جوشى حانعا ەسكەرتكىش ورناتىلادى

التىن وردانىڭ 750 جىل­دى­عىن اتاپ وتۋگە جانە وعان دا­يىن­دالۋعا قاتىستى ءسىزدىڭ دە­پۋتات­تىق ساۋالىڭىزدى قاراس­تىرىپ، كەلەسىنى حابارلايمىن.

قازىرگى ۋاقىتتا مادەنيەت جانە سپورت مينيسترلىگى التىن وردانىڭ 750 جىلدىعىن اتاپ ءوتۋ جونىندەگى ءىس-شارالار جوس­پارىنىڭ جوباسىن ازىرلەدى. وندا ارحەولوگيالىق، رەستا­ۆراتسيالىق، عىلىمي-زەرتتەۋ جۇمىستارىن، «التىن وردا» ەكسپەديتسياسىن وتكىزۋدى قاراس­تىراتىن بىرقاتار ءىس-شارا­لار جوسپارلانعان.

ءسىزدىڭ ۇسىنىستارىڭىز اتال­عان جوسپار جوباسىندا ءوز كورى­نىسىن تاۋىپ، بۇگىننەن باستاپ ولار بويىنشا جۇمىس باستالدى.

ءبىرىنشى. جاقىن ارادا وتە­تىن نۇر-سۇلتان قالالىق ونوماستي­كالىق كوميسسياسىنىڭ وتىرىسىندا ەلوردا كوشەلەرىنىڭ بىرىنە جوشى حاننىڭ اتىن بەرۋ جانە ەسكەرتكىش ورناتۋ ماسەلەلەرى قاراستىرىلادى.

ەكىنشى. قاراعاندى وبلى­سى­نىڭ اكىمدىگى 2020 جىلى قارا­عاندى قالاسىندا جوشى حان­عا ەسكەرتكىش ورناتۋدى ۇسى­نىپ وتىر. سونىمەن قاتار ۇلىتاۋ اۋدا­نىندا جوشى حانعا ەس­كەرتكىش ورناتۋ ماسەلەسىن قاراس­تىراتىن بولادى.

بۇدان باسقا، قازاقستان رەس­پۋب­­ليكاسى ۇكىمەتىنىڭ 2019 جىل­­عى 31 مامىرداعى №360 قاۋ­­لىسىمەن بەكىتىلگەن قازاق­ستان رەس­پۋبليكاسىنىڭ تۋريس­تىك سا­ل­اسىن دامىتۋدىڭ 2019-2025 جىل­دارعا ارنالعان مەم­لە­كەتتىك باعدارلاماسىندا قازاق­ستاننىڭ وڭىرلىك دەڭگەيدەگى تۋريستىك كارتاسىنىڭ (توپ-50) وبەكتىلەرىنىڭ ءتىزىمى كوزدەل­گەن. اتالعان تىزىمدە « ۇلىتاۋ» تاريحي-مادەني كەشەنى بەلگىلەنگەن، وندا جىلىنا شامامەن 10 000 ادامدى قابىلداي الاتىن كورنەكى ورىندار، تۋريستىك باعىتتار مەن مۋزەي بويىنشا ەكسكۋرسيالار تۋرالى اقپاراتتى قامتيتىن تۋريستىك قىزمەتتەر ۇسىنىلاتىن بولادى. كەشەنگە التىن وردا كەزەڭىنە جاتاتىن جوشى حان، الاشا حان جانە دومباۋىل كەسەنەلەرى كىرەدى.

ءۇشىنشى. مادەنيەت جانە سپورت مينيسترلىگى عىلىمي-رەس­تاۆ­­راتسيالاۋ جۇمىستارىن جۇر­گىزۋ جانە جوشى حان مەن الاشا حان كەسەنەسىنىڭ اۋما­عىن اباتتاندىرۋ ماسەلەسىن پىسىقتاۋدا.

مادەنيەت جانە سپورت مي­نيسترلىگى حالىقارالىق تۇركى اكادەمياسىمەن بىرلەسىپ 2020-2022 جىلدارى قوسىمشا بىرقاتار ارحەولوگيالىق، ەتنوگرافيالىق، انتروپولوگيالىق، عىلىمي-زەرتتەۋ جانە باسقا دا جۇمىستار جۇرگىزۋدى جوسپارلاپ وتىر.

ءتورتىنشى. ۇلىتاۋ ءوڭىرىنىڭ تۋريستىك الەۋەتىن دامىتۋ ءۇشىن الداعى جىلى «التىن وردا» ەكسپەديتسياسىن وتكىزۋ، ۇلىتاۋ وڭىرىندە رەسپۋبليكالىق ماڭىزى بار الاشا حان، جوشى حان، تاريحي جانە مادەني ەسكەرتكىشتەرىنىڭ اۋماعىندا ۆيزيت-ورتالىعى مەن ەتنواۋىل قۇرۋ جوسپارلانۋ­دا. تۋريستىك مارشرۋتتار مەن سوقپاقتار ازىرلەنىپ، كەمپينگتىك تۇراق­تار، تۋريستەرگە باراتىن جەرلەردە سانيتارلىق-گيگيەنا­لىق توراپتار ورناتىلادى.

قاراعاندى وبلىسىنىڭ اكىم­دىگى قىزىلوردا، جەزقازعان، قاراعاندى، نۇر-سۇلتان، ارقا­لىق قالالارى مەن ۇلىتاۋ اۋدانى ورتالىعى اراسىنداعى جولدارعا جوندەۋ جۇمىستارىن جۇرگىزەدى. الماتى – جەزقازعان، شىمكەنت – جەزقازعان باعىتتارى بويىنشا اۋەرەيستەردى ىسكە قوسۋ ماسەلەسى پىسىقتالۋدا.

قازىرگى ۋاقىتتا مادەنيەت جانە سپورت مينيسترلىگى ۇلىتاۋ ءوڭىرىنىڭ تاريحى مەن مادەنيەتى كەسەنەلەرىن يۋنەسكو-نىڭ دۇ­نيە­جۇزىلىك مۇراسىنىڭ تىزىمىنە ەنگىزۋ ماسەلەسىن پىسىقتاۋدا.

باياندالعاننىڭ نەگىزىندە التىن وردانىڭ 750 جىلدىعىن اتاپ ءوتۋ ماسەلەسى ۇكىمەتتىڭ ەرەك­­شە باقىلاۋىندا، دەلىنگەن پرە­مەر-ءمينيستردىڭ جاۋاپ حاتىندا.

دايىنداعان

جولدىباي بازار،

«Egemen Qazaqstan»