- بالانىڭ بىزگە العاش تۇسكەن كەزدە جاعدايى اۋىر بولدى. سەبەبى ىشكەن استىڭ بارلىعىن كەرى قايتارعان. بوزارىپ, اس-سۋ ىشە الماعاسىن, شولدەگەنى سونشالىق, بالانىڭ دەنەسى قۇرعاي باستاعان. اتا-اناسىنىڭ رۇقساتىن الىپ, وتا جاسالدى. وتا ءساتتى اياقتالدى, بالانىڭ قازىرگى جاعدايى جاقسى, تاماق پەن سۋسىن ءىشىپ جاتىر. مەنىڭ 21 جىلدىق تاجىريبەمدە وسىعان ۇقساس جاعدايلار بولىپ تۇراتىن. كوبىنە تيىن, پلاستيكالىق ويىنشىق, جۇلدىزشانى جۇتىپ قويعان بالانىڭ وڭەشىنەن الىپ ءجۇرمىز, - دەيدى تراۆموتولوگيا-ورتوپەديا ءبولىمىنىڭ مەڭگەرۋشىسى, جوعارى ساناتتى بالالار حيرۋرگى قۇرمان قايرانوۆ.
وسىنداي جاعدايدى بولدىرماس ءۇشىن دارىگەرلەر اتا-انا مۇقيات بولسا دەگەندى ايتادى, اسىرەسە, كىشكەنتاي بالانىڭ ءاربىر قيمىلىن قاداعالاعان دۇرىس.
قازىر كىشكەنتاي ناۋقاستىڭ جاعدايى جاقسى, ونىڭ دەنساۋلىعىنا ءتونىپ تۇرعان قاۋىپ جوق. جاقىن كۇندەرى 2 جاسار ابىلايحان ساتىبالدى ۇيىنە جىبەرىلەدى.
ماڭعىستاۋ وبلىسى
