قالا حالقىنىڭ تىعىز ورنالاسۋىنا بايلانىستى ولاردى اقتاۋ قالاسىنا كوشىرۋگە شەشىم قابىلدانىپ, بۇگىنگى تاڭدا 388 وتباسى كوشىرىلەدى دەپ جوسپارلانۋدا. بۇل تۇرعىنداردىڭ بارلىعىنىڭ اعىمداعى ستاتۋسىنا تالداۋ جۇرگىزىلدى.
ەندى جاڭا جوسپارعا سايكەس 2020-2024 جىلدار ارالىعىندا جاڭاوزەن قالاسى تۇرعىندارىن اقتاۋعا كوشىرۋ ءۇشىن 10 000 پاتەر سالۋ قاراستىرىلدى. بۇل ۇيلەر قۇرىلىسى اقتاۋ قالاسىنداعى جاڭا 13 شاعىن اۋدانداردا جۇرگىزىلەتىن بولادى.
-ءوڭىرىمىزدىڭ الەۋمەتتىك-ەكونوميكالىق دامۋى جانە حالىقتىڭ الەۋمەتتىك جاعدايىن جاقسارتۋ باعىتىندا جاسالىپ جاتقان جۇمىستار ودان ءارى دە جالعاسا بەرەتىن بولادى. جەرگىلىكتى اتقارۋشى ورگان رەتىندە ورىن الىپ وتىرعان داعدارىستىق قۇبىلىستارعا ۋاقىتىلى دەن قويۋ, قاجەتتى شەشىمدەردى جەدەل قابىلداۋ, وڭىرىمىزدە ەكونوميكالىق جانە ساياسي تۇراقتىلىقتى ساقتاۋ, حالىقتىڭ الەۋمەتتىك ءال-اۋقاتىن كوتەرۋ جولىندا ۇكىمەتتىك ەمەس ۇيىمدارمەن جانە باسقا دا ينستيتۋتتارمەن بىرلەسىپ جۇمىس جاسايتىن بولامىز, دەپ اتاپ ءوتتى وبلىس اكىمى سەرىكباي ترۇموۆ.
