ماڭعىستاۋ وبلىسى اكىمى اپپاراتى «قوعامدىق كەلىسىم» كمم باسشىسى امانكۇل ابدىعاليقىزى جانە وسەتين ەتنومادەني بىرلەستىگىنىڭ ءتورايىمى بيركلە فاتيما ارداگەرلەردى مەرەكەلەرىمەن قۇتتىقتاپ, جارىسقا قاتىسۋشىلارعا ساتتىلىك تىلەدى.
ءىس-شارا باراسىندا ارداگەرلەرگە ارنالعان مەديتسينا بۇرىشى جۇمىس جاسادى. ارنايى ماماندار قاريالاردىڭ قان قىسىمىن ولشەپ, كەڭەستەر بەردى.
ارداگەرلەردىڭ كوڭىلىن سەرگىتكەن اتالمىش ءىس-شارا وتە قىزىقتى دا تارتىستى ءوتتى.
تۋرنير قورىتىندىسى بويىنشا ءى ورىندى كيم يۋري, ءىى ورىندى مۋرتازين حازەن, ءىىى ورىندى كەنجەبەكوۆ تاعانياز يەلەندى. جەڭىمپاز ارداگەرلەر وبلىستىق قازاقستان حالقى اسسامبلەياسى اتىنان ماراپاتتالدى.
- قارتتار – قازىنامىز. ولاردى ارداقتاۋ – ۇرپاققا پارىز. قارتتار كۇنى اياسىندا ءبىز وبلىسىمىزدىڭ بىرقاتار قارتىن «دوستىق» ۇيىنە قوناققا شاقىرىپ, اقىل-كەڭەستەرىن تىڭداپ, مۇمكىندىگىمىزشە سىي-سياپات جاساپ, كوڭىلدى وتىرىس سىيلاۋعا تىرىستىق. كىشىلەرگە قاشاندا ىزەتپەن قارايتىن اعا بۋىن وكىلدەرىنە ءبىزدىڭ شاقىرتۋىمىزدى قابىل الىپ, ارامىزعا كەلگەندىگى ءۇشىن ريزامىز. قارتتارىمىز امان-ساۋ ءجۇرسىن, - دەيدى شارانىڭ ۇيتقىسى بولعان مانعىستاۋ وبلىسىنىڭ قحا حاتشىلىعىنىڭ مەڭگەرۋشىسى گۇلجان يسمۋرزينا.
ماڭعىستاۋ وبلىسى
