مەرەكەلىك جيىندا شىمكەنت قالاسى ءماسليحاتىنىڭ حاتشىسى عاني تاشقارەۆ, شىمكەنت قالاسى قازاقستان حالقى اسسامبلەياسى توراعاسىنىڭ ورىنباسارى ءمۇراتالى قالمۇراتوۆ, Nur Otan پارتياسى شىمكەنت قالالىق فيليالى توراعاسىنىڭ ءبىرىنشى ورىنباسارى باحادىر نارىمبەتوۆ جانە قازاقستان كورەيلەرى اسسوتسياتسياسىنىڭ پرەزيدەنتى سەرگەي وگاي قۇتتىقتاۋ ءسوز سويلەپ, ەلدەگى ەتنوسارالىق بىرلىكتى نىعايتۋدىڭ ماڭىزدىلىعىن ايتتى.
ال شىمكەنت قالالىق كورەي ەتنومادەني بىرلەستىگىنىڭ ءتورايىمى روزا پاك قيىن-قىستاۋ كەزەڭدە بارشا ەتنوستارعا پانا بولعان قازاق ەلىنە العىسىن جەتكىزدى.
- قيىن جىلدار كەزەڭىندە قازاق حالقىنىڭ ءبىزدىڭ اتا-بابالارىمىزدى ىستىق ىقىلاسپەن قارسى العانىن العىس سەزىممەن ەسكە الامىز. قازاق حالقىنىڭ دارحاندىعىنىڭ ارقاسىندا ءوسىپ-وندىك. بۇگىندە بىرلىگى جاراسقان, بولاشاعى زور مەملەكەتتە ءومىر ءسۇرىپ جاتىرمىز. قازاقستان - ءوز وتانىمىز. ورتاق وتانىمىزدىڭ كوركەيۋى ءۇشىن ايانباي ەڭبەك ەتەتىن بولامىز, - دەدى روزا ۆيكتوروۆنا.
جيىندا قوعامدىق كەلىسىم مەن جالپىۇلتتىق بىرلىكتى نىعايتۋعا سۇبەلى ۇلەس قوسىپ جۇرەگەن بىرقاتار ازاماتتارعا قالا اكىمىنىڭ جانە قالالىق قازاقستان حالقى اسسامبلەياسى مەن قالالىق ءماسليحاتتىڭ العىس حاتتارى تاپسىرىلدى.
بۇگىندە ەلىمىزدە 100 مىڭعا جۋىق كورەي ەتنوسىنىڭ وكىلى ءومىر سۇرەدى. شىمكەنت قالالىق كورەي ەتنومادەني بىرلەستىگى وڭىردەگى 9 مىڭنان استام كورەيدىڭ باسىن بىرىكتىرىپ وتىر. ونىڭ جانىنان ارداگەرلەر القاسى مەن جاستار قاناتى, جەكسەنبىلىك مەكتەپ, «مورانبون» فولكلورلىق ءانسامبلى جۇمىس ىستەيدى.
شىمكەنت
