قاجەت بولعان جاعدايدا قازاقستاندىقتار تىركەۋگە تۇرعان مەكەنجايلارىن egov.kz ەلەكتروندى ۇكىمەت پورتالى مەن eGov mobile قوسىمشاسىنداعى جەكە كابينەتى ارقىلى تەكسەرە الادى.
مەملەكەتتىك ورگاندارعا كەلەتىن بولساق, ولار بۇل مالىمەتتى ىشكى ىستەر مينيسترلىگىنىڭ دەرەكتەر بازاسىمەن ينتەگراتسيالانعان اقپاراتتىق جۇيەلەرى ارقىلى الاتىن بولادى.
«ازاماتتارعا ارنالعان ۇكىمەت» مەملەكەتتىك كورپوراتسياسى ساراپتاما جۇرگىزىپ, قازاقستاندىقتاردىڭ جىل سايىن ءارتۇرلى ۇيىمدارعا ۇسىنۋ ءۇشىن 20 ميلليوننان استام انىقتامانى باسىپ شىعاراتىنىن انىقتادى, ولاردىڭ جارتىسىنا جۋىعى – مەكەنجاي انىقتامالارى. وسىلايشا مەكەنجاي انىقتامالارىنىڭ كۇشى جويىلعان كەزدە ازاماتتاردىڭ حقو-عا كەلۋ سانى 10 ميلليون ەسە ازايادى.
ءبىر وتىنىشپەن الۋعا بولاتىن مەملەكەتتىك قىزمەتتەر سانى كوبەيەدى
«ازاماتتارعا ارنالعان ۇكىمەت» مەملەكەتتىك كورپوراتسياسى كومپوزيتتى تۇردە كورسەتىلەتىن قىزمەت تۇرلەرىن ارتتىرماق. بۇدان بىلاي قانداي دا ءبىر مەملەكەتتىك قىزمەتتى الۋ ءۇشىن تولتىرىلاتىن ءوتىنىش سانى ازايتىلاتىن بولادى.
2020 جىلى قىزمەت كورسەتۋ پروتسەسىن وڭتايلاندىرۋ ءۇشىن 55 ءتۇرلى مەملەكەتتىك قىزمەت 21 ءتۇرلى كومپوزيتتىك قىزمەتكە بىرىكتىرىلەدى دەپ جوسپارلانىپ وتىر.
«مۇنداي قىزمەتتەردىڭ ىشىندە جەر اكتىسىن الۋ قىزمەتى ۇلكەن سۇرانىسقا يە دەپ ويلايمىن. ماسەلەن, قازىر بۇل قىزمەتتى الۋ ءۇشىن 4 ءتۇرلى ءوتىنىش جازۋ كەرەك. 2020 جىلدان باستاپ, بۇل اكتىلەردىڭ بارلىعى بىرىكتىرىلىپ, «سايكەستەندىرۋ قۇجاتتارىن ازىرلەۋ جانە بەرۋ» سياقتى ءبىر قىزمەت ارقىلى قولجەتىمدى بولادى. بۇعان دەيىن ءبىز زەينەتكەرلىككە بايلانىستى تولەمدەردى تاعايىنداۋ بويىنشا بارلىق قىزمەتتى كومپوزيت قىزمەتىنە بىرىكتىرگەنبىز», دەيدى مك باسقارما ءتورايىمى ءا.بالتاشەۆا.
ايتا كەتەيىك, زەينەتكەرلىك تولەمدەردى ءبىر عانا وتىنىشپەن تاعايىنداۋعا مۇمكىندىك بەرەتىن قىزمەت ءبىر جىل بۇرىن ىسكە قوسىلعان, سودان بەرى كومپوزيتتى تۇردە 99,2 مىڭ زەينەتاقى تاعايىندالعان. بۇعان دەيىن زەينەت جاسىنا جەتكەن ازامات حقو-عا كەلىپ جاسىنا بايلانىستى جانە بازالىق زەينەتاقىنى تولەۋ بويىنشا 2 ءوتىنىش بەرەتىن, ءارى ءبىر ايدان كەيىن قايتادان مەملەكەتتىك كەپىل تولەم جاساۋ تۋرالى ءوتىنىش جازىپ, كەيىن بىرىڭعاي جيناقتاۋشى زەينەتاقى قورىنا بارىپ, تاعى ءبىر ءوتىنىش تولتىراتىن. ەندى وسى 4 قىزمەت ءۇشىن حقو-عا ءبىر-اق رەت بارىپ, ءبىر عانا ءوتىنىش جازۋ جەتكىلىكتى.
ازاماتتارعا ارنالعان ۇكىمەت جوعارى سۇرانىسقا يە انىقتامالاردىڭ بەستىگىن جاريالادى
كورپوراتسيانىڭ باسقارما ءتورايىمى اسەمگۇل بالتاشەۆا فەيسبۋكتەگى پاراقشاسىندا قازاقستانداعى حقو ارقىلى بەرىلەتىن جوعارى سۇرانىسقا يە 5 انىقتاما ءتۇرىن جاريالادى. بۇل بەستىككە مەكەنجاي انىقتاماسى, جىلجىمايتىن م ۇلىكتىڭ بولماۋى (بولۋى) تۋرالى, جىلجىمايتىن م ۇلىككە تىركەلگەن قۇقىقتار (اۋىرتپالىقتار) جانە ونىڭ تەحنيكالىق سيپاتتامالارى تۋرالى, بجزق سالىمشىسى قاراجاتىنىڭ ءتۇسۋى جانە قوزعالىسى تۋرالى اقپارات جانە سوتتىلىقتىڭ بولۋى نەمەسە بولماۋى تۋرالى سياقتى انىقتامالار ەنگەن.
تالداۋ بارىسىندا بيىلعى جىلدىڭ 8 ايىندا قازاقستاندىقتار حقو-دان 4,5 ملن مەكەنجاي انىقتاماسىن, جىلجىمايتىن م ۇلىكتىڭ بار/جوق ەكەندىگى تۋرالى ميلليونعا جۋىق انىقتامانى جانە جىلجىمايتىن م ۇلىككە تىركەلگەن قۇقىقتار (اۋىرتپالىقتار) جانە ونىڭ تەحنيكالىق سيپاتتامالارى تۋرالى 700 مىڭنان استام انىقتامانى سۇراتقانى انىقتالعان.
«بۇل ەلەكتروندى ۇكىمەت پورتالى جانە تەلەگرامم-بوت ارقىلى ءوز بەتىنشە الىنعان انىقتامالاردى ەسەپكە الماعانداعى, قازاقستاندىقتاردىڭ حقو-عا كەلىپ العان انىقتامالارىنىڭ كورسەتكىشى», دەپ ناقتىلادى اسەمگۇل بالتاشەۆا.
ەستەرىڭىزگە سالا كەتەيىك, 1 قاراشادان باستاپ قازاقستاندا مەكەنجاي انىقتاماسىن بەرۋ مەملەكەتتىك قىزمەت رەتىندە قىسقارتىلادى, ياعني ەندى ازاماتتار ءوزىنىڭ تىركەلگەن ورنىن تەك egov.kz ەلەكتروندى ۇكىمەت پورتالىنداعى جەكە كابينەتتەن تەكسەرە الادى.
سونىمەن قاتار «ازاماتتارعا ارنالعان ۇكىمەت» مەملەكەتتىك كورپوراتسياسى ۆەدومستۆوارالىق كوميسسيانىڭ قاراۋىنا تاعى 28 انىقتامانى مەملەكەتتىك قىزمەت تىزىلىمىنەن الىپ تاستاۋدى ۇسىندى.
اينۇر جاقانوۆا,
«ازاماتتارعا ارنالعان ۇكىمەت» مك نۇر-سۇلتان قالاسى فيليالى PR مەنەدجەرى
