ايماقتار • 07 قازان، 2019

كوللەدجدە - جاڭا اتاۋ

55 رەتكورسەتىلدى

اتىراۋ اگرارلى-تەحنيكالىق كوللەدجى ەندى مەملەكەت جانە قوعام قايراتكەرى وڭايباي كوشەكوۆتىڭ ەسىمىمەن اتالادى.

اتىراۋ وبلىسىنىڭ قۇرمەتتى ازاماتى، سوعىس جانە ەڭبەك ارداگەرى وڭايباي كوشەك ۇلى – تۋعان جەرىنىڭ الدىنداعى پەرزەنتتىك پارىزىن ابىرويمەن اتقارعان، بەدەل بيىگىنەن تۇسپەگەن تۇلعا رەتىندە بەلگىلى.

   -وڭايباي كوشەك ۇلى 15 جىلدان استام ۋاقىت وبلىس باسقاردى. باسقا دا جاۋاپتى قىزمەتتەردى اتقاردى. تاباندىلىعى، تاجىريبەسى مەن ەڭبەكقورلىعىنىڭ ارقاسىندا كوپتەگەن جۇمىستار جۇزەگە استى. سوندىقتان دا جەرلەستەرىنىڭ ريزاشىلىعى مەن ىقىلاسىنا بولەندى. بۇگىنگى جاس ۇرپاق وسىنداي تۇلعالاردىڭ ونەگەلى ومىرلەرىنەن تاعىلىم الىپ وسۋلەرى كەرەك،-دەدى كوللەدجدەگى سالتاناتتى شاراعا قاتىسقان وبلىس اكىمى نۇرلان نوعاەۆ.

  وڭىرگە جۇمىس ساپارىمەن كەلگەن قر كəسىپوداقتار فەدەراتسياسىنىڭ توراعاسى ەرالى توعجانوۆ تا وسى شاراعا قاتىسىپ، وڭايباي كوشەك ۇلىنىڭ ماڭعىستاۋ وبلىسىن باسقارعان تۇستا اتقارعان ىزگى ىستەرىن ايتتى.

      -ول ءبىلىمدى، پاراساتتى تۇلعا ەدى،-دەپ ەسكە الدى اتىراۋ وبلىسىنىڭ قۇرمەتتى ازاماتى ەسەن تاسقىنباەۆ. –وبلىسقا باسشىلىق جاساعان جىلدارى ەكونوميكانىڭ دامۋىنا، اۋىل شارۋاشىلىعى سالاسىنىڭ وركەندەۋىنە ۇلكەن ۇلەس قوستى. تەڭىز كەن ورنىنىڭ اشىلۋى، رەسپۋبليكالىق، حالىقارالىق ماڭىزى بار اۆتوكولىك جولدارىنىڭ سالىنۋى، جاڭا ىقشام اۋدانداردىڭ بوي كوتەرۋى دە سول جىلدارعا تۇسپا-تۇس كەلدى. ەلى ءۇشىن جانىن اياماعان، مايداندا دا، بەيبىت ومىردە دە ادالدىعىنان اينىماعان ازاماتتىڭ اتىن ۇلىقتاۋ – ساۋاپتى ءىس.

       كوللەدج عيماراتىنىڭ الدىنا وڭايباي كوشەكوۆتىڭ ءمۇسىنى قويىلدى. سونداي-اق، مەملەكەت جانە قوعام قايراتكەرىنە ارنالعان مۋزەي اشىلدى. اگرارلى-تەحنيكالىق كوللەدجدە قازىر ستۋدەنتتەر 18 ماماندىق بويىنشا ءبىلىم الادى. ال جاقىن بولاشاقتا ءبىلىم ورداسىنا ارنالعان جاڭا عيمارات سالىنادى دەگەن جوسپار بار.

اتىراۋ.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار