«قىز تاربيەسى – ۇلت تاربيەسى» تاقىرىبىندا وتكەن باس قوسۋدى پەداگوگيكا جانە پسيحولوگيا فاكۋلتەتىنىڭ دەكانى سايرا جيەنباەۆا اشىپ, جۇرگىزدى.
– اسىلى وسمان ەسىمى كوزىقاراقتى كوپشىلىككە كەڭىنەن تانىس. ول مەملەكەتتىك ءتىل – قازاق ءتىلىنىڭ مارتەبەسىنىڭ ارتۋىنا, ۇلتتىق مۇرالارىمىزدى ۇلىقتاۋ جولىندا قاجىرلى قىزمەت اتقارىپ جۇرگەن جاننىڭ ءبىرى دە بىرەگەيى. اسىلى اليقىزى قاراشاڭىراق قىزدار ۋنيۆەرسيتەتىنىڭ تۇلەگى. 1967 جىلى فيلولوگيا فاكۋلتەتىن «قازاق ءتىلى مەن ادەبيەتى» ماماندىعى بويىنشا ۇزدىك باعامەن بىتىرگەن. جاس مامان العاشقى ەڭبەك جولىن دا ءوزى ءبىلىم العان وقۋ ورنىنان باستاعان. ءتىل جاناشىرى ءتۇرلى تاقىرىپقا ارنالعان 400-دەن استام عىلىمي ماقالانىڭ اۆتورى. سونىمەن قاتار ونىڭ «قازاق تىلىندەگى سينونيمدەس ەتىستىكتەردىڭ سەمانتيكا-ستيليستيكالىق قىزمەتى» اتتى مونوگرافياسى, «قازاقشا-تۇرىكشە-ورىسشا ءتىلاشار», «قازاعىم باردا مەن بارمىن», ء«تىل تاۋەلسىزدىگى – ەل بولاشاعى» اتتى كىتاپتارى جارىق كورگەن. ءباسپاسوز بەتتەرىندە مەملەكەتتىك ءتىل ساياساتىنا بايلانىستى جازعان ماقالالارى تۇراقتى تۇردە شىعادى, – دەپ اتاپ ءوتتى سايرا جيەنباەۆا.
اسىلى وسمان ءوزى وسكەن-ونگەن ەلدىڭ ءتىلىن, ءدىلىن, سالتى مەن ءداستۇرىن ناسيحاتتاۋدان تانباي كەلەدى. ءتىل ساياساتىنىڭ ءمانى مەن ماڭىزىن كوپشىلىككە ۇعىندىرىپ جۇرگەن مەملەكەتشىل تۇلعا. وسى تاراپتاعى ەرەن ەڭبەگى ەسكەرىلىپ, ول «پاراسات» جانە «دوستىق» وردەندەرىمەن ماراپاتتالدى.
ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى ۇلتتىق بىرگەيلىكتى ساقتاۋ, ۇلتتىق قود, بارشا قازاقستاندىقتاردى بىرىكتىرۋشى مەملەكەتتىك ءتىلدىڭ مارتەبەسىن كوتەرۋ جايى كەڭىنەن ءسوز بولدى, جيىندا. سونداي-اق اسىلى وسمان قىز بالانىڭ تاربيەسى تۋراسىندا دا تاعىلىمدى اڭگىمە ايتتى.
– مەنىڭ بارىم دا, بازارىم دا, ءناسىبىم دە, كاسىبىم دە – قازاق ءتىلى. سول قازاقتىڭ ءتىلىن مەڭگەرگەندىكتەن قازاقتىڭ بارلىق ويىنداعى قاسيەتىن, بولمىسىن ۇعىپ, ءتۇسىنىپ, شىرىلداپ ايتاتىنىم دا سول. قازاقتىڭ ءتىلى وتە باي. سونى باياندى ەتۋ قولىمىزدان كەلمەيتۇر. ماعان قاسيەت تە, اقىل دا, ادامدىق بولمىس تا ءتىل ارقىلى قازاعىمنان دارىعان. ءتىلدىڭ بۇگىنگى جاعدايى بۇرىنعىعا قاراعاندا سالىستىرمالى تۇردە ىلگەرى قاراي جىلجۋ بار, – دەدى اسىلى وسمان.
رۋحاني كەشتىڭ ەكىنشى بولىمىندە قايراتكەرگە ستۋدەنتتەر تاراپىنان سۇراقتار قويىلدى. ساۋالدار قاتارىندا ونىڭ قىزىعۋشىلىعى, جاستارعا دەگەن وسيەتى, سۇيىكتى شىعارماسى بار.
الماتى
