اتالعان جيىنعا اكادەميك, مەملەكەتتىك سىيلىقتىڭ لاۋرەاتى سەيىت قاسقاباسوۆ, اقىن نەسىپبەك ايت, جازۋشى الدان سمايىل, پروفەسسور مارات ابسامەتوۆ, ءتىل جاناشىرلارى مۇحامبەديا احمەتوۆ, كامال الپەيىسوۆا, قوعام قايراتكەرى سايلاۋ باتىرشا ۇلى سىندى بىرقاتار زيالى قاۋىم وكىلدەرى قاتىستى.
ء«تىل-قازىنا» ورتالىعىنىڭ باس ديرەكتورى الىبەك اسقار ءسوز الىپ, قازاق ءالىپبيىن لاتىن گرافيكاسىنا كەزەڭ-كەزەڭىمەن كوشىرۋگە ارنالعان ءىس-شارالار جوسپارىنا سايكەس اتقارىلىپ جاتقان جۇمىستار رەتىن تانىستىرىپ, ورتالىقتىڭ مەملەكەتتىك ءتىلدىڭ مارتەبەسىن كوتەرۋ, ونى عىلىم تىلىنە اينالدىرۋ, جاڭا ۇلتتىق ءالىپبيدى حالىققا ناسيحاتتاۋ باعىتىندا قوعامنىڭ ءارتۇرلى الەۋمەتتىك توپتارى اراسىندا, عىلىمي ورتادا, ءتىل ماماندارى, ادىسكەرلەر, مەملەكەتتىك قىزمەتكەرلەر اراسىندا ءتۇسىندىرۋ جۇمىستارى جۇيەلى تۇردە وتكىزىلىپ جۇرگەنىن جەتكىزدى. سونداي-اق جازۋشى, مەملەكەتتىك سىيلىقتىڭ لاۋرەاتى, قوعام قايراتكەرى تولەن ابدىك, پارلامەنت ءماجىلىسىنىڭ دەپۋتاتى فاحريددين قاراتاەۆ, مادەنيەت جانە سپورت ۆيتسە-ءمينيسترى نۇرقيسا مۇرات ۇلى وقىتۋ سىنىپتارىنىڭ ساپالى, ناتيجەلى جۇمىس جاساۋىنا سەنىم ءبىلدىرىپ, ۇلتتىق جازۋدىڭ نەگىزىن قالىپتاستىرىپ بەرۋدىڭ بولاشاقتا ءتىل سالاماتتىعىن ساقتاۋدا تۋىندايتىن كەز كەلگەن ماسەلەنى شەشۋدە اسا ماڭىزدى ەكەنىن اتاپ ءوتتى.
قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى توراعاسىنىڭ ورىنباسارى اينۇر مىرزابەكوۆا وقىتۋ سىنىپتارىن اشۋدىڭ نەگىزگى تالاپتارىنا توقتالا وتىرىپ, تۇڭعىش پرەزيدەنت – ەلباسى نۇرسۇلتان ءابىش ۇلىنىڭ قازاق ءتىلىن جاڭا الىپبيگە كوشىرۋگە بايلانىستى جارلىعىنان كەيىن پرەمەر-مينيستر وكىمىمەن «قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارى» بەكىتىلگەنىن اتاپ ءوتتى.
– ۇكىمەت قاۋلىسىمەن ء«تىل-قازىنا» ۇلتتىق عىلىمي-پراكتيكالىق ورتالىعى» قۇرىلىپ, ەلىمىزدەگى لاتىن ءالىپبيىن ەنگىزۋگە بايلانىستى جۇمىستار وسى مەكەمە ارقىلى جۇزەگە اسىرىلۋدا. اتاپ ايتقاندا, ۇلتتىق كوميسسيا جانىنان قۇرىلعان جۇمىس توپتارىنىڭ جۇمىسىن ۇيلەستىرۋ, لاتىن ءالىپبيىن ەنگىزۋگە باعىتتالعان مەملەكەتتىك تاپسىرمالاردى ىسكە اسىرۋ. 2019 جىل – «ادىستەمە جىلى». جاڭا ەملە ەرەجەلەرىن وقىتۋ بويىنشا نۇر-سۇلتان قالاسىندا 72 ساعاتتىق بىلىكتىلىك ارتتىرۋ كۋرستارى, وڭىرلەردە دارىستەر مەن 12 ساعاتتىق سەمينارلار ۇيىمداستىرىلۋدا, – دەدى ءتىل ساياساتى كوميتەتى توراعاسىنىڭ ورىنباسارى اينۇر مىرزابەكوۆا. ونىڭ ايتۋىنشا, ء«تىل-قازىنا» ورتالىعىنان ءبىلىمىن جەتىلدىرگەن فيلولوگ ماماندار ءوز وڭىرىندە ءتىل ۇيرەتۋ كۋرستارىن جالعاستىراتىن بولادى. اتالعان كۋرس 2025 جىلعا دەيىن جۇرگىزىلمەك. سونداي-اق ورتالىق ماماندارى بۇگىنگە دەيىن رەسپۋبليكا بويىنشا 500-دەي ادامعا جاڭا ءالىپبيدىڭ ەملە ەرەجەسىن ۇيرەتكەن.
– جاڭا الىپبيگە كوشۋ بارىسىندا ءبىز وقىتۋ ساپاسىنا ەرەكشە ءمان بەرۋىمىز قاجەت. قازىرگى كەزەڭدە وقىتۋدىڭ قاي ءتۇرى بولسىن جاڭا يننوۆاتسيالىق تەحنولوگيالارعا قۇرىلعانى ءجون. وسى رەتتەن كەلگەندە, بۇگىن اشىلاتىن وقۋ عيماراتى وسىنداي جاڭا تالاپتارمەن جابدىقتالعان. سونىمەن بىرگە وقۋ عيماراتىنداعى تەحنيكالىق قۇرىلعىلار ونلاين سەمينار وتكىزۋگە دە مول مۇمكىندىك بەرەدى,– دەپ ءسوزىن تۇيىندەدى ول.
اشىلعان وقىتۋ سىنىپتارى كۋرس وتكىزۋگە قاجەتتى قۇرالدارمەن, تەحنيكالارمەن تەگىس جابدىقتالعان. ءدارىسحانالاردا رەسپۋبليكا بويىنشا, سونىمەن قاتار شەتەلدەگى عالىمدار, ادىسكەرلەرمەن بايلانىس ورناتۋعا, ونلاين سەمينار وتكىزۋگە مۇمكىندىك بار. سەمينار, كۋرستاردى جاڭا قازاق ءالىپبيىنىڭ ەملە ەرەجەسىن ازىرلەگەن عالىمدار وتكىزەدى.
زاماناۋي جوبالاردى جۇزەگە اسىرۋعا كۇش جۇمىلدىرىپ وتىرعان ء«تىل-قازىنا» ورتالىعىنىڭ مەملەكەتتىك ءتىلدى جانە لاتىن گرافيكاسى نەگىزىندەگى قازاق ءتىلىنىڭ ءالىپبيى مەن جاڭا ەملە ەرەجەسىن تانىستىرۋ, ۇيرەنۋ, جازۋ جانە وقۋ داعدىلارىن قالىپتاستىرۋ ماقساتىندا كەشەندى ءىس-شارالار جوسپارىن تۇراقتى ىسكە اسىرىپ كەلەدى. سوندىقتان رەسپۋبليكا كولەمىندە جاڭا لاتىن گرافيكاسىمەن جازىلعان جازبا ءتىلىمىزدىڭ جۇيەسىن, ەملە ەرەجەلەرىنىڭ قۇرىلىمىن, ەملە نورمالارىنىڭ عىلىمي نەگىزدەرىن تۇسىندىرە الاتىن بىلىكتى ماماندار دايىنداۋ – كۇن تارتىبىندە تۇرعان وزەكتى ماسەلەلەردىڭ ءبىرى.
