قازاقستان • 18 قازان، 2019

يگەرىلمەگەن رەزەرۆتەر كوپ

8 رەتكورسەتىلدى

جۇرتشىلىقتى بۇگىندە الەۋمەتتىك ماسەلەلەر الابوتەن تولعاندىرىپ وتىر. جاعالاي قىمباتشىلىق، ونىڭ زاردابىن قاراپايىم حالىق، كوپ بالالى وتباسىلار، از قامتىلعان جاندار الدىمەن تارتادى. بىلاي قاراساڭ، بۇل باعىتتاعى كۇرمەۋى تارقاتىلماعان پروبلەمالار بەلگىلى، شەشىلۋ جولدارى جان-جاقتى قاراستىرىلعان سياقتى كورىنگەنىمەن، ءالى دە ىستەن گورى ءسوزدىڭ باسىم ەكەنىن اڭعارۋ قيىن ەمەس. 

جاسىراتىنى جوق، قازىر سالالىق باعدارلامالاردان جاڭى­لىساتىن بولدىق. ءبولى­نىپ جاتقان قاراجات وراسان، جۇم­سالۋىندا ەسەپ جوق. بىراق جۇزەگە اسۋىنا، تۇپكى ناتي­جە­­سىنە، تيىمدىلىگىنە كەلگەندە كىبىر­­­تىكتەيمىز. ونىڭ ءبىر ۇشى­­عى كابينەتتە وتىرىپ-اق «باس­قارا» بەرەتىن لاۋازىم يە­لەرى­نىڭ ماڭىزدى مىندەتتەر­دى تۇسىنبەۋىندە، دەربەس جاۋاپكەر­شىلىگىنىڭ تومەندىگىنە كەلىپ تىرەلەتىن سىقىلدى. كەي كەزدە ولاردىڭ قارىن اشتىراتىن بۇل ارەكەتتەرى بيۋدجەتتىڭ اقشاسىن بولۋمەن عانا شەكتەلەتىندەي اسەر قالدىرادى. كوپكە توپىراق شاشۋدان اۋلاقپىن. بىراق ء«بىر قارىن مايدى ءبىر قۇمالاق شىرىتەدى» دەمەكشى، ۇكىمەت تاپ­سىرمالارىنىڭ ءوز دەڭگەيىندە ورىندالماۋىن جەدەلدىلىكتىڭ، جاۋاپكەرشىلىكتىڭ تومەندىگىنەن، ءسوز بەن ءىستىڭ ۇيلەسىمسىزدىگى­نەن ىزدەگەن ءجون ءتارىزدى. مەملەكەت باس­شىسى قاسىم-جومارت تو­قاەۆ حالىققا ارناعان جول­داۋىندا «رەفورمانى تەك رەفورما ءۇشىن جۇرگىزۋگە» جول بەرىل­م­ەيتىندىگىن قاتاڭ ەسكەر­تۋى وسىنداي مەملەكەتتىك قىزمەتكەرلەرگە قاراتا اي­تىلعان سياقتى.

شىنىندا دا جولداۋدا اتاپ وتىلگەندەي، الداعى ۋاقىتتا ءار ءمينيستردىڭ، ءار اكىمنىڭ، ءار جاۋاپتى تۇلعانىڭ دەربەس جاۋاپكەرشىلىك ولشەمىنىڭ نە­گىزگى كورسەتكىشتەرىن بەلگىلەپ الساق، باعىتىمىز ايقىندالا تۇسپەك. سول سياقتى جەرگىلىكتى بيلىك قىزمەتىنىڭ تيىمدىلىگىن حالىققا باعالاتۋ جوباسىن ەنگىزۋ جونىندەگى ۇسىنىس تا اب­دەن قۇپتارلىق. قىزمەتتىڭ مايلى جىلىگىن ۇستاعاندار اراسىن­دا ادامداردىڭ ارىز-شاعىم­دارىنا، ءوتىنىش-تىلەكتەرىنە بيۋروكراتتىق، قاعازباستىلىق تۇرعىسىنان قاراۋى سالدارىنان بىردەن شەشىمىن تاباتىن ماسەلەلەرگە اپتالاپ، ايلاپ ساندالتىپ قوياتىنىن كورىپ ءجۇرمىز. وزدەرىن جارتى پاتشا­داي سەزى­نەتىندەر تومەنگى باس­قارۋ بۋىندارىندا از كەزدەسپەيدى. «اكىم ءتاتتى ءومىردى سۇيسە، ەل­دىڭ كۇنى قاراڭ»، دەگەن ەكەن بالاساعۇن بابامىز.

«كەي جىگىتتى پىسىق دەپ بولىس قويساڭ، قاشان ءتۇسىپ قالعانشا جەپ بىتەدى» دەپ بايكوكشە اقىن جىرلاعانداي جەمقورلىقتىڭ جەگى قۇرتتاي قوعامىمىزدا تەرەڭ تامىر جايۋىنىڭ ءبىر ۇشىعى مەملەكەتتىك ساتىپ الۋ ءۇردىسىنىڭ شيكىلى كۇيىن­دە اتقارىلۋىندا جاتىر. پرەزي­دەنتتىڭ مەملەكەتتىڭ بارلىق ءتيىمسىز شىعىندارىن قىسقارتۋ تۋرالى ۇسىنىسىن دا تولىق قولدايمىن. مەملەكەتتىك ساتىپ الۋ رەزەرۆىندەگى 400 ميللياردتاي قاراجاتتى وتە وتكىر ماسەلەلەرگە جۇمىل­دى­رۋعا بولادى. بىلتىر مەم­لەك­ەت­تىك ساتىپ الۋ كولەمى 4،4 تريل­ليون تەڭگەنى قۇراۋى ويلانت­پاي قويمايدى. ونىڭ 75 پايى­زى باسەكەدەن تىس امالمەن جۇر­گىزىل­گەن. «شەنەۋنىكتەر مەن قايداعى ءبىر جابىسقاندار ءۇشىن بۇل استاۋ­دى جابۋ كەرەك» دەپ اڭگىمەنىڭ كەلتەسىنەن قايىرىلۋى سىبايلاس جەمقور­لىققا قارسى پارمەندى شارالار تەتىگىن ىسكە قوسۋدىڭ ءپىسىپ-جەتىلگەنىن كورسەتەدى.

 مەنىڭ ويىمشا، پارتيا­لىق نومەنكلاتۋرانى قايتادان ەن­گىزىپ، حالىقپەن جۇمىس ىس­تەسە، ءتىل تابىسا المايتىن، سايا­سي ۇيىم اتىنا كىر كەلتىرەتىن باس­شى­لاردى قاتاڭ جازالاپ، بيلىك­تەن الاستاتۋعا دەيىن شارا قولدانۋ كەرەك. بۇل وزگەلەرگە اششى ساباق بولىپ، قاتارىمىز ەكونوميكالىق ءبىلىمى مول، ىشكى جان دۇنيەسى رۋحاني باي كادر­لارمەن تولىعا تۇسەر ەدى.

 

جاقسىلىق ىسقاقوۆ،

سولتۇستىك قازاقستان وبلىسىنىڭ قۇرمەتتى ازاماتى

سوڭعى جاڭالىقتار

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ءونىم مەن ءوسىم ەسەلەندى

ايماقتار • بۇگىن، 07:18

تارتىمدىلىق تەرەڭدەي تۇسپەك

ايماقتار • بۇگىن، 07:16

ۇلكەن ءومىر جولىنىڭ كەزەڭدەرى

ەكونوميكا • بۇگىن، 07:13

شاردارا گەس-ءى تولىق جاڭعىرادى

ەكونوميكا • بۇگىن، 07:05

ناگرادالار تاپسىرىلدى

قوعام • بۇگىن، 06:57

قۇشاعى كەڭ، جۇرەگى جۇمساق

رۋحانيات • بۇگىن، 06:49

سالتاناتتى ءىس-شاراعا قاتىستى

پرەزيدەنت • بۇگىن، 06:37

ۇقساس جاڭالىقتار