م.تولەباەۆتىڭ 100 جىلدىعىنا ارنالعان ەسكەرتكىش مونەتانى اينالىسقا شىعارۋ تۋرالى
سەنبى, 2 ناۋرىز 2013 8:15
قازاقستان رەسپۋبليكاسى ۇلتتىق بانكىنىڭ № 6 ءباسپاسوز رەليزى 2013 جىلعى 1 ناۋرىز
م.تولەباەۆتىڭ 100 جىلدىعىنا ارنالعان ەسكەرتكىش مونەتانى اينالىسقا شىعارۋ تۋرالى
قازاقستان رەسپۋبليكاسىنىڭ ۇلتتىق بانكى 2013 جىلعى 1 ناۋرىزدان باستاپ م. تولەباەۆتىڭ 100 جىلدىعىنا ارنالعان, نەيزيلبەر قوسپاسىنان جاسالعان نومينالى 50 تەڭگەلىك ەسكەرتكىش مونەتانى اينالىسقا شىعارۋ تۋرالى حابارلايدى.
سەنبى, 2 ناۋرىز 2013 8:15
قازاقستان رەسپۋبليكاسى ۇلتتىق بانكىنىڭ № 6 ءباسپاسوز رەليزى 2013 جىلعى 1 ناۋرىز
م.تولەباەۆتىڭ 100 جىلدىعىنا ارنالعان ەسكەرتكىش مونەتانى اينالىسقا شىعارۋ تۋرالى
قازاقستان رەسپۋبليكاسىنىڭ ۇلتتىق بانكى 2013 جىلعى 1 ناۋرىزدان باستاپ م. تولەباەۆتىڭ 100 جىلدىعىنا ارنالعان, نەيزيلبەر قوسپاسىنان جاسالعان نومينالى 50 تەڭگەلىك ەسكەرتكىش مونەتانى اينالىسقا شىعارۋ تۋرالى حابارلايدى.
مونەتانىڭ بەت جاعىندا (اۆەرسىندە) جوعارعى بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. ەلتاڭبا بەينەسىنىڭ وڭ جاعىندا «قۇب» دەگەن اببرەۆياتۋرا ورنالاسقان. تومەنگى بولىگىندە مونەتانىڭ نومينالىن بىلدىرەتىن «50 تەڭگە» دەگەن جازۋ بار. نومينالدىڭ سول جانە وڭ جاعىندا ۇلتتىق ويۋ-ورنەك ەلەمەنتى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازۋ جانە شىعىڭقى جيەك بار.
مونەتانىڭ سىرت جاعىندا (رەۆەرسىندە) نوتا جولدارىنىڭ اياسىندا م. تولەباەۆتىڭ الماتى قالاسىندا ورنالاسقان ەسكەرتكىشى بەينەلەنگەن. سول جاعىندا مەملەكەتتىك تىلدە «مۇقان تولەباەۆ» دەگەن جازۋ جانە تۋعان جىلى مەن مونەتانىڭ سوعىلعان جىلىن بىلدىرەتىن «1913-2013» دەگەن ساندار بار. اينالدىرا شىعىڭقى جيەك جۇرگىزىلگەن.
مونەتانىڭ بەت جانە سىرت جاعىنداعى بەينەلەر مەن جازۋلار بەدەرلى.
قىرى (گۋرتى) بەدەرلى.
مونەتا «نەيزيلبەر» قوسپاسىنان جاسالعان, ديامەترى – 31 مم, ماسساسى – 11,17 گرامم, تارالىمى – 100 مىڭ دانا.
نومينالى 50 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق, شوتتارعا, سالىمدارعا, اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ تۇسىندىرمەسى
2013 جىلعى 13 ناۋرىزدا كومپوزيتور, پەداگوگ جانە قوعام قايراتكەرى, كسرو حالىق ءارتىسى, قازاق كسر ەڭبەك سىڭىرگەن ونەر قايراتكەرى, كسرو مەملەكەتتىك سىيلىعىنىڭ لاۋرەاتى مۇقان تولەباي ۇلى تولەباەۆتىڭ تۋعانىنا 100 جىل تولادى.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن ۇلتتىق ۆاليۋتا – قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
ەسكەرتكىش مونەتالاردىڭ ءبىر مىڭ داناسى ارنايى پلاستيكالىق تەرموۆاكۋمدى وراۋمەن ساتۋعا ارناپ شىعارىلدى.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا ساتىپ الۋعا بولادى. الماتى قالاسىنداعى مەكەن-جايى: پانفيلوۆ كوشەسى, 98. انىقتاما تەلەفونى (727) 273-83-98.
بارىنشا جان-جاقتى اقپاراتتى مىنا تەلەفوندار ارقىلى الۋعا بولادى:
+7 (727) 2704-639,
+7 (727) 2704-998;
E-mail: press@nationalbank.kz
