باقىتجان ابىشەۆ 1970 جىلدان باستاپ ستۋدەنتتىك, رەسپۋبليكالىق, بۇكىلوداقتىق جانە حالىقارالىق كورمەلەردىڭ تۇراقتى قاتىسۋشىسى, سونداي-اق كوپتەگەن بايقاۋلاردىڭ لاۋرەاتى, كورنەكتى مونۋمەنتالدىق جۇمىستاردىڭ اۆتورى.
دالىرەك ايتساق, جاڭا-قورعاندا ۇلى وتان سوعىسى قۇرباندارىنا, اقتوبە قالاسىندا ءاليا مولداعۇلوۆاعا, بۇحار جىراۋ, ءماشھۇر ءجۇسىپ كوپەەۆ, باياناۋىلدا سۇلتانماحمۇت تورايعىروۆقا, قاراعاندى قالاسىندا جازۋشى ساكەن سەيفۋللينگە قويىلعان ەسكەرتكىشتەرى بار.
سونىمەن قاتار الماتى قالاسىندا جامبىل جاباەۆ پەن توقاش بوكيننىڭ, ءال-فارابي, ماحامبەت, كۇلاش بايسەيتوۆا, جازۋشى ءادي شاريپوۆ, نۇر-سۇلتان قالاسىندا اتا تۇرىك, جاياۋ مۇسا مونۋمەنتتەرىنىڭ دە اۆتورى.
ء«مۇسىنشى ەسكەرتكىشتەردى جاساۋ كەزىندە بۇكىل جانىن سالىپ, تاقىرىپتى اشۋعا تىرىساتىن ناعىز شەبەر بولعان,» دەپ ەسكە الادى ارىپتەسى, پروفەسسور قالدىكۇل ورازقۇلوۆا.
ء«مۇسىنشى تەك قانا پورترەتتىك ۇقساستىقتارعا عانا كوڭىل بولمەيدى, ول ءمۇسىن ونەرىندەگى بەلگىلى ءبىر وبرازداردى اشىپ كورسەتەدى. ياعني, بۇل جۇمىستار جالپى ءبىزدىڭ مىنا ۇجىمدىق ەستەلىكتەرىمىزدى قوزعايتىن, سولارعا وي سالاتىن, سولاردى قايتا تۋدىراتىنداي ءبىر سەزىمدەردى وياتاتىنداي شىعارماشىلىقتارىمەن بايلانىستى»,دەيدى جۇرگەنوۆ اتىنداعى ونەر اكادەمياسىنىڭ پروفەسسورى قالدىكۇل ورازقۇلوۆا.
