العاشقىدا قاتتى ساسىپ قالدىم. بىراق بىردەن ەسىمدى جيىپ الىپ, تولعاق قىسقان ارالىقتاعى وتكەن ۋاقىتتى ساناي باستادىم. تولعاقتىڭ جيىلەي تۇسكەنىن بايقاعاننان كەيىن, ارقاسىن ۋقالاپ, تەرەزەنى اشىپ, بوساناتىن ايەلگە جايلى جاعداي جاساۋ ءۇشىن قولىمنان كەلگەننىن ءبارىن ىستەپ باقتىم. جولسەرىكتەن تازا جايما, سۇلگى, سپيرت, ءدارى قوبديشاسى سياقتى كەرەكتىڭ ءبارىن سۇراپ الدىم», دەيدى ينديرا.
ء«بارى دە كينوداعىداي بولدى. بوسانىپ جاتقان ايەلدىڭ جانىندا وتىرمىن. ماعان قولدان جاسالعان, شاعىن پىشاقتى, ءبىر شولمەك سۋ مەن ىشىندە داكە, سۋتەگىنىڭ اسقىن توتىعى مەن بىرنەشە ءدارى-دارمەك سالىنعان قوبديشانى الىپ كەلدى. بىرنەشە مينۋتتان كەيىن ايەلدىڭ بوسانۋعا جاقىن قالعانىن ءتۇسىندىم», دەيدى ءبىزدىڭ كەيىپكەرىمىز.
دۇنيەگە كەلگەن پەرزەنتتى «قازاقستان تەمىر جولى» دەگەن جازۋى بار جايماعا ورادى. پىشاقتى ىستىق سۋعا مالىپ الىپ ينديرا ءسابيدىڭ كىندىگىن كەسىپ, شەشەسىنىڭ كەۋدەسىنە جاتقىزدى. شامالعاندا ولاردى جەدەل جاردەم كۇتىپ الدى. انار مەن بالانى پەرزەنتحاناعا الىپ كەتىپ, ولاردى اجالدان امان الىپ قالعان ايەل وتباسىمەن ءارى قاراي الماتىعا جول ءجۇرىپ كەتتى.
«ۆاگونىما جەتكەنگە دەيىن حالىق دۋ قول شاپالاقتاۋمەن بولدى, ال مەنىڭ قولىم دىرىلدەپ, ابىرجۋىم باسىلماي قويدى. قۇدايعا شۇكىر, ءبارى دە جاقسى اياقتالدى. دۇنيەگە كەلگەن قىزدىڭ اتىن كوزايىم قويىپتى. قازىر ولار اقتاۋدا تۇرادى. حات جازىسىپ تۇرامىز, ولار ماعان فوتوسۋرەتتەرىن دە جىبەردى. جولىم بولىپ, وقيعانىڭ ءساتتى اياقتالعانىنا قۋانىشتىمىن. بۇل وقيعادان كەيىن مەن دارىگەرلىكتىڭ تەك تاجىريبە مەن وي جۇمىسى عانا ەمەس, ادامدارعا باقىت سىيلاۋدىڭ مول مۇمكىندىگى ەكەنىن ءتۇسىندىم», دەيدى ينديرا.ف
