك الدى. «مۋزەي ءتۇنى» بارىسىندا بەلسەندى قاتىسۋشىلارعا ارنايى العىس حاتتار مەن باعالى سىيلىقتار تابىس ەتىلدى.
جامبىل وبلىسى
