ءتىل – جاستارعا امانات

استانا قالاسى تىلدەردى دامىتۋ باسقارماسىنىڭ ۇيىم­داستىرۋىمەن “ىسكەر” بيزنەس ورتالىعىندا ورىس ءتىلدى جاس­تاردىڭ اراسىندا ء“تىل – جاس­تارعا امانات” اتتى دوڭگەلەك ۇستەل ءوتتى. ونى تەلە­جۋرناليست ماكسيم نيكولاەۆ جۇرگىزىپ وتىردى. دوڭگەلەك ۇستەلدىڭ ماقساتى “ ۇلىستىڭ ۇلى كۇنى ءاز-ناۋرىز مەيرامى قارساڭىندا ءورىستىلدى قازاق جاستارىن جاڭارۋ مەن جاڭعىرۋدىڭ جارشىسى جاستىق جاسامپازدىققا شاقىرۋ ءارى “جەر-انانىڭ توڭ كەۋدەسى ءجىبىپ, تاس ەمشەگى يىگەن” كۇنى قازاق جاستارى­نىڭ انا تىلىنە دەگەن قۇرمەتىن وياتۋ”, دەيدى استانا قالالىق تىلدەردى دامىتۋ باسقارماسىنىڭ باستىعى ورازكۇل اسانعازى. بۇگىنگى تاڭدا انا ءتىلىن ۇيرەنە الماي جۇرگەن جاستاردىڭ قوعامداعى ورنى قانداي؟ ءبىز ولاردىڭ جاع­دايىن قانشالىقتى ءتۇسىنىپ ءجۇرمىز؟ جاستار, قازاق ءتىلى, امانات ارقالاۋ توڭىرەگىندە وي قوزعالدى. قوعامنىڭ بەلسەندى مۇشەسى جاستار ەكەنى انىق. وسى تۇرعىدان كەلگەندە, ولاردىڭ ناقتى ۇسىنىستارى مەن دالەلدى وي-تولعاۋلارى باستى نىسانا بولدى. مەملەكەتتىك ءتىلدى ەركىن مەڭگەرگەن وزگە ۇلت جاستارىنىڭ وتكىر پىكىرلەرى ەشكىمدى دە بەيجاي قالدىرمادى. سونداي-اق, ورىس ءتىلدى قازاق جاستارى­نىڭ دا انا تىلىنە دەگەن سۇيىسپەن­شىلىكتەرى اتالعان باسقوسۋدا سويلەگەن سوزدەرىنەن بايقالىپ وتىردى. دوڭگەلەك ۇستەل وتىرىسىنا ءماجىلىس دەپۋتاتى ن.سابيليانوۆ, بەل­گىلى عالىمدار امانگەلدى ايتا­لى, مۇحامەديا احمەتوۆ سەكىلدى ءتىل جاناشىرلارى, سونىمەن بىرگە قالاداعى جوو ستۋدەنتتەرى, بەل­سەندى جاستار ۇيىمدارىنىڭ وكىلدەرى قاتىسىپ, انا ءتىلىمىز جايىنداعى ويلارىن ورتاعا سالدى. ءابدىراحمان قىدىربەك. استانا.