قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى № 465
سارسەنبى, 6 اقپان 2013 5:58
2012 جىلعى 10 قازان, استانا قالاسى
عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ قاعيدالارىن بەكىتۋ تۋرالى
قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1111 قاۋلىسىمەن بەكىتىلگەن قازاقستان رەسپۋبليكاسى ءبىلىم جانە عىلىم مينيسترلىگى تۋرالى ەرەجەنىڭ 13-تارماعىنىڭ 138-1) تارماقشاسىنا سايكەس بۇيىرامىن:
1. قوسا بەرىلىپ وتىرعان عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ قاعيدالارى بەكىتىلسىن.
سارسەنبى, 6 اقپان 2013 5:58
2012 جىلعى 10 قازان, استانا قالاسى
عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ قاعيدالارىن بەكىتۋ تۋرالى
قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1111 قاۋلىسىمەن بەكىتىلگەن قازاقستان رەسپۋبليكاسى ءبىلىم جانە عىلىم مينيسترلىگى تۋرالى ەرەجەنىڭ 13-تارماعىنىڭ 138-1) تارماقشاسىنا سايكەس بۇيىرامىن:
1. قوسا بەرىلىپ وتىرعان عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ قاعيدالارى بەكىتىلسىن.
2. عىلىم كوميتەتى (ن.م. ىبىرايىم):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
2) وسى بۇيرىقتى مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جاريالاسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى م.ق. ورىنحانوۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى م. ورىنحانوۆ.
قازاقستان رەسپۋبليكاسى ءبىلىم جانە عىلىم مينيسترلىگىنىڭ
2012 جىلعى 10 قازانداعى № 465 بۇيرىعىمەن بەكىتىلگەن
عىلىمي جانە (نەمەسە) عىلىمي-تەحنيكالىق قىزمەت
ناتيجەلەرىن كوممەرتسيالاندىرۋ تۋرالى قاعيدالارى
1. جالپى ەرەجەلەر
1. وسى عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى قاعيدالار (بۇدان ءارى – قاعيدا), «عىلىم تۋرالى», «يندۋستريالدى – يننوۆاتسيالىق جۇمىستاردى مەملەكەتتىك قولداۋ تۋرالى», «اۆتورلىق جانە ارالاس قۇقىق تۋرالى» قازاقستان رەسپۋبليكاسىنىڭ زاڭدارىنا سايكەس ازىرلەنگەن, عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن كوممەرتسيالاندىرۋ ءتارتىبىن انىقتايدى.
2. عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن (بۇدان ءارى – عتجن) كوممەرتسيالاندىرۋ – وڭتايلى ەكونوميكالىق تيىمدىلىكتەرگە قول جەتكىزۋگە باعىتتالعان, نارىققا جاڭا نەمەسە جەتىلدىرىلگەن تاۋارلار, پروتسەستەر مەن قىزمەتتەر ەنگىزۋ ماقساتىندا عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن ءىس جۇزىندە قولدانۋعا بايلانىستى قىزمەت.
2. عىلىمي جانە (نەمەسە) عىلىمي-تەحنيكالىق جۇمىس
ناتيجەلەرىن كوممەرتسيالاندىرۋعا مەملەكەتتىك ىقپال ەتۋ
3. عتجن كوممەرتسيالاندىرۋعا مەملەكەتتىك ىقپال ەتۋ:
1) ۇلتتىق عىلىمي يننوۆاتسيالىق جۇيەنى دامىتۋدى ەكونوميكالىق ىنتالاندىرۋعا كەپىلدىك بەرۋ, عىلىمي, عىلىمي-تەحنيكالىق جانە يننوۆاتسيالىق جۇمىستار سالاسىنداعى مەملەكەتتىك-جەكە مەنشىك ارىپتەستىكتى دامىتۋ, قازاقستان رەسپۋبليكاسىنىڭ زاڭنامالارىمەن بەكىتىلگەن تارتىپتە ەكونوميكانىڭ باسىم سەكتورلارىنداعى تەحنولوگيالاردى كوممەرتسيالاندىرۋ ءۇشىن قارجىلاندىرۋ;
2) عىلىمدى جانە عىلىمي تەحنولوگيالىق ازىرلەمەلەردى مەملەكەتتىك قولداۋدىڭ ارتىقشىلىعىن انىقتاۋ;
3) قازاقستان رەسپۋبليكاسىنىڭ باسىم باعىتتاعى ەكونوميكالىق سەكتورىنا سايكەس عىلىمي, عىلىمي-تەحنيكالىق جانە يننوۆاتسيالىق جۇمىستاردىڭ باسىم باعىتتارىن انىقتاۋ;
4) مەملەكەتتىك بيۋدجەت قاراجاتىنان قارجىلاندىرىلعان جانە مەملەكەتتىك-جەكە مەنشىك ارىپتەستىك نەگىزىندەگى جەكە كاسىپكەرلىكتىڭ سۋبەكتىلەرىنە بولىنگەن قارجىمەن عىلىمي-تەحنيكالىق باعدارلامالاردى قالىپتاستىرۋ جانە جۇزەگە اسىرۋ;
5) ينتەللەكتۋالدى مەنشىكتى كوممەرتسيالاندىرۋعا ىقپال ەتۋ جانە دامىتۋ جونىندەگى نورماتيۆتىك قۇقىقتىق اكتىلەردى ازىرلەۋ جانە جەتىلدىرۋ;
6) يننوۆاتسيالىق ءونىمدى جاساۋ جانە پايدالانۋ پروتسەستەرىن ىنتالاندىرۋ جۇيەلەرىن جەتىلدىرۋ;
7) عىلىمي-يننوۆاتسيالىق جۇمىستاردى دامىتۋ جونىندەگى رەسپۋبليكالىق جانە وڭىرلىك كەڭەستەردى قۇرۋ, ولاردىڭ قۇرامىنا ەكونوميكالىق دامۋ قاجەتتىلىكتەرىن زەرتتەۋگە باعىتتالعان شارالاردى ازىرلەۋ ءۇشىن مەملەكەتتىك باسقارۋ ورگاندارىنىڭ, جەكە كاسىپكەرلىك سۋبەكتىلەرىن, عىلىمي ۇيىمدار مەن جوعارى وقۋ ورىندارىن (بۇدان ءارى – جوو) ەنگىزۋ, سونداي-اق, ولاردى ءىس جۇزىندە جۇزەگە اسىرۋعا (كوممەرتسيالاندىرۋعا) ىقپال ەتۋ;
8) عىلىمي جانە يننوۆاتسيالىق جۇمىستاردىڭ اقپاراتتىق ينفراقۇرىلىمىن دامىتۋ, ويلاپ تابىلعان پاتەنتتەلگەن زاتتار, عىلىمي ازىرلەمەلەردىڭ ناتيجەسى بويىنشا ورتالىقتاندىرىلعان دەرەكتەر قورىن قۇرۋ, وعان عتجن ىسكە قوسۋعا (كوممەرتسيالاندىرۋعا) مۇددەلى تۇلعالاردىڭ, نارىققا قاتىسۋشىلاردىڭ قول جەتكىزە الۋىن ۇيىمداستىرىپ, ونى ءىس جۇزىندە قولدانۋعا مۇمكىندىك بەرۋ;
9) عتجن كوممەرتسيالاندىرۋدى قامتاماسىز ەتەتىن ينفراقۇ-رىلىمداردى دامىتۋدى جەدەلدەتۋ;
10) عتجن كوممەرتسيالاندىرۋدى جۇزەگە اسىرۋعا بايلانىستى ماسەلەلەر بويىنشا كەڭەس بەرۋ قىزمەتتەرىن ۇسىنۋ;
11) مەملەكەتتىك جانە وعان تەڭەستىرىلگەن جاراتىلىستانۋ عىلىمدارى مەن تەحنيكا سالاسىنداعى جەتەكشى زەرتتەۋلەر جۇرگىزەتىن عىلىمي ۇيىمدار مەن جوعارى وقۋ ورىندارىندا كوممەرتسيالاندىرۋ بولىمشەلەرىن قۇرۋ ادىستەرمەن قامتاماسىز ەتىلەدى.
3. عتجن كوممەرتسيالاندىرۋ نىساندارى
4. عتجن كوممەرتسيالاندىرۋ مىناداي جولدارمەن جۇزەگە اسىرىلادى:
1) عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن كوممەرتسيالاندىرۋعا ىقپال ەتەتىن قۇرىلىمدىق بولىمشەلەردى قۇرۋ;
2) ليتسەنزيالىق كەلىسىم جانە (نەمەسە) عتجن نىسانىنىڭ مەنشىك قۇقىعىنىڭ وزگە تۇلعاعا اۋىسۋى تۋرالى كەلىسىم جاساۋ;
3) تەحنولوگيالاردى كوممەرتسيالىق پايدالانۋ ءۇشىن زاڭدى تۇلعانى قۇرۋ;
4) جەكە جانە زاڭدى تۇلعالارعا كەلىسىم نەگىزىندە قىزمەت كورسەتۋ ارقىلى عتجن پايدالانۋ;
5) قازاقستان رەسپۋبليكاسىنىڭ زاڭنامالارىندا قاراستىرىلعان وزگە دە ادىستەرمەن.
4. عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن كوممەرتسيالاندىرۋعا ىقپال ەتەتىن قۇرىلىمدىق بولىمشەلەردىڭ قۇرىلۋى جانە قىزمەت اتقارۋى
5. مەملەكەتتىك عىلىمي ۇيىمدار جانە مەملەكەتتىك جوعارى وقۋ ورىندارى عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن وندىرىسكە ەنگىزۋ ماقساتىندا كوممەرتسيالاندىرۋ بولىمشەلەرىن قۇرا الادى.
6. كوممەرتسيالاندىرۋ جونىندەگى بولىمشەلەر – كوممەرتسيالاندىرۋعا قاتىسۋشىلار اراسىندا ونى ءبولۋ جانە عىلىمي جانە (نەمەسە) عىلىمي-تەحنيكالىق جۇمىس ناتيجەلەرىن كوممەرتسيالاندىرۋدان تۇسەتىن تابىستى ۇيىمداستىرۋ جانە ءبولىپ الۋ ماقساتىندا عتنج ءىس جۇزىندە قولدانۋعا ىقپال ەتۋ, ىزدەۋگە باعىتتالعان جانە عىلىمي جانە (نەمەسە) عىلىمي-تەحنيكالىق جۇمىس سۋبەكتىلەرىنىڭ بولىمشەلەرى.
7. كوممەرتسيالاندىرۋ جونىندەگى بولىمشەلەردىڭ نەگىزگى جۇمىس باعىتى تەحنولوگيالاردى كوممەرتسيالاندىرۋ كەشەندى قىزمەتىن ۇسىنۋ بولىپ تابىلادى, سونىڭ ىشىندە كوممەرتسيالاندىرۋ تەحنولوگيالارىن باعالاۋ, ماركەتينگتىك زەرتتەۋلەر, ينتەلەكتۋالدىق مەنشىكتى قورعاۋ سالاسىندا كەڭەس بەرۋ قىزمەتى, تەحنولوگيالاردى كوممەرتسيالاندىرۋ ستراتەگياسىن ازىرلەۋ, عىلىمي جانە (نەمەسە) عىلىمي-تەحنيكالىق جۇمىس سۋبەكتىلەرى مەن جەكە كاسىپكەرلىك سۋبەكتىلەرى اراسىندا, ولارمەن تەحنولوگيالاردى كوممەرتسيالاندىرۋ سالاسىندا كەلىسىمدەر جاساۋ ماقساتىندا ءوزارا قارىم-قاتىناستاردى ۇيىمداستىرۋ.
8. عىلىم سالاسىنداعى ۋاكىلەتتى ورگان جانە سالالىق ۋاكىلەتتى ورگاندار مىناداي بەلگىلەنگەن كورسەتكىشتەر بويىنشا كوممەرتسيالاندىرۋ جونىندەگى بولىمشەلەر جۇمىسىنىڭ ناتيجەسىنە جىل سايىن باعالاۋ جۇرگىزەدى:
1) كوممەرتسيالاندىرۋ جونىندەگى بولىمشەلەر تىركەلگەن عتجن سانى;
2) بەرىلگەن عتجن قورعاۋ قۇجاتتارىنىڭ سانى;
3) جۇرگىزىلگەن تەحنولوگيالىق اۋديتتەر سانى (عتجن ساراپتاۋ);
4) جاسالعان ليتسەنزيالىق كەلىسىمدەر سانى;
5) قۇرىلعان يننوۆاتسيالىق كاسىپورىندار سانى;
6) جاسالعان/جۇزەگە اسىرىلعان زەرتتەۋ شارتتارىنىڭ سانى;
7) قۇرىلعان يننوۆاتسيالىق كاسىپورىندارمەن شىعارىلعان عىلىمي ونىمدەر كولەمى.
9. الىنعان عتجن تۋرالى اقپاراتتاردى اشۋ قاعيدالارى مىنالار:
1) بەرىلگەن اقپاراتتىڭ شىنايىلىعى;
2) بەرىلگەن اقپاراتتىڭ رەلەۆانتىلىعى;
3) بەرىلگەن اقپاراتتىڭ تولىقتىعى.
5. تەحنولوگيالاردى كوممەرتسيالىق پايدالانۋ ءۇشىن زاڭدى تۇلعانى قۇرۋ
10. عتجن كوممەرتسيالاندىرۋ جونىندەگى زاڭدى تۇلعانى قۇرۋ شارتتارى, ەگەر قۇرىلتايشىلاردىڭ (قاتىسۋشىلاردىڭ) بىرەۋى نەمەسە جالعىز قۇرىلتايشى (قاتىسۋشى) عتجن ينتەلەكتۋالدىق مەنشىك نىسانىنىڭ قۇقىق يەگەرى بولىپ تابىلسا نەمەسە كوممەرتسيالاندىرۋ دەڭگەيى جوعارى عتجن- ءنىڭ اۆتورلارىنىڭ قاتىسۋىمەن جانە عىلىمي-تەحنيكالىق بازاسى بولسا.
11. ينتەلەكتۋالدىق مەنشىك نىسانىنىڭ جەكە قۇقىقتارىن مەملەكەتتىك عىلىمي ۇيىمدارمەن, جوعارى وقۋ ورىندارىمەن باسقارۋ ولاردىڭ مەنشىك يەلەرىنىڭ – ۋاكىلەتتى مەملەكەتتىك ورگانداردىڭ كەلىسىمىنسىز جۇزەگە اسىرىلادى.
12. ينتەلەكتۋالدىق مەنشىكتى باعالاۋ شىعىندارى كوممەرتسيا-لاندىرۋدى جۇزەگە اسىراتىن ۇيىمنىڭ (بولىمشەنىڭ) قاراجاتى ەسەبىنەن قايتارىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 23 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8096 بولىپ ەنگىزىلدى.
