اقتاۋدا الەۋمەتتىك كومەك كورسەتۋ ورتالىعى اشىلدى

- بۇل باستاما – «ۇلتتىق رۋح» قوعامدىق بىرلەستىگىمەن بىرلەسە ىسكە اسىرىلىپ جاتقان جوبا.  ورتالىقتا ءار ءتۇرلى پسيحولوگيالىق-مورالدىق ترەنينگتەر وتكىزىلەدى, انالارعا ءوز كاسىپتەرىن باستاۋعا كەڭەس بەرىلەدى. سوندىقتان, بۇل ورتالىق ەسىگى انالار ءۇشىن ءاردايىم اشىق بولماق. جوباعا قولداۋ كورسەتكەن Nur Otan پارتياسىنا, قازاقستان حالقى اسسامبلەياسىنىڭ ماڭعىستاۋ وبلىستىق فيليالىنا جانە ىسكەر ايەلدەر قاۋىمداستىعىنىڭ وڭىرلىك فيليالىنا ريزاشىلىعىمدى بىلدىرەمىن, - دەدى قازاقستان حالقى اسسامبلەياسىنىڭ وڭىرلىك فيليالىندا اشىلعان جاڭا ورتالىقتىڭ اشىلۋ سالتاناتىندا ماڭعىستاۋ وبلىستىق ىشكى ساياسات باسقارماسى باسشىسى ە.كۇمىسقالي.

جاڭا ورتالىق پسيحولوگيالىق-مورالدىق قولداۋ, قۇقىقتىق, اقپاراتتىق قولداۋ, قابىلداۋلار مەن كەزدەسۋلەر وتكىزۋ, اناليتي­كا جانە ۇسىنىستار جاساقتاۋ سىندى التى باعىتتا جۇمىس جۇرگىزەدى. پسيحولوگيالىق-مورالدىق قولداۋ جۇمىستارى ءار ءتۇرلى سەمينار-ترەنينگتەر ارقىلى سانانى ساۋىقتىرۋ, موتيۆاتسيا ارقىلى ءپوزيتيۆتى كوزقاراس قالىپتاستىرۋ, تۇرمىستىق تىعىرىقتان شىعۋ جولدارىن كورسەتۋمەن جۇرگىزىلسە, قۇقىقتىق قولداۋ قازاقستان رەسپۋبليكاسىنىڭ قولدانىستاعى زاڭ نورمالارىن ءتۇسىندىرۋ, الەۋ­مەتتىك زاڭ نورمالارى بويىنشا كەڭەس بەرۋ ارقىلى كورسەتىلەدى. سونداي-اق اقپاراتتىق قولداۋ جۇمىستارى مەملەكەت تاراپىنان حالىقتىڭ وسال توپتارىن قول­داۋعا باعىتتالعان مەملەكەتتىك باعدارلامالار اقپاراتتاندىرۋمەن ىسكە اسىرىلماق.

قابىلداۋلار مەن كەزدەسۋلەر مەملەكەتتىك ورگانداردىڭ, مەملەكەتتىك ەمەس ۇيىمدار مەن مەكەمە وكىلدەرىنىڭ, ساراپشىلاردىڭ, مامانداردىڭ, كاسىپكەرلەر مەن قوعام بەلسەندىلەرىنىڭ قاتىسۋىمەن وتكىزىلمەك.

ماڭعىستاۋ وبلىسى