جۇمىسقا قولايلى جاعداي جاساپ, قالا تازالىعىن ودان ءارى جاقسارتىپ, قولداۋ ماقساتىندا قوسىمشا 120 بىرلىك تەحنيكا الىنادى. ارنايى تەحنيكالار «استاناەنەرگوسەرۆيس» اق-ىن تاراتۋدان ۇنەمدەلگەن قارجى ەسەبىنەن ساتىپ الىنادى.
«كاسىپورىن قۇرىلعان ۋاقىتتان باستاپ, سىزدەر وتە ماڭىزدى مىندەتتى اتقارىپ, ەلوردامىزدىڭ تازالىعىن قامتاماسىز ەتۋدە ۇلكەن ۇلەس قوسىپ كەلەسىزدەر. قىستىڭ ايازى مەن جازدىڭ ىستىعىنا, قار مەن جاڭبىرعا قاراماستان تاڭنىڭ اتىسىنان كەش باتقانعا دەيىن قالا جايلىلىعى ءۇشىن ەڭبەك ەتىپ جۇرسىزدەر. سىزدەردىڭ وسى ەڭبەكتەرىڭىز بەن وسىنداي جۇمىس قابىلەتتەرىڭىزگە قاراپ, ءبىزدىڭ كوپتەگەن تۇرعىندار, اسىرەسە بالالار ۇلگى الادى دەپ ويلايمىن. الدىمىز قىس, جىلۋ ماۋسىمى. جۇمىس اۋقىمى ۇلعايادى. ءبىز سىزدەردى قاشان دا قولدايمىز. قىسقى تازالىق جۇمىستارىن جۇرگىزۋدە جەڭىل بولۋ ءۇشىن بيىلعى جىلى 120 بىرلىك جاڭا تەحنيكا ساتىپ الامىز. ءبىزدىڭ جۇمىسشىلارىمىزدىڭ جۇمىس جاعدايلارىنىڭ جاقسى بولعانىن قالايمىز»,- دەدى ا. كولگىنوۆ.
قالا اكىمى قالانىڭ ءوسىپ, وعان قوسا تۇرعىنداردىڭ دا تالابى ارتىپ وتىرعانىن ايتىپ, اۆتوپاركتەردىڭ مۇمكىندىگىنشە جاڭارىپ وتىراتىنىن اتاپ ءوتتى. ا. كولگىنوۆ جۇمىسشىلارعا اتقارىپ جۇرگەن قيىن دا كۇردەلى جۇمىستارى ءۇشىن العىس ايتىپ, دەنساۋلىق, وتباسىلىق اماندىق-ساۋلىق تىلەدى.
